Morgunblaðið - 22.10.2022, Blaðsíða 41

ÍÞRÓTTIR 41
MORGUNBLAÐIÐ LAUGARDAGUR 22. OKTÓBER 2022
Geir Þorsteinsson, fyrrverandi
formaður KSÍ, og Sigurður Ragn-
ar Eyjólfsson, þjálfari Keflavíkur,
hafa að undanförnu velt upp
hugmyndum um breytingar á
deildakeppninni í fótbolta með
það fyrir augum að ungir leik-
menn sem eru að berjast um
sæti í liðum í efstu deild fái fleiri
tækifæri til að spila.
Sigurður vakti máls á því að
hann væri með unga leikmenn í
sínum hópi sem erfitt væri að
halda í leikformi því ekki væri
hægt að lána þá í neðri deildir án
þess að missa þá þar með í hálft
eða heilt tímabil.
Í Noregi og víðar fá félög í
efstu deild að senda varalið sín í
þriðju og fjórðu efstu deild. Ef-
laust myndu flest lið í efstu deild
vilja koma á slíku fyrirkomulagi
en ólíklegt er að það fengi braut-
argengi á KSÍ-þingi vegna and-
stöðu félaga í neðri deildum.
En er þá ekki upplagt að finna
leiðir til að breyta fyrirkomulagi
á útláni leikmanna? Heimila lið-
um í 1. deild og neðar að vera
með tiltekinn fjölda lánsmanna
úr efstu deild í sínum röðum,
sem eru gjaldgengir, svo fram-
arlega sem þeir hafa ekki komið
við sögu í efstu deild síðustu vik-
una eða svo?
Eða vera með venslasamninga
milli félaga á þann hátt að hvert
lið í efstu deild megi vera með
eitt venslafélag í neðri deild þar
sem leikmenn geta færst á milli
eftir ákveðnum skilyrðum? Þetta
myndi eiga við um bæði Íslands-
mót karla og kvenna.
Þetta fyrirkomulag myndi
gefa miklu fleiri ungum leik-
mönnum tækifæri til að spila
meistaraflokksleiki í hörku-
keppni og halda þeim í betri leik-
æfingu allt keppnistímabilið í
stað þess að gera ekkert annað
en að æfa og sitja á bekknum.
BAKVÖRÐUR
Víðir Sigurðsson
vs@mbl.is
KNATTSPYRNA
Besta deild karla:
Árbær: Leiknir R. – Keflavík ................ L13
Akranes: ÍA – ÍBV.................................. L13
Hlíðarendi: Valur – Breiðablik.............. L20
Úlfarsárdalur: Fram – FH..................... S14
Garðabær: Stjarnan – KA...................... S17
HANDKNATTLEIKKUR
Úrvalsdeild kvenna, Olísdeildin:
Ásvellir: Haukar – ÍBV .......................... L14
Selfoss: Selfoss – Fram.......................... L16
Kórinn: HK – KA/Þór ............................ L16
Hlíðarendi: Valur – Stjarnan................. L18
Úrvalsdeild karla, Olísdeildin:
Garðabær: Stjarnan – Hörður............... L16
Varmá: Afturelding – ÍBV..................... L16
KÖRFUKNATTLEIKUR
Úrvalsdeild kvenna, Subway-deildin:
Skógarsel: ÍR – Breiðablik................ S18.15
Hlíðarendi: Valur – Fjölnir ............... S19.15
Keflavík: Keflavík – Grindavík ......... S19.15
Ásvellir: Haukar – Njarðvík ............. S20.15
UM HELGINA!
Danmörk
OB – Lyngby............................................. 3:1
- Aron Elís Þrándarson kom inn á sem
varamaður á 56. mínútu hjá OB.
- Sævar Atli Magnússon lék fyrri hálfleik-
inn fyrir Lyngby en Alfreð Finnbogason
verður frá keppni fram í janúar vegna
meiðsla. Freyr Alexandersson þjálfar liðið,
sem er neðst í deildinni.
Staða efstu liða:
Nordsjælland 13 7 4 2 20:12 25
Randers 13 6 5 2 22:17 23
Viborg 13 6 4 3 17:13 22
Silkeborg 13 6 3 4 22:17 21
B-deild:
SönderjyskE – Hilleröd .......................... 2:3
- Atli Barkarson kom inn á í hálfleik hjá
SönderjyskE, sem er í fjórða sæti deild-
arinnar.
>;(//24)3;(
Körfuknattleiksdeild KR tilkynnti í
gærkvöldi að Bandaríkjamaðurinn
Elbert Matthews væri búinn að skrifa
undir samning þess efnis að hann léki
með liðinu á nýhöfnu tímabili.
Matthews, sem er 27 ára gamall
skotbakvörður, lék með Grindavík á
síðasta tímabili og skipti þaðan yfir
til Petro de Luanda í Angóla. Þar
stoppaði hann hins vegar stutt og
mun nú reyna fyrir sér í Vestur-
bænum.
Á síðasta tímabili skoraði hann 21
stig að meðaltali í leik fyrir Grinda-
vík.
KR krækti í
Bandaríkjamann
Morgunblaðið/Árni Sæberg
KR Elbert Matthews lék vel með
Grindavík á síðasta tímabili.
Eygló Fanndal Sturludóttir vann í
gær til fyrstu gullverðlauna Íslend-
ings á Evrópumeistaramóti í
ólympískum lyftingum í sögunni
þegar hún keppti á EM Junior og
U23 í Tírana í Albaníu.
Eygló, sem er 21 árs gömul, lét
sér ekki einn gullverðlaunapening
nægja. Hún vann gull í öllum þrem-
ur greinum; í snörun, jafnhendingu
og samanlögðu.
Eygló bar höfuð og herðar yfir
aðra keppendur og var t.a.m. 12 kg
fyrir ofan keppandann sem hafnaði
í 2. sæti á eftir henni í samanlögðu.
Eygló Fanndal
Evrópumeistari
Ljósmynd/LSÍ
Evrópumeistari Eygló Fanndal
náði mögnuðum árangri í gær.
FÓTBOLTI
Ólafur Pálsson
oap@mbl.is
Karólína Lea Vilhjálmsdóttir, lands-
liðskona í knattspyrnu og leikmaður
Bayern München í þýsku 1. deild-
inni, hefur verið að glíma við meiðsli
undanfarið og var hvorki í leik-
mannahópi íslenska kvennalands-
liðsins í síðustu leikjum riðils Ís-
lands í undankeppni HM í septem-
ber né í umspilsleiknum gegn
Portúgal 11. október síðastliðinn.
Blaðamaður spjallaði við Karólínu
Leu sem sagði að nýlega hefði end-
urhæfing hennar skilað þeim ár-
angri að það færi að styttast í end-
urkomu hennar á völlinn.
„Það eru tveir mánuðir síðan tek-
in var sameiginleg ákvörðun um að
ég færi í sérendurhæfingarhóp.
Þetta gekk ágætlega til að byrja
með en það getur tekið tíma að jafna
sig á svona krónískum meiðslum. Ég
er búin að vera að glíma við þessi
meiðsl í um það bil ár en ég vonast
til að geta farið að æfa aftur með lið-
inu eftir um það bil mánuð til við-
bótar.“
Karólína sagði um meiðsli aftan í
læri að ræða sem hefðu ekki truflað
hana svo mikið í fyrstu þar sem hún
fann ekki mikið til. Hún sagðist þó
hafa þurft að hlífa sér frá sprettum
á fullum hraða en hefði komist upp
með það inni á vellinum því hún væri
teknískur leikmaður.
„Vandamálið er í festinni við rass-
vöðva og aftanverðan lærvöðva. Það
var vökvi og bólga á því svæði. Svo
þegar liðið taldi mig geta æft af full-
um krafti en taldi mig ekki leikhæfa
þá ræddum við málið og ákváðum að
ég myndi fara í skipulagða endur-
hæfingu vegna meiðslanna. Maður
er í fótbolta til að spila leiki og því
var þetta eina vitið,“ sagði Karólína.
Fljót að komast
í leikhæft ástand
Karólína segir að í Þýskalandi sé
lenskan að meiddir leikmenn séu
látnir æfa meira og segist hún verða
farin að æfa tíu sinnum í viku þegar
hún verður aftur komin inn í æfinga-
hópinn með liðinu og verði þannig
tiltölulega fljót að koma sér aftur í
leikhæft ástand.
Karólína Lea segir að sér hafi
gengið vel að aðlagast lífinu hjá
þýska stórliðinu. Hún hafi þroskast
mikið, bæði sem leikmaður og
manneskja.
„Ég hefði auðvitað viljað spila
meira en það hjálpar að æfa með
einu besta félagsliði í heimi. Eins er
borgin sjúklega falleg svo það er
ekki undan miklu að kvarta.“
Alexander Straus tók við þjálfun
kvennaliðs Bayern München í sum-
ar og sagði Karólína að sér litist vel
á nýja þjálfarann.
„Ég hlakka mikið til að ná mér
góðri af meiðslunum og sanna mig
fyrir nýjum þjálfara, ég hef ekki
fengið margar mínútur hjá liðinu en
ég veit að ég hef þroskast á æfing-
um. Ég vil auðvitað spila sem mest
og hjálpa liðinu,“ sagði Karólína.
Vonandi fleiri tækifæri
Talið barst að íslenska kvenna-
landsliðinu. Karólína sagði það hafa
verið erfitt að sitja heima og geta
ekki haft áhrif þegar liðið lauk
keppni fyrir HM nýlega. Hún sagð-
ist vera stolt af liðsfélögum sínum í
landsliðinu sem gáfu allt í leikina.
„Þetta einhvern veginn átti bara
ekki að gerast núna. Mér fannst
spilamennskan í seinni hálfleik gegn
Hollendingum fín og maður átti ekki
von á að liðið fengi á sig mark þarna
undir lok leiksins. Það var erfitt að
fá það í andlitið. Þá var mikið áfall
þegar Áslaug Munda var rekin út af
í leiknum gegn Portúgal. Þetta fór
eins og það fór. Mér finnst sérstak-
lega leiðinlegt að vita til þess að
margar okkar eru á síðustu árum
ferils síns og kannski var þetta
þeirra síðasta tækifæri til að komast
á HM en ég og fleiri erum enn ungar
og munum vonandi fá fleiri tækifæri
í framtíðinni,“ sagði Karólína Lea.
Aðspurð um framtíðina segir Kar-
ólína Lea að hún muni einbeita sér
að því að koma sterk til baka af
meiðslunum og komast í þá stöðu að
fá að spila meira með félagsliði sínu
og hjálpa landsliðinu í komandi
verkefnum.
Vonast til að vinna titla
„Ef ég held áfram á þessari braut
þá veit ég að það gerast góðir hlutir.
Ég vonast til að vinna titla með Bay-
ern, við erum með mjög sterkt lið og
nýjan góðan þjálfara. Ég vona að við
getum sýnt það á þessu tímabili
hvað við erum sterkar. Þá hlakka ég
til að spila aftur með landsliðinu,
þótt það sé langt í mikilvægan leik
vona ég að við fáum tækifæri sem
fyrst til að vinna hug og hjarta þjóð-
arinnar á ný,“ sagði hinn skemmti-
legi leikmaður Karólína Lea Vil-
hjálmsdóttir. Vonandi nær hún sér
góðri af meiðslunum sem allra fyrst
og við sjáum hana leika listir sínar á
vellinum brátt með bæði Bayern
München og íslenska landsliðinu.
Hlakka til að
sanna mig hjá
nýjum þjálfara
- Karólína Lea sér fram á að það
styttist í að hún spili með Bayern á ný
Morgunblaðið/Eggert
Landsleikur Karólína Lea Vilhjálmsdóttir einbeitt á svip í leik Íslands og
Ítalíu á Evrópumótinu í sumar. Hún hefur ekkert spilað frá þeim tíma.
Tíu nýliðar eru í hópi karlalands-
liðsins í knattspyrnu sem Arnar
Þór Viðarsson valdi fyrir vináttu-
landsleik gegn Sádi-Arabíu sem
fram fer í Riyadh 6. nóvember. Þá
hafa aðeins fimm leikmenn í 23
manna hópi spilað meira en tvo A-
landsleiki.
Þeir mæta liði Sádi-Arabíu sem
er á leið á heimsmeistaramótið í
Katar en það hefst tveimur vikum
síðar.
Aron Einar Gunnarsson getur
spilað sinn 100. landsleik í Sádi-
Arabíu en hann er laus í leikinn
þar sem deildin í Katar er komin í
frí vegna HM. Aðeins leikmenn úr
deildum sem eru í fríi á þessum
tíma komast í leikinn þar sem
hann er ekki á alþjóðlegum leik-
degi.
Guðlaugur Victor Pálsson frá
DC United í Bandaríkjunum hefur
leikið 31 landsleik, Óttar Magnús
Karlsson frá Oakland Roots í
Bandaríkjunum hefur leikið níu
landsleiki, Höskuldur Gunnlaugs-
son úr Breiðabliki hefur leikið
fimm landsleiki og Frederik
Schram markvörður Vals hefur
sömuleiðis leikið fimm landsleiki
en hann var í íslenska landsliðs-
hópnum á HM í Rússlandi árið
2018.
Hinir leikmennirnir eru eftir-
taldir:
Tveir landsleikir: Hákon Rafn
Valdimarsson (Elfsborg), Damir
Muminovic (Breiðabliki), Viktor
Karl Einarsson (Breiðabliki), Vikt-
or Örlygur Andrason (Víkingi).
Einn landsleikur: Rúnar Þór
Sigurgeirsson (Keflavík), Hörður
Ingi Gunnarsson (Sogndal), Valdi-
mar Þór Ingimundarson (Sogndal),
Jason Daði Svanþórsson (Breiða-
bliki).
Nýliðar: Sindri Kristinn Ólafs-
son (Keflavík), Viktor Örn Mar-
geirsson (Breiðabliki), Róbert Orri
Þorkelsson (Montréal), Logi Tóm-
asson (Víkingi), Ísak Snær Þor-
valdsson (Breiðabliki), Dagur Dan
Þórhallsson (Breiðabliki), Daníel
Hafsteinsson (KA), Bjarki Steinn
Bjarkason (Venezia), Jónatan Ingi
Jónsson (Sogndal), Danijel Dejan
Djuric (Víkingi).
Fimm leikmenn eru síðan til
taks, allt nýliðar: Ólafur Kristófer
Helgason (Fylki), Ívar Örn Árna-
son (KA), Þorri Mar Þórisson
(KA), Ari Sigurpálsson (Víkingi)
og Adam Ægir Pálsson (Keflavík).
Nokkrir í 23 manna hópnum gætu
lent í umspilsleikjum með félags-
liðum sínum og þar með misst af
landsleiknum.
Tíu nýliðar gegn HM-liði Sádi-Arabíu