AVS. Arkitektúr verktækni skipulag - 01.03.1993, Qupperneq 14

aðalfundi félagsins sem verður 26. mars. Ég vill nota þetta
tækifæri og hvetja félagsmenn til að taka virkan þátt í
félagsstarfinu og bjóða fram sína þjónustu í trúnaðarstöður
innan félagsins.
SAMSTARF VFÍ OG TFÍ
Ég hef áður látið það álit mitt í ljós að ég sé sammála því
að skoða eigi kosti og galla þess að sameina Tækni-
fræðingafélag Islands og Verkfræðingafélag Islands. Ég
tel reyndar að vinna eigi að sameiningu félaganna en geri
mér grein fyrir þeim vandamálum sem þarf að yfirstíga
áður en slíkt yrði að veruleika. Okkur ber að sýna þann
félagslega þroska sem þarf til að framkvæma þetta og
sleppa öllum gömlum kreddum eða úrtölum sem eiga að
heyra sögunni til. Það er mitt mat að með sameiningu yrði
til mjög öflugur málsvari tæknimenntaðraeinstaklinga um
leið og kraftar félagsmanna nýttust allri stéttinni til góða.
Samruni félaga sem og fyrirtækja er það sem koma skal því
einingamar verða að vera af þeirri stærðargráðu að þau
standist þá samkeppni sem nútímaþjóðfélag krefst.
Samskonar umræða er í gangi á Norðurlöndunum og
jafnvel víðar. Eitt af vandamálum við sameiningu félaganna
sem við er að glíma er að finna sameiginlegt nafn stéttar-
innar. Erlendis er orðið „ingeniör” eða „engineer” notað
sem grunnur fyrir báðar stéttirnar og er Island eina landið
í Evrópu og jafnvel víðar sem notar tvennskonar nöfn,
tæknifræðingur - verkfræðingur. Þetta þarf að skoða
vandlega en á ekki að verða hindrun í sameiningarviðræð-
unum. Félögunum ber að standa saman í þeirri baráttu sem
framundan er í atvinnuuppbyggingu þessarar þjóðar og
sýna þor og áræðni í að takast á við nýjar stefnur.
HVAÐ ER FRAMUNDAN?
Ef unnið verður að endurbættu iðnnámi og fjármagni varið
til nýsköpunar og rannsókna mun ísland ná sér upp úr
þeirri lægð sem einkennt hefur þjóðlífið undanfarin tvö ár.
Ég vil sjá sterkan tækniháskóla sem gæti myndast við
samruna T ækniskóla Islands og V erkfræðideildar Háskóla
Islands. Með stofnun slíks skóla skapast enn frekari
möguleikar á auknum rannsóknum í samvinnu við þær
rannsóknarstofur sem fyrir eru í landinu. Atvinnulífið
hefði möguleika á að koma í náið samstarf við tækni-
háskólann og þannig hafa áhrif á starfsemi hans. Stórefling
iðnnáms verður að eiga sér stað og það strax. Við getum
ekki verið þekkt fy ri r að láta iðnnám sitja á hakanum þegar
þörfin fyrir öfluga verkmenntun hefur aldrei verið meiri.
V erkmenntun er og verður undirstaða framfara og nýsköp-
unar sem við þurfum mjög mikið á að halda.
Það þarf að byggja upp sérhæfða íslenska framleiðslu þar
sem lögð verður áhersla á gæði og hreinleika. Við eigum
að sérhæfa okkur í fullunnum hágæða sjávarafurðum þar
sem verðið skiptir ekki höfuðmáli vegna þeirrar sérstöðu
sem byggð verður upp í tengslum við framleiðsluna. Slíkt
mun taka tíma og við megum ekki einblína á stundargróða
með skammtímasjónarmiðum sem skilar sáralitlu til
þjóðarbúsins.
A öllum sviðum er þörf fyrir vel menntað fólk og verður
hlutverk arkitekta, verk- og tæknifræðinga mikilvægt í
uppbyggingu þjóðarbúsins eftir samdráttarskeið liðinna
ára. ■
LISTAR í HÓLF OG GÓLF
Súöarvogi 9-104 Reykjavík, símar 679133 og 985-32532
V ið hjá Listasmíði sf. bjóðum þér lista af öllum
stærðum og gerðum. - Ef listinn í gamla hús-
inu er skemmdur eða þarf að endurnýja, en
halda sama svip, sérsmíðum við fyrir þig.
Eigum á lager mikið úrval lista.
Einnig bjóðum við flaggstangir úr tré, glugga
og hurðasmíði.
12