Morgunblaðið - 15.10.2022, Blaðsíða 34

34 MINNINGAR
MORGUNBLAÐIÐ LAUGARDAGUR 15. OKTÓBER 2022
✝
Tryggi Ísaks-
son fæddist 5.
september 1938 á
Hóli í Kelduhverfi
og ólst þar upp til
fimm ára aldurs
þegar fjölskyldan
flutti í heiðarbýlið
Undirvegg. Hann
lést á Heilbrigð-
isstofnun Norður-
lands á Húsavík 4.
október 2022.
Foreldrar hans voru Klara
úsdóttur ljósmóður, og bjuggu
þau á Undirvegg til ársins 1963
þegar þau keyptu jörðina Hól og
bjuggu þar allan sinn búskap.
Börn þeirra eru: 1) Sigurður
Reynir, giftur Vigdísi Sigvarð-
ardóttur og eiga þau einn son og
tvær dætur, sjö barnabörn og
eitt barnabarnabarn. 2) Esther
Björk, gift Þráni Ómari Sig-
tryggssyni og eiga þau tvo syni
og sjö barnabörn. 3) Kristinn
Rúnar, giftur Hrund Ásgeirs-
dóttur og þau eiga þrjá syni og
tvö barnabörn.
Tryggvi verður jarðsunginn
frá Húsavíkurkirkju í dag, 15.
október 2022, kl. 14.
Tryggvadóttir og
Ísak Sigurgeirsson.
Systkini hans
eru: Sigvaldi sem
er látinn, Hall-
grímur látinn, Sig-
urgeir búsettur á
Akureyri, Sig-
urbjörg búsett í
Reykjavík og Krist-
rún búsett í Reykja-
vík.
Árið 1960 giftist
Tryggvi Hrefnu Maríu Magn-
Elsku pabbi minn, kletturinn
minn, fyrirmyndin mín.
Lítill lófi í stórum lófa. Þú
leiddir mig, fræddir mig,
verndaðir mig. Með þér sat ég
á garðabandinu og við ræddum
um Nibbu, Hreðku og Mögu
mína og allar hinar ærnar og
stúderuðum hvernig lömbin
yrðu sem við fengjum. Með þér
svaf ég í hrútaspilinu á sauð-
burði, með þér sat ég vestur á
holti þegar ég agnarsmá hellti
upp á og færði þér kaffi, með
þér sat ég inni í stofu að hlusta
á karlakórinn, með þér vildi ég
helst alltaf vera því nærvera
þín var alltaf svo hlý, góð og
gefandi.
„Ertu komin þarna elsku
stúlkan mín.“ Svona heilsaðir
þú mér alla síðustu dagana
þegar ég kom til þín á spít-
alann, síðan þurftirðu að fá að
vita hvernig allt gengi fyrir sig
hjá okkur. Hvað yrðu settir á
margir hrútar, hvað vantaði af
fjalli og svo framvegis. Brenn-
andi áhugi til hinstu stundar,
og umhyggja fyrir okkur, fólk-
inu þínu.
En nú er komið að leiðarlok-
um, í bili. Það er svo óend-
anlega sárt.
Far þú í friði
friður Guðs þig blessi
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem)
Elsku pabbi, takk fyrir allt
sem þú varst mér.
Þín dóttir,
Esther Björk
(Edda).
Minn elskulegi tengdafaðir
er fallinn frá.
Tryggvi var einstaklega ljúf-
ur við samferðamenn sína með
kerskni og hnyttni í tilsvörum.
Hann var frábær afi og barna-
börnin hændust sérstaklega að
honum því hann hafði einstakt
lag á að ná sambandi við þau
með söng og vísum. Það voru
forréttindi fyrir syni mína að fá
að alast upp við að hafa afa og
ömmu í næsta húsi sem um-
vöfðu þá ástúð og umhyggju
alla tíð.
Ég hef verið Tryggva sam-
ferða í 37 ár, allt frá því að ég
kom fyrst í Hól þá 16 ára göm-
ul. Þau Hrefna hafa reynst mér
sem foreldrar alla tíð eftir ég
flutti norður og fyrir það er ég
þeim ævinlega þakklát. Tryggvi
var bæði styðjandi og hvetj-
andi. Hann sýndi öllu því áhuga
sem ég tók mér fyrir hendur,
hvort sem um var að ræða nám
og kennslu, félagsmál eða póli-
tík – og eitt var öruggt – ég
átti stuðning hans ávallt vísan.
Hann var einstaklega bóngóður
og ef ég þurfti að leita til hans
með að semja vísur við hin og
þessi tilefni, fékk ég alltaf já-
kvæð viðbrögð og hann var
fljótur til, þó hann segði að
andinn væri ekki alveg yfir sér
núna. Vísurnar fékk ég að
bragði.
Hugur Tryggva var alla tíð
við búskapinn enda bóndi af lífi
og sál. Þrátt fyrir að hafa sjálf-
ur hætt búskap tiltölulega
snemma var hann ávallt til
staðar og hjálpaði til eins mikið
og hann gat, bæði á álagstím-
um og eins við dagleg bústörf.
Hann var ósérhlífinn og setti
sjálfan sig aldrei í fyrsta sæti
þrátt fyrir að hafa verið heilsu-
veill.
Einhvern veginn er maður
aldrei viðbúinn því að takast á
við dauðann þó hann sé órjúf-
anlegur hluti af lífinu. Á þess-
um tímapunkti er þakklæti mér
efst í huga fyrir öll árin sem við
áttum saman og aldrei bar
skugga á okkar samskipti. Það
verður skrýtið að fara í gamla
húsið í kaffi og enginn Tryggvi
til að taka á móti okkur í spjall.
Við hefðum gjarnan vilja fá að
fylgja honum lengur um lífsins
veg en nú er komið að leið-
arlokum og minningin um
elskulegan tengdapabba mun
lifa. Hafðu þökk fyrir allt og
allt.
Hrund
Ásgeirsdóttir.
Með gæsku- og kímnisblik í
augum og rödd sem þóttist
vera alvarleg. Þegar hann kom
með Hrefnu sinni í slátursöluna
og rétti afgreiðsludömunni lít-
inn miða þar sem hann sagði í
bundnu máli eitthvað jákvætt
og skemmtilegt sem mér þótti
jafnvel stundum varla verð-
skuldað.
Ég man ekki hvenær ég sá
Tryggva fyrst en ég kynntist
ég þeim hjónum gegn um dótt-
ur þeirra fljótlega eftir að ég
flutti í héraðið og það var aldr-
ei leiðinlegt, með sumu fólki er
ekki hægt að láta sér leiðast.
Það er honum að þakka að öll
barnabörnin okkar eiga vísur
með nafni sínu fléttuðu inn í.
Þær eru saumaðar í handklæði
og neðan við stendur T.Í. Þessi
handklæði eru eigendum sínum
mikils virði.
Við Norðurhlíðarhjónin
þökkum innilega allar ánægju-
stundirnar með Hólshjónunum
hvort heldur sem var á götu í
kaupstaðarferð eða dansandi á
einhverju þorrablótinu.
Elín
Kjartansdóttir.
Yrki ég með eftirsjá
einn er brostinn strengur.
Tryggvi á Hóli fallinn frá
fór þar góður drengur.
Mágur minn og stórvinur,
Tryggvi Ísaksson, er allur eftir
stutta en snarpa sjúkrahúsvist.
Ljóst var þó fyrir nokkru að
hverju stefndi. Stór skörð hafa
verið höggvin í fjölskylduna en
annar mágur minn og vinur,
Sigvaldi bróðir hans, féll frá
núna í sumar.
Leiðir okkar Tryggva lágu
fyrst saman fyrir 50 árum er ég
kom með konu minni, systur
hans Kristrúnu, í Kelduhverfið.
Eftir að við Kristrún eignuð-
umst Undirvegg, næstu jörð við
Hól, ásamt fleiri systkinum
hennar, urðu samverustundir
tíðari. Margs er að minnast frá
þeim fundum, en Tryggvi og
Hrefna voru höfðingjar heim að
sækja eins og allir vita sem til
þekkja. Vinaböndin urðu enn
traustari þegar við Kristrún
tókum sauðburðarvaktir á Hóli
hjá Rúnari og Hrund á árunum
2014-2020. Tryggvi og Hrefna
létu ekki sitt eftir liggja í þeim
efnum þó að formlegum búskap
þeirra væri hætt. Það var alltaf
tilhlökkunarefni á hverjum
morgni um klukkan sjö þegar
þau mættu í fjárhúsin til okkar.
Þar voru lausnir á öllum vanda-
málum sem upp kunnu að
koma.
Tryggvi var bráðhagmæltur
og eftir að hann komst að því
að undirritaður gæti hnoðað
saman vísu þá stóð hvorki á
fyrripörtum né botnum sem á
milli okkar fóru. Margt af því
er glatað en nokkurt safn er þó
til á sneplum hér og þar. Hann
var líka eftirsóttur skemmti-
kraftur við ýmis tilefni í sveit-
inni og fór hann þar gjarnan
með kveðskap og gamanmál.
Hann var fróður um menn og
málefni, hafði einstaka frásagn-
argáfu og fór létt með að segja
þannig frá að menn veltust um
af hlátri. Þessum hæfileika hélt
hann til hinstu stundar.
Segja má að Tryggvi hafi
verið menntaður maður þótt
ekki væri hann langskólageng-
inn. Fyrir utan margra áratuga
þekkingu á búskap og búskap-
arháttum gat hann verið allt í
senn veðurfræðingur, leikskóla-
kennari, leikari, sálfræðingur
og félagsráðgjafi ef því var að
skipta. Börn hændust ávallt að
honum strax eftir fyrstu kynni.
Ekki bara afa- og langafabörn
heldur líka börn systkina hans
og fjölmargra vina og ættingja
okkar Kristrúnar og annarra.
Hann hafði einstakt lag á að
skemmta og láta smáum sem
stórum líða vel og hafa gaman.
Gáski hans, glettni og um-
hyggja mun búa með okkur
áfram.
Síðasta vísan sem ég sendi
honum á dánarbeðnum var
svona:
Heiðursmaður Hóls úr rann
háir glímu snarpa.
Segja vil ég víst með sann
virði ég slíka garpa.
Ekki gafst honum tími til að
svara. Vertu sæll Tryggvi
minn. Lífið verður vissulega fá-
tæklegra án þín.
Við Kristrún sendum
Hrefnu, Sigurði, Esther,
Rúnari og fjölskyldum þeirra
okkar innilegustu samúðar-
kveðjur.
Erlendur S.
Baldursson.
En handan við fjöllin
og handan við áttirnar og nóttina
rís turn ljóssins
þar sem tíminn sefur.
Inn í frið hans og draum
er förinni heitið.
(Snorri Hjartarson)
Tryggvi fannst mér að
mörgu leyti tengja saman
gamla bændasamfélagið, bjó í
torfbæ fyrstu æviárin, og nú-
tímann.
Ég naut þess að spyrja hann
um liðna tíð, bæði var hann
hafsjór af fróðleik, minnugur
vel og ekki skemmdi frábær
frásagnargáfan þar sem glettn-
in var ávallt skammt undan.
Engu síðra var að heyra hann
segja sögur af samtíðarfólki úr
sveitinni sem kryddaðar voru
góðum húmor, leikrænum til-
þrifum, stökum og tækifæris-
vísum.
Fyrst og síðast var minnist
ég Tryggva sem einstaklega
góðs manns með stórt hjarta.
Hann lét mann finna hversu
þakklátur hann var ef maður
hafði lagt hönd á plóg og gilti
þá einu hvort verkið var lítið
eða stórt. Börn voru ákaflega
hænd að honum, enda átti hann
svo margt skemmtilegt til í
kofforti sínu en ekki síst vegna
þess að hann talaði við þau eins
og jafningja.
Þegar fólkið manns býr í
fjarlægð verða kveðjustundirn-
ar margar. Ég get með sanni
sagt að fáir hafa kvatt mig með
jafn mikilli hlýju og innileik
eins og ég fann í faðmlagi
Tryggva. Nú faðma ég hann í
huganum, þakka góða og inni-
haldsríka samfylgd í gegnum
tíðina.
Hrefnu sendi ég mínar inni-
legustu samúðarkveðjur sem og
fjölskyldunni allri.
Ásgeir Nikulás
Ásgeirsson.
Tryggvi Ísaksson
Stapahrauni 5, Hafnarfirði
Sími: 565 9775
www.uth.is - uth@uth.is
Frímann
897 2468
Hálfdán
898 5765
Ólöf
898 3075
Kristín
699 0512
Ástkær eiginmaður minn, faðir okkar,
tengdafaðir, afi og langafi,
GYLFI JÓNSSON
fv. flugstjóri,
sem lést á bráðamóttöku Landspítalans í
Fossvogi þriðjudaginn 27. september,
verður jarðsunginn frá Digraneskirkju miðvikudaginn 19. október
klukkan 13.
Guðrún Lára Bergsveinsdóttir
Bergsveinn Þór Gylfason Steinunn Steingrímsdóttir
Elín Gylfadóttir Haraldur Karlsson
Lára Fanney Gylfadóttir Ragnar Árni Ragnarsson
barnabörn og barnabarnabarn
Ástkær móðir okkar, tengdamóðir, amma,
langamma og langalangamma,
AUÐUR ÁSDÍS SÆMUNDSDÓTTIR,
Höfðagrund 7, Akranesi,
lést á dvalarheimilinu Höfða mánudaginn
10. október. Útför hennar fer fram frá
Akraneskirkju föstudaginn 21. október klukkan 13.
Blóm og kransar vinsamlegast afþakkaðir.
Streymt verður frá útförinni á vef Akraneskirkju.
Einar Þórarinsson
Helgi Þórarinsson Guðmunda M. Svavarsdóttir
Þórarinn Þórarinsson Birgitta Guðnadóttir
Reynir Þórarinsson Jóna B.H. Jónsdóttir
ömmu-, langömmu- og langalangömmubörn
Ástkæri maðurinn minn, faðir okkar,
tengdafaðir, afi og bróðir,
EYÞÓR BALDURSSON
fyrrverandi flugstjóri,
varð bráðkvaddur á heimili sínu
mánudaginn 10. október.
Útför fer fram í Digraneskirkju fimmtudaginn 20. október
klukkan 15.
Halldóra Ingimarsdóttir
Baldur Eyþór Eyþórsson Ulrika Eyþorsson
Benjamin Eyþór Hellström Baldursson
Filippa Ulrika Hellström
Salvör Eyþórsdóttir Óli Ólafsson
Birna Gyða Ásmundsdóttir
Þröstur Laxdal Atlason Guðrún Linda Jóhannsdóttir
Helga Hauksdóttir Sigurður Davíð Stefánsson
Ásta Ragnheiður Hauksdóttir
systkini og barnabörn
Ástkær eiginkona mín, móðir okkar,
tengdamóðir og amma,
ESTHER GUÐMARSDÓTTIR,
lést í faðmi fjölskyldunnar á
hjúkrunarheimilinu Eir þriðjudaginn
11. október. Útförin fer fram frá
Grafarvogskirkju fimmtudaginn 20. október
klukkan 15. Hlekk á streymi má nálgast á mbl.is/andlat
Haukur Aðalsteinsson
Arnar Hauksson Oddný Hrollaugsdóttir
Eva Hauksdóttir
Eydís Hauksdóttir Bjarni Ólafsson
Magnús Haukur, Andri Már, Viktor Ingi, Róbert Þór, Eyþór
Atli, Daníel Þór og Valur Snær
Ástkær móðir, amma, langamma og systir,
RAGNA AÐALSTEINSDÓTTIR
bóndi á Laugabóli við Djúp,
lést fimmtudaginn 13. október. Hún verður
jarðsungin frá Ísafjarðarkirkju föstudaginn
21. október klukkan 11.
Garðar Smári Vestfjörð
Sindri Vestfjörð Gunnarsson
Helena Björg Vestfjörð
Hjörtur Smári Vestfjörð
Anna Magdalena Vestfjörð
Óskar Ingi Sigmundsson
Rebekka Aðalsteinsdóttir
Sigríður Aðalsteinsdóttir
og fjölskyldur
Sálm. 17.5-6
biblian.is
Skref mín eru örugg
á vegum þínum,
mér skrikar ekki
fótur. Ég hrópa til
þín því að þú svarar
mér, Guð,...
HJARTAVERND
Minningarkort
535 1800
www.hjarta.is
Minningarkort á
hjartaheill.is
eða í síma 552 5744