Morgunblaðið - 15.10.2022, Blaðsíða 43

MENNING 43
MORGUNBLAÐIÐ LAUGARDAGUR 15. OKTÓBER 2022
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
Indie wire
CHRISTIAN
BALE
MARGOT
ROBBIE
JOHN DAVID
WASHINGTON
CHRIS
ROCK
ANYA
TAYLOR-JOY
ZOE
SALDAÑA
MIKE
MYERS
MICHAEL
SHANNON
TIMOTHY
OLYPHANT
ANDREA
RISEBOROUGH
TAYLOR
SWIFT
MATTHIAS
SCHOENAERTS
ALESSANDRO
NIVOLA
AND ROBERT
DE NIRO
WITH RAMI
MALEK
95%
TÓNLIST
Arnar Eggert Thoroddsen
arnareggert@arnareggert.is
Ég held, nei ég veit að ég hef
aldrei „dæmt“ plötu eftir
ADHD. Af hverju? Jú, þetta
er djass, og þar er ég enginn sérfræð-
ingur. Eiginlega alls ekki. En á litlu
landi þar sem það þarf einfaldlega að
halda hjólunum gangandi og afgreiða
hluti út af borðinu hefur glettilega
mikið af slíku efni lent í kjöltu minni
og hefur reyndar gert alla tíð. Og það
hefur heldur aukist á seinustu mán-
uðum, einhverra hluta vegna (leið-
rétt: Ég skrif-
aði dóm/grein
um ADHD6!).
Vernharður
Linnet, sá mikli
djassmágus,
reit um fyrri
plötur ADHD
og ég sé í upp-
flettingu að hann dæmdi fyrstu plöt-
una á meðan ég sá um viðtalið. Þetta
er táknrænt fyrir sveitina því að hún
stendur eiginlega traustum fótum í
tveimur heimum; kunna djassinn upp
á tíu en vaða um leið óhræddir út í
eitthvað sem þeir vita ekki almenni-
lega hvað er. Blessunarlega.
Hljómsveitin var þá skipuð
Magnúsi Trygvasyni Elíassen,
bræðrunum Ómari og Óskari Guð-
jónssyni og Davíð Þór Jónssyni.
Tómas Jónsson leysti Davíð síðar af.
Allir þessir hljóðfæraleikarar tóku
þátt í að færa inn nýja hugsun í ís-
lenskan djass um og upp úr 2000, í
gegnum hljóðrit og tónleika sem
færðu til mörk, stundum á gáska-
fullan hátt, stundum af spennuþrung-
inni alvöru hins leitandi listamanns
(utan Tómas náttúrulega sem var
ekki orðinn tíu ára þá). Samþætting,
blöndun og uppstokkun var dagskip-
unin. Allt mátti, út með reglubókina!
Fyrsta plata ADHD kom út fyr-
ir þrettán árum, 2009, en sveitin var
stofnuð í kringum Blúshátíð á Höfn í
Ferð án enda
Eining Félagarnir í ADHD spila sem einn maður á plötunni nýju sem er sú áttunda með hljómsveitinni.
Hornafirði tveimur árum fyrr. Fyrir
þessa nýjustu afurð sína heimsóttu
þeir félagar þann ágæta bæ á nýjan
leik, plöntuðu sér inni í Hafnarkirkju
í ágúst 2020 og með í för var Ívar
Ragnarsson, upptökustjóri og hljóð-
blandari. Útgáfutónleikar vegna plöt-
unnar voru á Húrra liðinn fimmtudag
og efalaust fleiri hljómleikar í kjölfar-
ið, hér heima og erlendis, en ADHD
er vel þokkuð sveit – eðlilega – og
hefur spilað um velli víða allt síðan
hún var stofnuð.
En hvernig er platan svo?
Kannski best að nefna það strax að
þessi hljómsveit er í algerum sér-
flokki, hver og einn spilari algert
úrvalsefni og útkoman eftir því. Þétt
en algerlega áreynslulaust flæði ein-
kennir þessa músík en markaþensla
og tilraunastarfsemi ávallt ofarlega á
blaði. Eðlilegar eða auðveldar leiðir
eru aldrei farnar. Sem betur fer.
„Hugarheilsa“ opnar, trommur
Magnúsar fara af stað og svo gítar
Ómars, rifinn og skældur. Óskar og
Tómas fylgja svo fljótt á eftir og upp
magnast dásemdarseiður, pínu
proggaður jafnvel á köflum (eða í
smástund a.m.k.!). Þeir félagar
skiptast svo á að bera lögin ef svo
mætti segja, „Priko“ fer af stað með
hrynþéttum bassa og surgandi gítar
á meðan Óskar blæs yfir. Eftir hálf-
gildings inngang fer allt af stað,
trommur og orgel á mikið hlemm-
iskeið áður en lagið „dettur“ aftur
niður. „Dill“ hefst á varlegum, inni-
legum saxófónleik og yfir og allt í
kring eru félagar Óskars, styðja við
og skreyta af stakri næmni. Þetta lag
er fyrirmyndardæmi um þá telepatíu
eða fjarhrif sem á milli meðlima eru.
Annað er eftir þessu. En ég nefni hið
undurfagra „Pabbi“ sérstaklega, sjö
mínútur af einskærum ADHD-
galdri. Tónn Óskars, hér og almennt,
er auðvitað ekkert eðlilegur, þvílíkt
séní sem þessi drengur er.
Vonandi að þetta verði ferð án
enda hjá þessum meisturum. Karma
heimsins er að veði.
»
„Dill“ hefst á var-
legum, innilegum
saxófónleik og yfir og
allt í kring eru félagar
Óskars, styðja við og
skreyta af stakri næmni
...
Ný plata ADHD er þeirra áttunda en þar halda virtúósarnir fjórir sem bandið skipa áfram ferðalagi
sínu um óma og hljóma. Grjótharðir sem endranær en silkimjúkir um leið.
Fellingar er titill einkasýningar
Ástríðar J. Ólafsdóttur sem opnuð
verður í Gallerí Fold í dag, 15. októ-
ber, kl. 14. Ástríður sýnir olíu-
málverk innblásin af panneggio-
tækni gömlu ítölsku meistaranna.
Myndaröðin á sýningunni heitir
„Panneggio“ líkt og tæknin sem
ítölsku meistararnir notuðu sem
sérhæfðu sig í að mála klæði og þá
fellingar í efni og samspil ljóss og
skugga. Í tilkynningu segir að serí-
an hafi orðið til við samruna
tveggja hugðarefna Ástríðar, loft-
fimleika og myndlistar. Þar hafi
mæst andstæðurnar hreyfing og
kyrrð og í loftfimleikunum noti
„aerialistinn“ hangandi klæði til að
klifra upp eftir og dansa í loftinu en
málarinn sitji lengi við í kyrrð.
Klæði Eitt af verkum Ástríðar.
Fellingar í Fold
Nafnaþing, mál-
þing Nafnfræði-
félagsins, verður
haldið í Safnað-
arheimili Nes-
kirkju í dag,
laugardag, kl.
13. Á málþinginu
verður ýmislegt
tengt nöfnum til
umræðu og m.a.
velt fyrir sér á hverju hugmyndir
um ný götunöfn í Reykjavík séu
byggðar, um hvað hafi deilur um
ættarnöfn á Íslandi snúist og hvers
konar gögn leynist í undirdjúpum
örnefnasafns Árnastofnunar.
Þingið er haldið í samstarfi við
Stofnun Árna Magnússonar í ís-
lenskum fræðum, lýkur um kl.
16.30 og er öllum opið.
Birna Lárusdóttir er formaður
Nafnfræðifélagsins.
Rætt um ýmislegt
tengt nöfnum
Birna Lárusdóttir