Morgunblaðið - 15.10.2022, Blaðsíða 22

22 FRÉTTIR
Viðskipti | Atvinnulíf
MORGUNBLAÐIÐ LAUGARDAGUR 15. OKTÓBER 2022
Laugavegi 29 | sími 552 4320 | www.brynja.is | verslun@brynja.is
Vefverslun brynja.is
30% afsláttur
af öllum vörum
ELTAK sérhæfir sig
í sölu og þjónustu
á vogum
Bjóðum MESTA úrval
á Íslandi af smáum
og stórum vogum
15. október 2022
Gjaldmiðill Gengi
Dollari 144.27
Sterlingspund 162.4
Kanadadalur 104.52
Dönsk króna 18.888
Norsk króna 13.572
Sænsk króna 12.761
Svissn. franki 144.47
Japanskt jen 0.9829
SDR 184.46
Evra 140.5
Meðalgengi/Viðskiptavog þröng 173.0645
BAKSVIÐ
Stefán E. Stefánsson
ses@mbl.is
Elsti bílaframleiðandi Kína hefur
innreið sína á íslenska markaðinn í
dag þegar BL kynnir til leiks
rafmagnað flaggskip Hongqi. Nafnið
er flestum framandi hér á landi en
afar þekkt í heimalandinu, enda
framleiðandi að þekktum glæsi-
vögnum sem m.a. eru notaðir til þess
að ferja hinn sífellt atkvæðameiri Xi
Jinping, forseta landsins.
Ísland er í hópi fyrstu Evrópuríkja
sem fá hinn íturvaxna Hongqi E-HS9
á markað en Norðmenn riðu á vaðið
fyrr á þessu ári í kjölfar þess að
umboðsaðili framleiðandans þar í
landi hóf að taka við pöntunum í hann
undir lok síðasta árs.
Viðtökurnar þar í landi hafa verið
góðar enda norska þjóðin óseðjandi
þegar kemur að rafbílum. Segir
Brynjar Elefsen Óskarsson, fram-
kvæmdastjóri sölusviðs BL, að 1.300
eintök hafi selst þar í landi til dagsins
í dag.
Fimm bílar seldust strax
Viðtökurnar virðast ekki heldur
ætla að láta standa á sér hér.
„Við sendum út tilkynningu um
frumsýninguna í gær [miðvikudag]
og við erum búin að selja fimm bíla í
dag. Allt í allt eru þetta því orðnir um
8 bílar,“ segir Brynjar og brosir.
Hann segir að Hongqi sé gamal-
gróið bílamerki í Kína og hafi auk
þess komið að smíði bíla fyrir
evrópska og japanska framleiðendur
fyrir Kínamarkað á síðustu áratug-
um, m.a. Toyota og Audi.
„Þetta eru engir nýgræðingar og
búa að mikilli þekkingu og reynslu,“
útskýrir hann. Spurður út í hvernig
það hafi komið til að BL tók við um-
boði fyrir kínverska framleiðandann
segir Brynjar að fulltrúar Hongqui
hafi átt frumkvæðið.
„Þeir vilja vinna með reynslumikl-
um aðilum. Við búum nú þegar yfir
þekkingu á þjónustu og öðru varð-
andi rafbíla og þá erum við einnig
komin með góða reynslu af MG en
það eru einnig kínverskir bílar.“
Sífellt fleiri kínverskir
Þegar rýnt er í sölutölur nýrra bíla
sem Bílgreinasambandið heldur til
haga má sjá að á fyrstu níu mánuðum
þessa árs voru nýskráðir 228 bílar af
gerðinni Polestar sem Brimborg
flytur inn. Það er kínverskur bíla-
framleiðandi sem farið hefur mikinn
að undanförnu, ekki aðeins hér á
landi heldur einnig í Noregi. Þá voru
nýskráðir á fyrstu níu mánuðum
ársins 29 Maxus-bílar sem einnig eru
kínverskir að uppruna. Fyrrnefndir
MG-bílar voru nýskráðir í 240 eintök-
um. Þótt hlutdeild þessara framleið-
enda sé enn tiltölulega smá í heildar-
samhengi hlutanna þá verður að taka
tillit til þess að Kínverjar hafa ekki
gert sig gildandi á bílamarkaði hér á
landi fram til þessa.
100 bílar á nýju ári
Daníel Snær Sigfússon er vöru-
merkjastjóri hjá BL. Hann segir að
ráð sé gert fyrir 30 Hongqi-bílum til
landsins á þessu ári, til viðbótar við
þá fjóra sem nú þegar eru komnir.
„Við erum svo að gera ráð fyrir um
80-100 bílum á næsta ári sem við
teljum ágætt miðað við stærð og verð
bílsins,“ segir Daníel.
Brynjar tekur undir það en segir
að ekki verði staðar numið þar. Stefnt
sé að því á síðari hluta næsta árs að
minni tegund frá framleiðandnum
verði einnig komin á markað hér.
„Þá gerum við ráð fyrir því að
fimm rafbílar frá Hongqi verði
komnir á markað hér árið 2024,“
segir Brynjar.
Öllu flaggað
Rauða flaggið, eða Hongqi, sem nú
er farið að sjást á götum borgarinnar
lætur taka eftir sér enda ytra byrði
bílsins afar íburðarmikið. En það á
einnig við um innanstokkinn sem er
allur hinn veglegasti.
Bíllinn kemur raunar í tveimur
útfærslum hvað rafhlöðu varðar og
einnig sætafjölda. Þannig er minni
rafhlaðan 84 kWh og er gefið upp að
hún tryggi bílnum drægi allt að 396
kílómetrum (sennilega nær 320).
Stærri rafhlaðan sem er 99 kWh á að
skila 465 kílómetrum en dregur
sennilega eitthvað í kringum 100 km
lengra en sú minni. Með minni
rafhlöðunni kostar bíllinn frá 10,7
milljónum króna og með stærri
rafhlöðunnifrá 12,3 milljónum.
Kína lætur til sín taka á bílamarkaði
Morgunblaðið/Kristinn Magnússon
Risi Hongqi E-HS9 er engin smásmíði. Vegur tæp 3 tonn og er 5 metrar og 20 sentímetrar á lengd. Hann kemur í
sex og sjö sæta útfærslu. Þykir honum að mörgu leyti svipa til Rolls-Royce þótt sitt sýnist hverjum um það.
Rauða flaggið
» Hongqi merkir á kínversku
rauða flaggið.
» Fyrirtækið var stofnað árið
1959 og er í eigu FAW Car
Company.
» Bílar á borð við Audi 100 og
Lincoln Town Car voru á sínum
tíma framleiddir í Kína og seld-
ir þar í landi undir merkjum
Hongqi.
- Sífellt fleiri kínverskir bílar í boði - Sterkir á rafbílamarkaði - Framleiðendur með reynslu af bílasmíði
fyrir alþjóðleg vörumerki - Risavaxinn Hongqi sem svipar til Rolls-Royce fæst fyrir rúmar 10 m.kr.
Brynjar Elefsen
Óskarsson
Daníel Snær
Sigfússon
« Hagnaður
byggingafélagsins
Jáverks á Selfossi
nam í fyrra rúm-
um 742 milljónum
króna, saman-
borið vði 640
milljónir króna
árið áður. Tekjur
félagsins voru
rétt rúmir níu
milljarðar króna og jukust um tæpa
1,4 milljarða króna á milli ára. Laun
og launatengdur kostnaður nam um
892 milljónum króna á árinu og
hækkaði um 80 milljónir króna á milli
ára.
Jáverk er í eigu GG ehf., sem er að
mestu í eigu þeirra Gylfa Gíslasonar,
framkvæmdastjóra Jáverks, og Guð-
mundar B. Gunnarssonar, yfirmanns
framkvæmda. Eigið fé félagsins var í
árslok rúmir 2,6 milljarðar króna en
félagið greiddi einn milljarð króna í
arð til eigenda sinna á árinu.
Gylfi Gíslason
Jáverk hagnaðist um rúm-
ar 740 milljónir króna