AVS. Arkitektúr verktækni skipulag - 01.06.1994, Qupperneq 54

allar loftlínur horfnar í dag. Þegar strengir eru grafnir
eða plægðir niður verður yfirborð jarðar alltaf fyrir
nokkrum skemmdum, en á undanförnum árum hefur
verið lögð aukin áhersla á að koma yfirborði sem
næst því í sama horf og það var áður en framkvæmdir
hófust. Reynt er að sneiða hjá skóglendi og öðrum
viðkvæmum svæðum.
Loftnet og möstur eru mannvirki sem ekki er auðvelt
að staðsetja þannig að allir verði ánægðir. Þessi
mannvirki eru oft fyrirferðarmikil og hafa alltaf töluverð
áhrif á sitt næsta umhverfi. Reynt er að staðsetja
möstrin þannig að þau spilli sem minnst útsýni og
náttúrufegurð og enn fremur að ganga snyrtilega frá
þeim í upphafi og sinna viðhaldi þeirra vel. Oft þarf
að taka tillit til öryggisþátta við staðsetningu mann-
virkja, t.d. jarðstöðva, bæði jarðskjálftahættu og
veðurfars.
Almennt má segja að það sé stefna Pósts og síma
að arkitektar og aðrir, sem á vegum fyrirtækisins
starfa, vinni að hönnun húsa og annarra mannvirkja
í nánu samstarfi við byggingaryfirvöld á hverjum stað.
Enn fremur að samráð sé haft við Náttúruverndarráð
og Skipulag ríkisins. Ætíð skal leitast við að finna
þær lausnir sem minnst áberandi eru bæði hvað
varðar mannvirki og vegi að þeim án þess þó að
rýra notagildi mannvirkisins. Stefna Pósts og síma
er að halda húsum sínum, sem og öðrum mann-
virkjum, vel við og hefur á undanförnum árum verið
varið miklum fjármunum til viðhalds og fegrunar
húsanna og nánasta umhverfis þeirra. ■
£ LÍNAN
HLUTLAUSAR UPPLÝSINGAR
52