Morgunblaðið - 15.10.2022, Blaðsíða 14

14 FRÉTTIR
Innlent
MORGUNBLAÐIÐ LAUGARDAGUR 15. OKTÓBER 2022
Faxafeni 14
108 Reykjavík
www.z.is
Helgi Bjarnason
helgi@mbl.is
Þrjár öflugar dísilrafstöðvar hafa
verið settar upp við seiðastöð Arctic
Fish í botni Tálknafjarðar. Hver
stöð er 1.600 kílóvött að stærð og
vegur 10 tonn. Þær eru settar upp
saman í sérstakt hús sem byggt er
yfir þær.
Arctic Fish er að byggja við
seiðastöðina svo framleiðslugetan
tvöfaldast. Sigurvin Hreiðarsson
stöðvarstjóri segir að þær vararaf-
stöðvar sem fyrir eru geti ekki ann-
að þörfum stöðvarinnar þegar raf-
magnið fer af. Nauðsynlegt sé að
auka öryggið. Fyrir eru tvær
vararafstöðvar, báðar mun minni en
þær stöðvar sem nú leysa þær af
hólmi.
Þess má geta að þegar tvö fisk-
vinnslufyrirtæki voru rekin á
Tálknafirði þurfti 1.200 kílóvatta
vararafstöð fyrir þau og alla íbúa
þorpsins. Sýnir þetta hversu mikið
fyrirtæki seiðastöð Artic Fish er.
Ótryggt rafmagn
Sigurvin segir að rafmagnið í
Tálknafirði og á Vestfjörðum sé svo
ótryggt að nauðsynlegt sé að hafa
mikið og öruggt varafl. Hann segir
að stöðin sé vel vöktuð og sjáist vel
þegar flökt sé á rafmagninu þótt
fólkið í þorpinu verði ekki vart við
það í sínu daglega lífi. Stöðin er
með vatnsendurnýtingarkerfi og er
því algerlega háð rafmagni við dæl-
ingu vatns. Segir Sigurvin að ef
dælurnar stoppa verði fljótt léleg
vatnsgæði og súrefnisþurrð.
Með vélunum öflugu er keyptur
samfösunarbúnaður sem gerir
starfsmönnum kleift að hefja
keyrslu vélanna og taka þær inn á
kerfið án þess að rjúfa straum og
aftengja þær með sama hætti.
Þrjár öflugar vara-
aflstöðvar settar upp
- Seiðastöð Arctic Fish þarf öruggt varaafl fyrir reksturinn
Morgunblaðið/Guðlaugur J. Albertsson
Flutningur Hver dísilrafstöð vegur 10 tonn. Hér er verið að setja eina þeirra á sinn stað í seiðastöðinni.
„Við vorum með áætlun gegn kyn-
ferðisáreitni og ofbeldi sem við vor-
um nýbúin að endurskoða og við höf-
um verið að fylgja
henni. Við erum
að bíða eftir nýrri
áætlun sem ráðu-
neytið og Sam-
band íslenskra
framhaldsskóla-
nema ætla að
vinna saman,“
segir Steinn Jó-
hannsson, rektor
Menntaskólans
við Hamrahlíð. Kynferðisáreiti innan
framhaldsskóla komst eiginlega í
beina útsendingu frá skólanum fyrr í
mánuðinum þegar nemendur höfðu í
frammi hörð mótmæli vegna kyn-
ferðisbrotamáls sem þolanda fannst
ekki tekið nægilega vel á.
Þótt eflaust hafi það tekið á að
vera í kastljósinu, í þessu viðkvæma
máli, segist Steinn fagna um-
ræðunni. „Það er brýnt að eiga þetta
samtal og mikilvægt að leitast alltaf
við að gera betur. Við getum alltaf
bætt ferlið og mér finnst umræðan
jákvæð í þá átt af hálfu yfirvalda,
nemenda og skólaumhverfisins alls.“
Eins og fram hefur komið bað
Steinn strax útskrifaðan nemanda,
sem var þolandi í máli í skólanum, af-
sökunar og þótt ekki hafi allir tekið
því vel, hafi hann skynjað hvað við-
komandi var létt. „Það að allir séu
ekki ánægðir með viðbrögðin, sýnir
að það þarf að gera betur og að við
þurfum að vanda okkur í þessum
málaflokki. Það eru skilaboðin.“
Stuðningur frá ráðuneyti
Ásmundur Einar Daðason,
mennta- og barnamálaráðherra,
sendi öllum stjórnendum framhalds-
skóla bréf dagsett 5. október sl. þar
sem beðið er um upplýsingar um
hvernig staðið hafi verið að svona
málum innan skólanna því ráðuneyt-
ið sé að vinna markvisst að því að búa
til samræmda aðgerðaáætlun gegn
einelti, kynferðislegri áreitni og kyn-
ferðisofbeldi fyrir framhaldsskólana.
„Skólastjórnendur fagna þessu
framtaki hjá ráðuneytinu. Svo er já-
kvæð þessi mikla aðkoma nemenda
að þeirri vinnu.“ Steinn segir að það
sé alltaf að mörgu að huga í skóla-
samfélaginu og mikilvægt að nem-
endum líði vel í skólanum. „Þessi um-
ræða í vikunni, um hatursorðræðu í
grunnskólunum, er líka nokkuð sem
þarf að taka á og við þurfum fræðslu
á öllum skólastigum um það hvernig
best sé að taka á henni.“
Nemendum þarf að
líða vel í skólanum
- Samræmd áætlun gegn kynferðisbrotum
Steinn Jóhannsson
Bryndís Haraldsdóttir, þingmaður
Sjálfstæðisflokksins og formaður
allsherjar- og menntamálanefndar,
sagði í samtali við mbl.is í gær að eðli
málsins samkvæmt uppfyllti enginn,
sem Alþingi veitir íslenskan ríkis-
borgararétt,
stjórnsýsluleg
skilyrði um ríkis-
borgararétt. Ef
viðkomandi ein-
staklingar upp-
fylltu skilyrðin
færu þeir í gegn-
um Útlendinga-
stofnun, ekki Al-
þingi.
Dómsmála-
ráðuneytið hefur
gagnrýnt vinnulag þingsins við af-
greiðslu umsókna um ríkisborgara-
rétt, eins og blaðið fjallaði um í gær.
Undirnefnd, sem fer yfir umsókn-
irnar hverju sinni, hefur ákveðið svig-
rúm til að meta og ákveða hverjir það
eru sem Alþingi veitir ríkisborgara-
rétt.
Á boðunarlista í afplánun
„Þar eru engin skilyrði fyrir því
hvað þingið getur gert, enda er þingið
allsráðandi í því,“ sagði Bryndís.
Biðtími vegna brota hafi að sögn
ráðuneytisins ekki verið liðinn í einu
tilviki og í öðru tilviki hafi einstak-
lingur verið á boðunarlista Fangels-
ismálastofnunar. Dómsmálaráðu-
neytið hefur farið þess á leit við
allsherjar- og menntamálanefnd að
funda með fulltrúum ráðuneytisins
um málefni umsækjenda um íslensk-
an ríkisborgararétt.
Bryndís situr sjálf ekki í undir-
nefndinni en hana skipa Birgir Þór-
arinsson, þingmaður Sjálfstæðis-
flokksins, sem fer fyrir nefndinni,
Jódís Skúladóttir, þingmaður VG, og
Arndís Anna Kristínardóttir Gunn-
arsdóttir, þingmaður Pírata.
„Þau eru það fólk sem hefur farið í
gegnum allar umsóknir og umsagnir.
Ég veit að þau hafa þurft að halda
marga fundi í kringum það og farið
vel yfir þetta. Ég ber mikið traust til
þeirra og þeirra vinnu. Þau telja að
þessir einstaklingar sem þau leggja
til fyrir nefndina, og nefndin hefur
svo lagt fyrir Alþingi, séu þess verð-
ugir að fá íslenskan ríkisborgara-
rétt,“ segir Bryndís.
„Það hefur verið ákveðin kergja á
milli þings og stofnunarinnar um um-
sagnir um umsóknir, afhendingu á
þeim og hversu langan tíma það hefur
tekið. Mín persónulega skoðun er sú
að við þurfum að endurskoða þetta og
gera þetta með öðrum hætti. Það er
undirnefnd að störfum, sem ég stýri,
sem er að fara yfir þá möguleika sem
eru í stöðunni. Hvernig væri hægt að
gera þetta öðruvísi. Enn sem komið
er eru mjög skiptar skoðanir um það
hvernig þessu er best fyrirkomið.“
Arndís Anna Kristínardóttir Gunn-
arsdóttir, þingmaður Pírata, sem á
sæti í undirnefnd allsherjar- og
menntamálanefndar, sem fer yfir um-
sóknir um ríkisborgararétt, tekur
undir orð Bryndísar í samtali við
Morgunblaðið.
Segir hún það hryggilegt að dóms-
málaráðuneytið sjái sér hag í því að
koma af stað umræðu í fjölmiðlum um
einstök mál. Slíkt setji þá einstak-
linga í vonda stöðu sem fengið hafi
ríkisborgararétt í gegnum þingið.
Nöfn þeirra séu birt opinberlega.
„Þetta er bara mjög alvarlegt,“ segir
þingmaðurinn.
Spurð út í hvernig það megi vera,
að fólk á boðunarlista í afplánun fái
ríkisborgararétt á Íslandi, segir Arn-
dís það útilokað að hún ræði einstök
mál við fjölmiðla.
„Við skoðum hvert einasta mál og
við höfum mjög ítarleg persónuleg
gögn um alla umsækjendur. Við ósk-
um eftir umsögn lögreglunnar og öll-
um upplýsingum um stöðu fólks á Ís-
landi. Þeir sem sækja um í gegnum
Alþingi eru þeir sem uppfylla ekki öll
skilyrði laganna. Fólk þarf að upp-
fylla mjög ströng skilyrði til að fara í
gegnum Útlendingastofnun og gagn-
rýni ráðuneytisins beinist einmitt að
þessum þætti,“ segir Arndís Anna.
Kergja milli
þings og ÚTL
- „Ég ber mikið traust til þeirra“
Bryndís
Haraldsdóttir