Morgunblaðið - 15.10.2022, Blaðsíða 40

40 ÍÞRÓTTIR
MORGUNBLAÐIÐ LAUGARDAGUR 15. OKTÓBER 2022
England
Brentford – Brighton............................... 2:0
Staða efstu liða:
Arsenal 9 8 0 1 23:10 24
Manchester City 9 7 2 0 33:9 23
Tottenham 9 6 2 1 20:10 20
Chelsea 8 5 1 2 13:10 16
Manchester Utd. 8 5 0 3 13:15 15
Newcastle 9 3 5 1 17:9 14
Brighton 9 4 2 3 14:11 14
Brentford 10 3 4 3 18:17 13
Svíþjóð
Rosengård – Eskilstuna.......................... 1:0
- Guðrún Arnardóttir lék allan leikinn fyr-
ir Rosengård.
Staða efstu liða:
Rosengård 23 18 3 2 66:24 57
Kristianstad 22 15 4 3 50:18 49
Linköping 22 16 1 5 54:23 49
Häcken 22 14 5 3 50:18 47
Hammarby 22 12 2 8 36:27 38
Piteå 22 11 4 7 29:19 37
Vittsjö 22 10 6 6 33:22 36
Eskilstuna 23 11 3 9 27:26 36
Elfsborg – Degerfors .............................. 1:1
- Sveinn Aron Guðjohnsen lék fyrstu 65
mínúturnar fyrir Elfsborg og Hákon Rafn
Valdimarsson varði mark liðsins.
Staða efstu liða:
Häcken 25 14 9 2 54:31 51
Djurgården 25 14 6 5 46:20 48
Hammarby 25 13 7 5 49:22 46
Kalmar 25 13 5 7 31:20 44
AIK 25 12 8 5 40:30 44
Malmö FF 25 12 6 7 33:23 42
Elfsborg 26 9 10 7 46:34 37
Gautaborg 25 11 3 11 34:30 36
Danmörk
Lyngby – AaB .......................................... 0:2
- Sævar Atli Magnússon kom inn á sem
varamaður á 61. mínútu hjá Lyngby en Al-
freð Finnbogason lék ekki með liðinu vegna
meiðsla. Freyr Alexandersson þjálfar liðið.
Holland
B-deild:
Almere City – Jong Ajax ........................ 2:3
- Kristian Nökkvi Hlynsson fór af velli á
90. mínútu hjá Jong Ajax.
Venlo – Dordrecht................................... 0:1
- Kristófer Ingi Kristinsson var ónotaður
varamaður hjá Venlo.
Tyrkland
Alanyaspor – Antalyaspor ..................... 3:2
- Rúnar Alex Rúnarsson varði mark Al-
anyaspor.
4.$--3795.$
Grill 66 deild kvenna
Víkingur – HK U .................................. 38:34
Grótta – FH .......................................... 31:23
Staðan:
Grótta 3 3 0 0 89:64 6
FH 3 2 0 1 76:75 4
Víkingur 3 2 0 1 90:78 4
ÍR 2 1 1 0 55:32 3
Fram U 2 1 0 1 54:50 2
Afturelding 1 0 1 0 19:19 1
Valur U 1 0 0 1 21:29 0
Fjölnir/Fylkir 2 0 0 2 37:57 0
HK U 3 0 0 3 71:108 0
Þýskaland
Bikarkeppnin, 32 liða úrslit:
Göppingen – Sachsen Zwickau ......... 28:30
- Díana Dögg Magnúsdóttir skoraði 6
mörk fyrir Sachsen Zwickau.
%$.62)0-#
Subway-deild karla
Grindavík – Valur ................................. 67:68
Haukar – Þór Þ..................................... 90:84
Staðan:
Breiðablik 2 2 0 247:233 4
Haukar 2 2 0 188:176 4
Keflavík 2 2 0 174:166 4
Tindastóll 2 1 1 165:152 2
Stjarnan 2 1 1 170:168 2
Valur 2 1 1 144:151 2
ÍR 2 1 1 153:162 2
Grindavík 2 1 1 155:151 2
Njarðvík 2 1 1 168:169 2
KR 2 0 2 216:224 0
Höttur 2 0 2 178:189 0
Þór Þ. 2 0 2 184:201 0
1. deild karla
Skallagrímur – Þór Ak....................... 106:74
Ármann – Álftanes ............................... 79:87
Fjölnir – Hrunamenn....................... 106:111
Selfoss – ÍA ......................................... 116:87
Hamar – Sindri ..................................... 96:86
Staðan:
Álftanes 4 4 0 369:347 8
Selfoss 4 3 1 399:324 6
Sindri 4 3 1 349:301 6
Hamar 4 2 2 379:361 4
ÍA 4 2 2 332:356 4
Ármann 4 2 2 367:374 4
Hrunamenn 4 2 2 382:397 4
Skallagrímur 4 2 2 356:327 4
Fjölnir 4 0 4 343:401 0
Þór Ak. 4 0 4 283:371 0
4"5'*2)0-#
KÖRFUBOLTINN
Gunnar Egill Daníelsson
gunnaregill@mbl.is
Íslandsmeistarar Vals unnu sinn
fyrsta deildarsigur á tímabilinu
þegar annarri umferð úrvalsdeildar
karla í körfuknattleik, Subway-
deildarinnar, lauk með tveimur
leikjum í gærkvöldi.
Liðið hafði þar naumlega betur
gegn Grindavík, 68:67, í sannköll-
uðum hörkuleik í Grindavík.
Eins og lokatölurnar gefa til
kynna var mikið jafnræði með lið-
unum hartnær allan leikinn. Staðan
var 36:35, Val í vil, í leikhléi og var
mikil spenna allt til enda.
Undir blálokin náði Valur sex
stiga forystu, 64:58, en síðustu
rúmu mínútuna tókst Grindavík að
saxa á forskotið og setti til að
mynda niður þriggja stiga körfu á
lokasekúndunni en hún kom ögn of
seint og eins stigs sigur Vals nið-
urstaðan.
Bæði Valur og Grindavík hafa því
unnið einn leik og tapað einum í
fyrstu tveimur umferðunum.
Stigahæstir voru Ozren Pavlovic
hjá Val með 14 stig og David Azore
hjá Grindavík, einnig með 14 stig.
Annar sigur Hauka
Nýliðar Hauka unnu þá sterkan
90:84-sigur á Þór frá Þorlákshöfn í
Ólafssal í Hafnarfirði. Haukar voru
með yfirhöndina í fyrri hálfleik og
leiddu 55:45 í leikhléi.
Í síðari hálfleik gerðu Þórsarar
nokkrum sinnum áhlaup og komust
yfir um stund í þriðja leikhluta. Það
varði þó stutt og Haukar náðu aftur
undirtökunum. Í blálokin náði Þór
að minnka muninn niður í þrjú stig,
87:84, en Hilmar Smári Hennings-
son svaraði með þriggja stiga körfu
og tryggði sigurinn.
Haukar hafa unnið báða deild-
arleiki sína til þessa en Þór hefur
tapað báðum sínum.
Hilmar Smári var stigahæstur í
leiknum með 23 stig fyrir Hauka.
Norbertas Giga átti sömuleiðis stór-
leik og skoraði 20 stig fyrir Hauka
ásamt því að taka 17 fráköst.
Alonzo Walker var stigahæstur í
liði Þórs með 18 stig. Hann tók auk
þess 11 fráköst.
Valur vann
sinn fyrsta leik
- Nýliðar Hauka með fullt hús stiga
Morgunblaðið/Árni Sæberg
Troðsla Hilmar Smári Henningsson treður á meðan Josep Pérez fylgist
með. Hilmar Smári var stigahæstur í leik Hauka og Þórs með 23 stig.
Körfuknattleiks- og frjálsíþrótta-
konan Hanna Þráinsdóttir hefur
verið tilnefnd í hóp þrjátíu bestu
íþróttakvenna í bandarísku háskól-
unum á þessu ári, en úr þeim hópi
verður valin kona ársins í janúar
2023. Það er Háskólaíþróttasam-
band Bandaríkjanna (NCAA) sem
stendur að valinu en þar er tekið til-
lit til íþróttaárangurs, námsárang-
urs, leiðtogahæfileika og samfélags-
legrar virkni. Hanna er fyrsta ís-
lenska konan sem hefur hlotið slíka
tilnefningu en hún lauk námi frá
Georgian Court-háskóla í vor.
Tilnefnd sem
kona ársins 2023
Ljósmynd/Georgian Court
Tilnefnd Hanna Þráinsdóttir í leik
með liði Georgian Court.
Styrmir Snær Þrastarson, lands-
liðsmaður í körfuknattleik, er
genginn aftur í raðir uppeldisfélags
síns, Þórs frá Þorlákshöfn.
Á síðasta tímabili lék Styrmir,
sem er 21 árs, með liði Davidson í
háskólaboltanum í Bandaríkjunum.
Tímabilið þar á undan hjálpaði
hann Þór að verða Íslandsmeistari í
fyrsta sinn í sögu félagsins, þá að-
eins 19 ára gamall.
Hvergi var formlega tilkynnt um
endurkomu Styrmis til Þórs en
hann var skyndilega mættur í byrj-
unarliðið gegn Haukum í gær.
Styrmir aftur til
Þorlákshafnar
Morgunblaðið/Kristinn Magnúss
Þorlákshöfn Styrmir Snær Þrast-
arson er kominn aftur í Þór.
Elín Klara Þorkelsdóttir, 18 ára
leikstjórnandi úr Haukum, og Ethel
Gyða Bjarnasen, 17 ára markvörð-
ur úr HK, eru nýliðar í tuttugu
manna landsliðshópi kvenna í hand-
knattleik sem Arnar Pétursson
landsliðsþjálfari tilkynnti í gær.
Þær hafa vakið athygli með
frammistöðu sinni í úrvalsdeildinni
í haust, sem og með U18 ára lands-
liðinu sem þær léku báðar með fyrr
á þessu ári. Ethel Gyða hefur haft
nóg að gera í marki HK sem hefur
átt erfiða byrjun á Íslandsmótinu
en Elín Klara er markahæsti leik-
maður Hauka í haust með 20 mörk í
fyrstu þremur leikjunum í deild-
inni.
Íslenska liðið leikur tvo vináttu-
landsleiki í Færeyjum 29. og 30.
október en mætir síðan Ísrael í
tveimur leikjum í forkeppni heims-
meistaramótsins á Ásvöllum 5. og 6.
nóvember. Hópurinn er þannig
skipaður:
MARKVERÐIR:
Ethel Gyða Bjarnasen, HK
Hafdís Renötudóttir, Fram
Sara Sif Helgadóttir, Val
AÐRIR LEIKMENN:
Aldís Ásta Heimisdóttir, Skara
Andrea Jacobsen, EH Aalborg
Berglind Þorsteinsdóttir, HK
Díana Dögg Magnúsd., Zwickau
Elín Klara Þorkelsd., Haukum
Hildigunnur Einarsdóttir, Val
Jóhanna M. Sigurðard., Skara
Lovísa Thompson, án félags
Perla Ruth Albertsdóttir, Fram
Rakel Sara Elvarsdóttir, Volda
Rut Arnfjörð Jónsdóttir, KA/Þór
Sandra Erlingsdóttir, Metzingen
Steinunn Björnsdóttir, Fram
Sunna Jónsdóttir, ÍBV
Thea Imani Sturludóttir, Val
Unnur Ómarsdóttir, KA/Þór
Þórey Rósa Stefánsdóttir, Fram
Ungir nýliðar í 20
manna landsliðshópi
Ljósmynd/IHF
Nýliði Elín Klara Þorkelsdóttir í
leik með U18 ára landsliðinu.
Aron Pálmarsson, fyrirliði íslenska karlalandsliðsins í
handknattleik, tók þátt á æfingu liðsins í Tallinn í Eist-
landi í gær fyrir leik þess gegn heimamönnum í riðli 3 í
undankeppni EM 2024 í dag.
Aron gat ekki tekið þátt í öruggum 36:21-sigri Íslands
gegn Ísrael í fyrsta leik beggja liða í undankeppninni í
liðinni viku vegna smávægilegra meiðsla en ferðaðist
með liðinu til Tallinn.
Alls fóru 17 leikmenn út til Eistlands og tóku þeir allir
þátt á æfingunni í keppnishöllinni Kalevi Spordihall í
höfuðborg Eistlands í gær.
16 leikmenn verða, sem venja er, á leikskýrslu og því
kemur það í ljós í dag hvort Aron verði einn þeirra og taki þátt í leiknum,
sem hefst klukkan 16.10 að íslenskum tíma.
Engir aðrir leikmenn íslenska liðsins hafa glímt við meiðsli undanfarna
viku og ættu því að vera klárir í slaginn.
Eistland tapaði fyrsta leik sínum í undankeppninni, 31:23, þegar liðið
sótti Tékkland heim síðastliðinn miðvikudag. gunnaregill@mbl.is
Aron æfði í Eistlandi í gær
Aron
Pálmarsson
ÍBV freistar þess um helgina að fylgja Valskonum eftir og komast í þriðju
umferð Evrópubikarsins í handbolta. Eyjakonur mæta Ionias frá Grikk-
landi og fara báðir leikir liðanna fram í Vestmannaeyjum í dag og á morg-
un en þeir hefjast klukkan 14 báða dagana. Sæti í 32ja liða úrslitum keppn-
innar er í húfi.
Ionias er frá Nea Ionia, úthverfi Aþenu, og hefur fimm sinnum orðið
grískur meistari. Liðið vann þá fimm titla á jafnmörgum árum, frá 2014 til
2018, en frá þeim tíma hefur PAOK frá Þessaloníku einokað meistaratit-
ilinn.
Ionias lék um árabil í Evrópukeppni, nær óslitið frá aldamótum til 2019,
en spilar nú fyrstu Evrópuleiki sína í þrjú ár. Síðast komst liðið áfram árið
2015, gegn enska liðinu London HC, en féll út gegn mótherjum frá Portú-
gal, Tyrklandi og Rússlandi í fyrstu atrennu þar á eftir.
ÍBV þekkir vel til gríska handboltans eftir að hafa slegið út grísku liðin
PAOK (53:51 samanlagt) og Panorama (55:44 samanlagt) á síðasta tímabili
en þá komust Eyjakonur í átta liða úrslit Evrópubikarsins.
Tveir Evrópuleikir í Eyjum