Veiðimaðurinn - 01.12.1986, Qupperneq 43

við aðstæður eins og í Straumsvíkurlónum,
til þess að lax gangi í viðkomandi fersk-
vatn. Að vísu eru umrædd lón sérstæð að
því leyti, að þar er að kalla ekkert líf þar
sem vatnið streymir undan hraununum.
En í engu tilviki myndi það skaða að
skapa „laxalykt“ eins og að framan er rak-
ið, ef ætlunin er að stofna til laxagangna í
áður laxlaus ferskvötn.
1. Sjá Arbók Félags áhugamanna um Fiskrækt 1968, bls. 30-37.
2. Sjá Veiðimanninn 1966, árg. 78, bls. 35-38.
3. Sjá Veiðimanninn, apríl 1982, bls. 27-28.
Björn Jóhannesson
Laxaiðnaður
í vanda
I. Inngangsorð
Það hefur vakið nokkra athygli, hve
áhugi og áróður fyrir laxeldi hefur verið
áberandi í fjölmiðlum síðustu árin. Er
talið, að við Islendingar höfum verið við-
bragðsseinir um þróun þessara mála, að
við höfum misst af strætisvagninum, sér-
staklega ef miðað er við frændur okkar,
Norðmenn. Stjórnvöld og lánsfjárstofnan-
ir eru sökuð um skilningsskort á þörf fjár-
hagsaðstoðar við þessa upprennandi at-
vinnugrein. Stofnað hefur verið til félaga-
samtaka og fundahalda, þar sem átalinn er
sofandaháttur og skilningsleysi hins opin-
bera um stuðning við laxaiðnaðinn. Mér
er raunar ókunnugt um upphæðir þeirra
styrkja, lána og ábyrgða, sem opinberir
sjóðir og lánastofnanir hafa þegar látið
laxaiðnaðinum í té. En þetta mun vera um-
talsvert fjármagn, þegar þess er gætt, að
um er að ræða stuðning við tilrauna- og
áhættuframkvæmdir að verulegu leyti. Án
efa hefur slíkur stuðningur átt nokkurn
þátt í því, að upp á síðkastið hefur verið
stofnað til fjölmargra laxeldisframkvæmda
víðsvegar um landið. Þannig greindi
Morgunblaðið nýlega frá því, að í byrjun
apríl 1986 hafi 36 seiðaeldisstöðvar og 18
stöðvar sem stunda eða hyggja á matfiska-
eldi verið skráðar í landinu. Að mati höf-
undar þessara lína hefur hér verið unnið
meira af kappi en forsjá, eins og drepið er
á hér á eftir. Notuð verður afstceð matsað-
ferð, þ.e.a.s. grundvallaraðstæður fyrir
laxaiðnað hér við land eru bornar saman
við aðstæður í öðrum norðlægum sam-
keppnislöndum. Til hagræðis er annars
vegar rætt um seiðaeldi, hins vegar um
matfískeldi.
II. Seiðaeldi
1. Góð aðstaða
Vegna jarðvarma, sem víða er að fmna
hérlendis, er aðstaða til framleiðslu sjó-
VEIÐIMAÐURINN
41