Arkitektúr og skipulag - 01.04.1992, Qupperneq 98

LIFANDI MYNDIR í
MACINTOSH
TÖLVUM
Hér verður fjallað um QuickTime -
kerfisviðbót sem gerir raunverulegt,
sem hingað til hefur aðeins verið hægt
í bíómyndum, þ.e. að sýna lifandi
myndir á tölvuskjá og það án nokkurs
aukabúnaðar.
A næstu árum mun QuickTime
gjörbylta allri myndbanda og
sjónvarpsvinnslu, á sama máta og
skjáborðsútgáfan hefur gert í
prentiðnaðinum.
Nú þegar er hægt að prufugera
myndbönd á Macintosh-tövlum og er
kostnaðurinn við nauðsynlegan búnað
vel innan við eina milljón - það eina
sem til þarf er Macintosh-tölva með
litaskjá og síðan forritið Adobe
Premiere. Til þessa hefur nauðsynlegur
búnaður kostað fleiri milljónir. Og
ekki mun líða á löngu þar til mögulegt
verður að stjóma myndbandsgerðinni
allri í Macintosh og það fyrir brot að
því sem það kostar með þeim útbúnaði
sem notaður er í dag.
Myndgæðin sem nást með þeim
búnaði sem nú þegar er fyrir hendi
(t.d. Adobe Premiere) eru meiri en
nægileg til að útbúa kynningar- og
kennslumyndir. Og enn fullkomnari
forrit eru væntanleg. Flestir
hugbúnaðarframleiðendur eru með í
smíðum útgáfur af sínum hugbúnaði
sem notfærir sér QuickTime, enda
kom það skýrt fram á MacWorld-
sýningunni sem var í San Francisco í
janúar síðastliðnum, en þar var
QuickTime sýnt á meira en hundrað
sýningarbásum.
Sem dæmi má taka að í nýjustu útgáfu
af Word Perfect er hægt að fella inn í
skjöl kyrrmyndir eða hreyfimyndir líkt
og hverja aðra teikningu. Síðan er
hægt að spila hreyfimyndina með því
einu að smella á hana.
Einnig verður hægt að ná í kyrr-
myndir úr hreyfimyndunum og fella
inn í skjöl, en þetta var áður aðeins
hægt í forritum eins og Photoshop,
FreeHand og Illustrator.
Það er fyrirtækið Adobe, sem er
komið einna lengst í þróun á
stafrænni myndavinnslu (digital
video) og er þar fremst í flokki forritið
Premiere, sem kom á markaðinn í
byrjun þessa árs. Með því forriti er
mjög einfalt að búa til starfæn
myndbönd með því að sameina lifandi
myndir, texta, teikningar og hljóð.
NOTKUN Á PREMIERE
Premiere er mjög einfalt í notkun. Á
skjáinn koma ræmur, sem líkjast
filmum og þar sést strax rammi fyrir
ramma hvað er að gerast. Og með
þeim áhöldum sem forritið býður upp
á er hægt að fá alls kyns „effekta11
þegar skipt er frá einni filmu yfir á
aðra. Hægt er að láta myndirnar,
flettast, leysast upp, skrúfast og yfir
höfuð allt sem sést í hefðbundinni
myndbandavinnslu.
Premiere er hægt að nota með öðrum
forritum, t.d. Adobe Illustrator og
Adobe Photoshop. En þau forrit eru
sérhönnuð fyrir vinnslu kyrrmynda og
með þeim er hægt að lita myndir,
breyta litum og staðfæra raunveru-
leikann á ýmsan hátt.
Adobe sér fram á að nota megi
stafræna myndvinnslu við
markaðssetningu, sölukynningar,
kennslu og fréttaflutning. Það er að
segja alls staðar sem hingað til hefur
verið notast við myndbönd af gömlu
gerðinni, en með þessari tækni geti
enn fleiri nýtt sér þessa möguleika þar
sem stofnkostnaðurinn er ekki nema
brot af því sem áður var.
NOKKUR ATRIÐI UM QUICK
TIME
Upphaf QuickTime má rekja rúm átta
ár aftur í tímann því þá kynnti Apple
QuickDraw, sem er grunnur þess að
hægt er að klippa og líma grafík milli
Macintosh forrita.
Með Macintosh-tölvum kom
möguleikinn á að nota grafík t öllum
forritum og skipti engu máli hvort um
væri að ræða ritvinnsluforrit,
töflureikna eða önnur forrit. Þetta
grafíska vinnuumhverfi olli algjörri
byltingu í notkun á einkatölvum.
QuickDraw gerði Macintosh-
umhverfið að því vinnuumhverfi sem
miðað var við og það sem notendur
vildu helst, enda eru margir famir að
líkja eftir því til að nota á tölvum
sínum (t.d. Windows). Með Quick-
Time kemur Apple aftur með staðlana
sem miðað verður við og mun gefa
notendum kost á að nýta sér, án
fyrirhafnar, allar gerðir miðla
(myndbönd, geisladiska, tónlist o.fl.).
Með QuickTime verður jafnauðvelt
að vinna með hina ólíku miðla eins og
er að vinna með grafík f dag. Upptaka
á stafrænt myndband Macintosh-
tölvunnar verður jafneinfalt eins og er
að taka upp á hefðbundið myndband í
dag.
QuickTime verður hægt að nota á
allar Macintosh-tölvur án nokkurs
aukabúnaðar, eina skilyrðið er að þær
séu litaskjá og 68020-68040 örgjörva.
QuickTime er því hvorki forrit né
aukaspjald heldur viðbót sem sett er í
Kerfismöppuna.
QuickTime samanstendur af fjórum
meginhlutum:
1. Kerfisviðbót sem sett er í Kerfis-
möppuna.
2 .Nýju skráasniði fyrir myndir og
nefnist það „Movie“.
3. Samþjöppun gagna. QuickTime er
afhent með fjórum innbyggðum
þjöppunarforritum, sem notuð eru til
að þjappa saman hreyfimyndum,
Ijósmyndum (JPEG), kvikmyndum
(video) og teikningum. Hægt verður
að þjappa gögnin í allt að 20:1 án þess
að gæði myndanna rýrni svo nokkru
nemi.
4- Nokkrum nýjungum fyrir notanda-
ásjónina sem gerir afspilun mynda
jafneinfalda eins og allt annað í
Macintosh-umhverfinu. ■
96