Rökkur : nýr flokkur - 01.06.1971, Blaðsíða 33

31
Stillholti 10, Akranesi, 20. sept. 1969.
Kæri Axel Thorsteinsson.
Innilega þökk fyrir prýðilegt húsrými í Vísi handa frænku minni
í Ameríku og Víkingnum hennar, og er þetta falleg síða . . .
Og þá er ekki síður að þakka ljómandi fallegt hefti, Rökkur I,
þar sem hver þátturinn er öðrum betri. Það þótti mér afar vænt
um. Auðvitað kannaðist ég við sumt úr Eimreiðinni, t. d. Margt
dylst í hraðanum. Kaflana um Halldór á Hvanneyri, Einar H.
Kvaran og Bjarna frá Vogi þótti mér afar vænt um að fá í sam-
hengi, þótt ég væri áður kunnur flestum æviatriðum þessara
Þriggja. Halldór heitinn þekkti ég á æskuárum hans, er hann um
árabil ólst upp hjá frænda sínum séra Birni Þorlákssyni á Dverga-
steini í Seyðisfirði. Og á Hvanneyrarárum hans kynntist ég hon-
um árum saman, og við urðum góðkunningjar. — Og við frú Svava
vorum góðkunningjar frá ungmennafélögunum . . .
Einari Kvaran kynntist ég á æskuárum mínum, og varð honum
síðan allnáið kunnugur á efri árum hans og síðustu. Við fyrstu
ungmennafélagar sunnanlands og þá sérstaklega hinn afar glæsi-
legi og fjölmenni flokkur Ungmennafélags Reykjavíkur urðum
samherjar Bjarna frá Vogi og sjálfboðaliðar á vettvangi fána-
málsins, en þar var Bjarni um þær mundir eldheitur forgöngumað-
ur „hvítbláins“, bæði hjá þingi og þjóð . . .
* # *
Við stofnuðum U.M.F.R (Ungmennafélag Reykjavíkuð) haust-
ið 1906 og allur sá fríði hópur og drengilegi hafði þegar áður heit-
ið bláhvíta fánanum fylgi. Og á fyrsta fundi vorum (stofnfundin-
um í Bárubúð), sórum við bláhvíta fánanum fylgi sem félagsfána
Ungmennafélags Islands — og framtíðarfána þjóðarinnar. Og
síðan var stór og fagur ,,hvítbláinn“ dreginn að hún á hverjum
fundardegi U.M.F.R. í Bárubúð, í hjarta Reykjavíkur.
Þetta mun hafa valdið því, að innan skamms kom Bjarni frá
Vogi á fimd til okkar og bar upp það erindi sitt, hvort hann fengi
leyfi félagsins til þess að skrá sig sem félaga þess, þótt hann væri
hátt hafinn yfir aldurstakmark þess. — Ég var fyrsti formaður
U.M.F.R. og kunnugur Bjarna frá Vogi. Þurfti því ekki miklar
umræður um málið, og var Bjarni samrausta kjörinn heiðursfé-