Morgunblaðið - 22.10.2022, Blaðsíða 4

4 FRÉTTIR
Innlent
MORGUNBLAÐIÐ LAUGARDAGUR 22. OKTÓBER 2022
Karlakórinn Heimir
Hausttónleikar
Laugardaginn 29. október 2022
Langholtskirkja Reykjavík, kl. 15:00
Tónberg Akranesi, kl. 20:00
Stjórnandi: Stefán R. Gíslason - Undirleikari: Valmar Väljaots
Miðasala við innganginn - miðaverð 4.000 kr.
Ríkisendurskoðun leggur til að
ábyrgð á innheimtu meðlaga verði
endurskilgreind og að innheimtu-
mönnum ríkissjóðs verði falin
ábyrgð á verkefninu. Þetta kemur
fram í nýrri skýrslu um úttekt á Inn-
heimtustofnun sveitarfélaga.
Auk þess verði innheimtumönnum
ríkissjóðs falið að meta þau verð-
mæti sem felast í kröfusafni stofn-
unarinnar. Ríkisendurskoðun telur
rétt að kröfusafnið í heild flytjist til
ríkisins með samkomulagi við eig-
endur Innheimtustofnunar. Endan-
legt uppgjör vegna kröfusafnsins
fari fram að tilteknum tíma liðnum.
Þá er lagt til að gerð verði sérstök
greining á gagnagrunni núverandi
innheimtukerfis, sem og þeim kerf-
um sem til staðar eru hjá innheimtu-
mönnum ríkissjóðs. Það verði eftir
atvikum gert í samstarfi við Trygg-
ingastofnun ríkisins.
Loks er lagt til að viðtökuaðili
verkefnanna, í samráði við ráðu-
neyti, marki stefnu um framkvæmd
innheimtu meðlaga með skilgreind-
um mælikvörðum um árangur. Í því
sambandi þarf m.a. að endurskoða
lagaumhverfi meðlagsinnheimtu,
skjalfesta verklagsreglur og koma á
tilhlýðilegu gæðakerfi. Niðurstöður
úttektarinnar á Innheimtustofnun
sveitarfélaga voru kynntar á fundi
stjórnskipunar- og eftirlitsnefndar
Alþingis í gær.
Sem kunnugt er vakti Ríkisendur-
skoðun athygli innviðaráðuneytisins
og Sambands íslenskra sveitarfélaga
á meintri háttsemi stjórnenda IS
meðan á vinnslu skýrslunnar stóð.
Ný stjórn stofnunarinnar vék við-
komandi stjórnendum frá störfum
og kærði málið til lögreglu. Málið er
nú til rannsóknar hjá héraðssak-
sóknara. gudni@mbl.is
Ríkið annist inn-
heimtu meðlaga
- Innheimtustofnun sveitarfélaga tekin út
Morgunblaðið/Golli
Meðlög Innheimtustofnun sveitar-
félaga hefur innheimt þau.
Helgi Bjarnason
helgi@mbl.is
Nú, þegar nýja brúin yfir Jökulsá
á Sólheimasandi hefur verið tekin
í notkun, er engin einbreið brú á
hringveginum frá Reykjavík og
austur fyrir Kirkjubæjarklaustur.
Jökulsá, sem stundum er kölluð
Fúlilækur, er eina brúin á þessari
leið sem eftir var að breikka. Brú-
in var formlega tekin í notkun í
gær með því að innviðaráðherra
ók fyrstur yfir og næstur kom
Hörður Brandsson sem fyrstur ók
yfir gömlu brúna þegar hún var
byggð á árinu 1967.
Vígsluathöfnin fór fram á nýju
brúnni. Sigurður Ingi Jóhannsson
innviðaráðherra, Bergþóra Þor-
kelsdóttir forstjóri Vegagerðar-
innar, Anton Kári Halldórsson
sveitarstjóri Rangárþings eystra
og Einar Freyr Elínarson sveitar-
stjóri Mýrdalshrepps klipptu á
borða því til staðfestingar.
Komst fyrstur yfir
„Ég var hjá Vegagerðinni, við
vorum að vinna þarna við að gera
allt klárt. Ég komst fyrstur yfir,“
segir Hörður Brandsson sem er
fæddur og alinn upp í Vík en faðir
hans, Brandur Stefánsson, var
annar tveggja verkstjóra við smíði
brúarinnar. Hörður var nítján ára
og ók yfir á bíl með númerinu Z
25 sem er enn einkanúmer hans.
Ekki var getið um þetta þjóf-
start Harðar í blöðunum þegar
sagt var frá vígslu brúarinnar í
lok október 1967. Vegna stórrign-
inga var ekki hægt að hafa at-
höfnina á brúnni en Ingólfur
Jónsson samgöngumálaráðherra,
eins og embættið hét þá, ók fyrst-
ur bíl sínum yfir nýju brúna með
langri lest bíla á eftir og athöfnin
fór síðan fram í skála vegagerðar-
manna.
Brúin sem nú hefur verið tekin
í notkun er þriðja brúin á Jökulsá
á Sólheimasandi. Fúlilækur var
afar varasamur yfirferðar og
heimtaði fjölmörg líf áður en hann
var brúaður. Fyrsta brúin var
byggð á árinu 1921 og þjónaði til
ársins 1967.
Þrátt fyrir ótrúlega erfiðleika
við aðdrætti efnis tók aðeins
nokkra mánuði að byggja Jökuls-
árbrúna 1921. Brúargerðin 1967
tók fimm og hálfan mánuð. Aftur
á móti tók 21 mánuð að byggja
brúna sem nú hefur verið tekin í
notkun en umferð var hleypt á
hana 26. september sl. Hún er lít-
ið lengri en eldri brúin en vita-
skuld miklu meira mannvirki þar
sem hún er tvíbreið.
Metra hærri en sú eldri
Nýja brúin er 163 metra löng,
steinsteypt og eftirspennt bitabrú
í fimm höfum. Hún liggur rúmum
metra hærra en eldri brú en veg-
urinn vestan brúarinnar hefur
verið lækkaður til að beina flóð-
vatni frá sjálfri brúnni. Einnig var
vegurinn beggja vegna, tæpur
kílómetri, endurgerður.
ÞG Verk annaðist smíði brúar-
innar en tilboð fyrirtækisins hljóð-
aði á sínum tíma upp á 743 millj-
ónir króna.
Sigurður Ingi Jóhannsson, inn-
viðaráðhera, fór í ræðu sinni, við
vígsluathöfnina, yfir fækkun ein-
breiðra brúa. „Fyrir fjórum árum
síðan voru 37 brýr á Hringveg-
inum einbreiðar, nú eru þær 32 og
verða 31 við opnun nýrrar brúar í
dag. Og það er ekkert lát á fram-
kvæmdum. Ég er vongóður um að
okkur takist að fækka þeim niður
í 29 strax fyrir árslok því það
stendur til að opna nýjar brýr á
Hverfisfljóti og Núpsvötnum síðar
á árinu.“
Ný Jökulsárbrú tæp tvö ár í byggingu
- Sá sem fór fyrstur yfir nýja brú 1967 tók þátt í vígslunni - Þriðja brúin sem lögð er yfir Jökulsána
- Einbreiðum brúm fækkað um sex á fjórum árum - Ný brú er 163 metra löng, steinsteypt bitabrú
Morgunblaðið/Jónas Erlendsson
Opnun Þau klipptu á borðann á nýju brúnni, Einar Freyr Elínarson, Bergþóra Þorkelsdóttir, Sigurður Ingi Jóhannsson og Anton Kári Halldórsson.
Morgunblaðið/Jónas Erlendsson
Z 25 Hörður Brandsson ók fyrstur yfir gömlu Jökulsárbrúna 1967.