Morgunblaðið - 22.10.2022, Blaðsíða 10

10 FRÉTTIR
Innlent
MORGUNBLAÐIÐ LAUGARDAGUR 22. OKTÓBER 2022
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
50%
AFSLÁTTUR
af EyeQ linsum
Dag- og mánaðarlinsur
HVAÐ ER Í MATINN?
LAUGARDAGA
Ungnautafillet
Í black garlic marineringu
Ungnautahakk
100% hreint íslenskt kjöt
tilboð alla vikuna
Grensásvegur 48, 108 Reykjavík | Sunnukriki 2, 270 Mosfellsbær
Á MÁNUDAGINN
-20%
-20%
Sigurður Bogi Sævarsson
sbs@mbl.is
„Skýr stefna, trúverðugleiki og
sjálfstraust fólksins í forystusveit
til að koma góðum málum í fram-
kvæmd. Þetta er pólitík í hnotskurn
og engin geimvísindi,“ segir Guð-
mundur Árni Stefánsson. „Já, ég
trúi því að ég geti lagt flokknum
mínum, Samfylkingunni, og nýjum
formanni hennar lið. Þótt fráfarandi
forysta hafi gert margt gott tala töl-
ur sínu máli. Á engan hátt er við-
unandi að í hverjum alþingis-
kosningum á eftir öðrum sé flokkur
jafnaðarmanna með fylgi í kringum
10%. Þessu verður að breyta.“
Eitt leitt af öðru
Guðmundur Árni Stefánsson á
rætur sínar í gamla Alþýðuflokkn-
um. Hann var á árunum 1986 til
1993 bæjarstjóri í Hafnarfirði. Eftir
það ráðherra og þingmaður í all-
mörg ár. Tók meðal annars þátt í
stofnun Samfylkingarinnar um
aldamót þar sem fjórir flokkar á
vinstri vængnum voru sameinaðir.
Árið 2005 fór hann til starfa í utan-
ríkisþjónustunni og var sendiherra
víða um heim. Kom aftur inn í
stjórnmálin fyrr á þessu ári. Var, að
undangengnu prófkjöri, í efsta sæti
á lista Samfylkingar í Hafnarfirði
síðastliðið vor hvar flokkurinn jók
verulega við fylgi sitt í kosningum
og fékk fjóra fulltrúa í bæjarstjórn.
„Í fyrravetur stóð ég á tímamót-
um. Þurfti að taka ákvörðun um
hvort ég ætlaði að vera í utanríkis-
þjónustunni til starfsloka eða snúa
mér að golfinu og slíku. Niður-
staðan varð hins vegar sú að ég
ákvað að fara í bæjarmálin hér í
Hafnarfirði, sem ég þekki vel frá
gamalli tíð. Síðan þá hefur eitt leitt
af öðru,“ segir Guðmundur Árni.
Barátta og kærleikur
Núverandi forystusveit Samfylk-
ingar er á útleið og Kristrún
Frostadóttir er ein í framboði sem
næsti formaður flokksins. Á síðustu
vikum hefur svo gerst, segir Guð-
mundur Árni, að margir hafa haft
samband við hann. Sagt að í forystu
flokksins þurfi að vera breidd og
skorað á hann að bjóða sig fram til
varaformennsku.
„Sumir hafa sagt að ekki væri
verra að í forystusveit væri meðal
annarra gamall refur með reynslu
bæði af stjórnsýslu og pólitík. Ég
hlustaði á þessi sjónarmið og fleiri
og hugsaði síðan sem svo að úr því
ég væri kominn út í bæjarmálin hér
í Hafnarfirði væri allt í lagi að stíga
skrefi lengra. Jú, og það er gaman
að njóta eftirspurnar í pólitík en
ekki bara framboði,“ segir Guð-
mundur Árni. Bætir við að skoðanir
sínar og Kristrúnar Frostadóttur
fari saman í flestu, enda þótt bak-
grunnur þeirra sé ólíkur og manns-
aldur á milli í árum. Kjarni málsins
sé sá að þau aðhyllist bæði grunns-
tef jafnaðarstefnunnar um frelsi,
jafnrétti og bræðralag.
„Jafnaðarstefna er meira en póli-
tískt andartak heldur lífsskoðun.
Rauð rós í krepptum hnefa vísar
meðal annars til baráttunnar og
kærleika. Inntak stefnunnar er
meðal annars að fólk eigi sjálft að
ráða örlögum sínum, jafnrétti að
ríkja á öllum sviðum og samstaða
með þeim sem eiga undir högg að
sækja. Ég brenn fyrir því að fólk
fái, óháð efnahag og aðstæðum, að
njóta allra lífsins gæða. Jafn-
aðarstefnan á að höfða til hins
breiða hóps úti í þjóðfélaginu.“
Alltaf barist fyrir
sterku velferðarkerfi
Kannanir sýna að Samfylkingin á
talsvert fylgi meðal háskólamennt-
aðra, sem Guðmundur Árni segir
ánægjulegt, en flokkurinn hafi hins
vegar að nokkru misst tengslin við
launafólk. Þau þurfi að styrkja.
„Jafnaðarmenn hafa alltaf barist
fyrir sterku velferðarkerfi, sem
verður ekki til úr engu. Í blönduðu
hagkerfi fylgjast að velferð og at-
vinnulíf. Í þess þágu hafa jafnaðar-
menn alltaf verið í fararbroddi hvað
varðar frelsi og alþjóðleg tengsl.
Séu þau ekki fyrir hendi blasir ein-
angrun við. Í stefnu okkar felst líka
að vera sverð og skjöldur almanna-
hagsmuna. Ég dreg því enga dul á
mikilvægi þess að við jafnaðarmenn
komumst aftur í ríksstjórn og get-
um þar komið hugsjónum okkar í
framkvæmd. Ég trúi því líka að tími
okkar í Samfylkingunni sé aftur að
renna upp, því núverandi ríkis-
stjórn er óstarfhæf og í ruglinu.
Getur þó ekki dáið. Vinstri-grænir
engjast um í samstarfinu, en þora
ekki í kosningar þegar fylgið mælist
í lágmarki. Sjálfstæðismönnum
tekst í þessari ríkisstjórn að halda
sig við kjötkatlana, rétt eins og leik-
urinn er til gerður. Sama má
kannski segja um Framsókn sem er
flokkur valdsins. Vinnur til vinstri
og hægri eins og vindar blása
hverju sinni.“
Hugur, heilsa, vilji og kraftur
Sem stendur hefur Guðmundur
Árni einn lýst yfir framboði til vara-
formanns í Samfylkingunni, en
kosning fer fram á landsfundi
flokksins 28. og 29. október.
„Nei, að hella mér aftur út í póli-
tíkina var alls ekki samkvæmt lang-
tímaáætlun. Sama má segja um
framboð til varaformanns, hverjar
sem lyktir þess verða á landsfundi.
Framtíðin er því óráðin, svo sem
hvort ég stefni aftur á landsmálin.
Að minnsta kosti eru þrjú ár til
næstu alþingiskosninga. En ef hug-
ur, heilsa, vilji og kraftur verða til
staðar þá útiloka ég ekkert.“
Morgunblaðið/Sigurður Bogi
Stjórnmál Ég brenn fyrir því að fólk fái, óháð efnahag og aðstæðum, að njóta allra lífsins gæða. Jafnaðarstefnan á
að höfða til hins breiða hóps úti í þjóðfélaginu, segir Guðmundur Árni í viðtalinu, hér staddur heima í Hafnarfirði.
Pólitík í hnotskurn
- Guðmundur Árni vill í forystu Samfylkingar - Stefna sé
trúverðug - Jafnaðarstefnan er meira en pólitískt andartak
Gjarnan er hermt að þau sem fyrr
á tíð fylgdu Alþýðuflokki að málum
hafi ekki fundið sína fjöl í Samfylk-
ingu. Sumir segja raunar að setja
þurfi gamla flokkinn aftur á flot.
Þessa umræðu þekkir Guðmundur
Árni, en hann er formaður flokks-
ins sem aldrei var lagður niður.
„Nei, við förum ekki aftur af
stað með Alþýðuflokkinn. Tilvist
hans í dag er bara sagnfræði. En
um þessar vangaveltur segi ég að
fyrst eftir stofnun Samfylkingar
fann ég ekkert bil milli fólks í þing-
flokknum. Einu mátti gilda hvort
það kom úr Kvennalista, Alþýðu-
bandalagi, Þjóðvaka eða Alþýðu-
flokki. Ég er raunar viss um að
meirihluti Íslendinga er jafnaðar-
menn í hjarta og fyrir bæjarstjórn-
arkosningar hér í Hafnarfirði sl.
vor notaði ég hugtakið oft til að
koma því á framfæri fyrir hvað
flokkurinn stæði,“ segir Guð-
mundur Árni og að lokum:
„Samfylkingin var bráðabirgða-
nafn. Er þess utan frekar náttúru-
laust og ógagnsætt. Nöfn eiga að
senda skilaboð um innihald.
Reyndar hefur síðan verið bætt við
í nafnið Jafnaðarflokkur Íslands,
sem gerð er tillaga um á flokks-
þingi að verði alfarið heiti flokks-
ins. Ég styð þá hugmynd.“
Heitið sé Jafnaðarflokkur
SAMFYLKINGARNAFNIÐ ER NÁTTÚRULAUST
Hvar er næsta
verkstæði?
FINNA.is