Arkitektúr og skipulag - 01.04.1992, Side 87

Ferðaskrifstofan við Opernringhof. Hans Hollein.
hljóta að eiga í mótun verka í
þessum anda. Meistarastykki
Holleins í Vín er ferðaskrifstofan
við Opernringhof. Þar vitnar
hann í rýmisuppbyggingunni til
Postsparkasse Wagners (byggt
1904), öll önnur innrétting er
byggð á eftirvæntingu
ferðamannsins, draumsýnin
skýrist, indvers'kt hof og pálmar úr
látúni eru biðstaðir, óspart vitnað
til hins ókomna og framandi.
Oll verk hans bera mark af Vín,
keisaraborg í aldir þar sem austur-
lönd og vestrið mættust. Flest
verka hans verkuðu dulúðug á
mig áður en ég kynntist þeim, en
eftir kynni af borginni eru þau
sjálfsögð, ljóðræn og skemmtileg í
þessari heillandi borg.
Kemur nú að kafla sem er
óhjákvæmilegur í lífi hvers
manns, heimaslóðirnar fá
ævintýrablæ og verða
eftirsóknarverðari en nokkru
sinni áður. Lyktir urðu að
heimþráin varð skynseminni
yfirsterkari. Heimkoman var
auðveld, fékk vinnu á virtri
teiknistofu hér í bæ, og leigði mér
íbúð í Norðurmýrinni.
Þessi nýju heimkynni voru mér
góð, bjó hjá yndislegu fullorðnu
fólki sem hafði byggt húsið sem er
verðugur fulltrúi hins íslenska
fúnkis. Ibúðin er björt og rúmgóð
og hverfið aðlaðandi, vöktu
forvitni mína á fólkinu sem
byggði þessi hús og hverfi sem um
margt er betra en flest það sem á
eftir hefur komið. Fyrirmyndir
þessa hverfis er að finna í fyrstu
húsum Gunnlaugs Halldórssonar,
oft svo að einstökum hlutum húsa
hans bregður fyrir í ýmsum
myndum þegar grannt er skoðað.
Undir þessum áhrifum fékk ég
mitt fyrsta verkefni við að teikna
Logafold 88. Tryggvi Tryggvason.
85