Veiðimaðurinn - 01.12.1972, Blaðsíða 12

þúsund. Ráðgert er að reisa hús, sem er um
2000 ferm. að flatarmáli. Á það að rúma
skrifstofur, rannsóknarstofur, bókasafn,
geymslur, klakherbergi og eldissal. Á
b.Vggingunni verði turn fyrir Ioftun á vatni
og í kjallara undir hluta hennar verður kom-
ið fyrir dælum, kerjum og síum í sambandi
við vatnskerfi stöðvarinnar.
I eldissal, sem er um 1150 ferm. að flat-
armáli, verði 120 eldisker. Helmingur
þeirra verður 1,5x1,5 m að flatarmáli og
hinn helmingurinn 3,0x3,0 m. Þá verða níu
steinsteyptar hringtjarnir utan húss, og er
hver þeirra 7,5 m í þvermál. Vatnskerfið
verður með óvenjulegum hætti á okkar
vísu. Notað verður svokallað lokað kerfi.
Vatninu er dælt um stöðina og síað í þar
til gerðum síum milli þess, sem það renn-
ur um eldiskerin. Endurnýjun á vatninu fer
þannig fram, að um tíundi hluti vatnsmagns-
ins, sem er í notkun hverju sinni rennur út
úr kerfinu, þegar að síunum kemur, en
samsvarandi vatnsmagn af fersku vatni bæt-
ist við í kerfið. Notkun á lokuðum vatns-
kerfum í eldisstöðvum fer mjög í vöxt vestan
hafs um þessar mundir, enda hafa þau
vissa kosti og tæknin við síunina hefur ver-
ið bætt að undanförnu.
Islendingar á fundinum.
Fjórir Islendingar sóttu laxamálafundinn
auk greinarhöfundar. Þegar Willfred Carter
var hér síðastliðið sumar, bauð hann full-
trúa frá Landssambandi stangaveiðifélaga
og öðrum frá Landssambandi veiðifélaga
að sækja laxamálafundinn, og myndi Al-
þjóðalaxastofnunin greiða kostnað við uppi-
hald og ferðalög gestanna meðan þeir
dveldust í Kanada. Barði Friðriksson, for-
maður Stangaveiðifélags Reykjavíkur, sótti
fundinn fyrir hönd samtaka stangaveiðifé-
laganna og Þorsteinn Þorsteinsson, Skálpa-
stöðum, Lundarreykjadal, formaður Veiði-
félags Grímsár og Tunguár, fyrir samtök
veiðifélaga. Auk þess sóttu fundinn tvær
stúlkur, sem eru við framhaldsnám í fiski-
fræði og vatnalíffræði við Comell-háskóla í
New Yorkríki, þær Guðný Eiríksdóttir og
Maryanna Alexandersdóttir.
Lokaorð.
Samtök þau, sem frá er greint, era líkleg
til, ef marka má af byrjuninni, að hafa
veruleg áhrif á þróun laxamála í framtíð-
inni. Er það því athygli virði, að fylgjast
með starfsemi þeirra og reyna að taka þátt
í henni eftir því, sem við verður komið.
Með stofnun samtakanna hefur skapazt m.
a. vettvangur fyrir umræður um laxamálin
á breiðum grundvelli. Lögð er mikil áherzla
á að auka þekkingu á æviferli laxins og
stuðla að endurbótum á skipulagi og stjóm-
un laxveiðimála. Þessum markmiðum er
ætlunin að ná með stuðningi við rannsókn-
arstarfsemi með beinum fjárframlögum, út-
gáfustarfsemi og dreifingu á upplýsingum,
sem stuðla að aukinni þekkingu á undir-
stöðuatriðum laxamálanna. Þá er ennfrem-
ur reynt að koma á nauðsynlegum tengsl-
um milli aðila, sem vinna á hinum ýmsu
sviðum laxamálanna, með það fyrir augum,
að samræma val verkefna og koma á auknu
samstarfi, en allt of lítið hefur verið um slíkt
fram til þessa. Mörg aðkallandi verkefni
bíða úrlausnar, sem flýta má fyrir lausn á
með auknu alþjóðlegu samstarfi. Munu hin
nýju samtök líkleg til að vinna mjög þarft
verk á því sviði, sem og öðrum, er þau
hafa tekið sér fyrir hendur.
10
VEIÐIMAÐURINN