AVS. Arkitektúr verktækni skipulag - 01.06.1994, Qupperneq 82

JES EINAR ÞORSTEINSSON FORM. SKÓLASTJÓRNAR
Sumarnámskeiö
ISLENSKA ARKITEKTASKOLANS
Sumardaginn fyrsta var íslenski arkitektaskól-
inn stofnaður. Þá var stigið stórt framfara-
skref í menntamálum okkar og að baki er
þröskuldur sem við höfum staðið við tvístígandi allt
of lengi. Enn er á brattann að sækja, en aftur verður
ekki snúið. Með stofnun skóla er byggingarlist hér
ruddur betri farvegur. í huga okkar er skóli ekki vígi
steinrunninna kennisetninga, heldur aflgjafi frjórra
hugmynda, stoð sköpunar og þekkingarbrunnur í
nánu samstarfi við starfandi arkitekta, atvinnulíf og
aðrar menntastofnanir.
Við byrjum smátt en skólastarfið mun eflast með góð-
um vilja og samstöðu og mikið er í húfi að vel takist til
þegar í upphafi. Góð samvinna við erlenda skóla er
mikilvæg og þegar hafa margir skólar austan hafs
og vestan sýnt mikinn áhuga á samstarfi og telja má
víst að erlendir námsmenn munu sækja námskeið
og stunda hlutanám við skólann.
Skólastarf, jafnvel á frumstigi, mun ýta undir og gera
markvissari kennslu í byggingarlist í grunn- og
framhaldsskólum. Skólinn mun styrkja norrænt og
alþjóðlegt samstarf og efla menningu okkar og telja
má víst að raunverulegur fjárhagslegur ágóði af
rekstri skólans verði verulegur.
Sumarnámskeið íslenska arkitektaskólans, sem er
haldið 27. júní til 23 júlí n.k. er fyrsta skrefið í skóla-
starfinu. Fyrirhugað er að halda slík námskeið næstu
2 til 3 árin til þess að renna stoðum undir reglulegt
skólastarf og koma á tengslum við erlendar
menntastofnanir. Gert er ráð fyrir 28 nemendum sem
eru komnir nokkuð áleiðis í námi. Nemendur leysa
eitt verkefni undir handleiðslu kennara og hlýða á
fyrirlestra. í tilefni þjóðhátíðar byggist verkefnið á
hugmyndum um mannvirki á Þingvöllum.
Kennslan fer fram í Ásmundarsal og í Iðnskólanum.
í lok námskeiðsins fjallar dómnefnd um verkefnin og
haldin verður sýning á þeim. Veitt verða verðlaun
fyrir bestu verkin og verða þau gefin út í bæklingi.
Yfirkennari verður Dr. Maggi Jónsson arkitekt og
námskeiðsstjórar arkitektarnir Guðjón Bjarnason og
Sigríður Magnúsdóttir. Kennarar verða Henri Ciriani,
arkitekt, prófessor við Paris-Belleville arkitekta-
skólann, Alvaro Siza, arkitekt, prófessor við arkitekta-
skólann í Porto í Portúgal, Susanna Torre, arkitekt,
deildarforseti við arkitekta- og umhverfisdeild Par-
sons School of Degsign/The New School for Social
Research, Bandaríkjunum. Aðstoðarkennari auk
Guðjóns og Sigríðar er Christian Seethaler, arkitekt,
Austurríki, kennari við Listaháskólann í Vín, Tækni-
skólann í Vín, háskólana I Cornell og lllinois.
Fyrirlesarar veru dr. Maggi Jónsson, Christian
Seethaler, SusannaTorre, Henri Ciriani, Guðmundur
Jónsson, Alvaro Siza, og Tom Mayne. Fyrirlestrar
eru öllum opnir. ■
ÍSARK
The lcelandic School of Architecture
Loksins, - loksins hafa íslenskir arkitektar sjálfir
riðið á vaðið og ákveðið að leggja drög að
íslenskum arkitektaskóla. Eftir að hafa um árabil
hlustað á úrtölumenn úr eigin röðum er þessi draumur nú
að verða að veruleika.
Engin grein þekkingar eða lista getur orðið viðvarandi
þáttur af menningu nokkurs lands jyrr enfarið er að kenna
þessa grein íviðkomandi landi. Án arkitektaskóla á íslandi
getursá samruni hugmynda og lista úröllum heimshornum
sem íslenska arkitekta hefur lengi dreymt um ekki átt sér
stað. An potts - engin kjötsúpa!
Tímaritið AVS óskar ÍSARK, íslenskum arkitektaskóla og
Islendingum öllum til hamingju með fæðinguna og alls
velfarnaðar á komandi árum. ■ ritstj.
80