AVS. Arkitektúr verktækni skipulag - 01.06.1994, Síða 13

LEIKVELLIR FYRR OG NÚ
Þeir dagar eru löngu liönir þegar nóg var
að skella hlassi af möl á sléttan flöt eða
einhverja afgangslóð milli húsa, setja
upp tvær rólur og vegasalt til að kominn
væri boðlegur barnaleikvöllur. Nú á okkar tímum eru
leikvellir mun fjölbreyttari en áður var, og forsendur
fyrir hönnun leikvalla taka í síauknum mæli mið af
öryggi barna í lifandi umhverfi. Slysatíðni barna á
leikvöllum hefur verið of há, og til þess að bæta um-
hverfi barna hafa leikir sem lærðir unnið ötult starf til
að fylgja þeim sjónarmiðum eftir.
Til að ná góðum árangri við gerð opins leiksvæðis,
nærleikvallar, grenndarleikvallar, hverfisleikvallar,
gæsluvallar, leikskólalóðar eða skólalóðar. Þarf að
kalla saman hóp af sérfræðingum, sem vinna saman
og deila með öðrum starfshópum þekkingu og
starfsreynslu sinni, hver á slnu sviði. Til að fækka
slysum þarf þekkingu eða skráningu á hver algeng-
ustu meiðslin eru. Það þarf einnig að greina hvernig
hægt sé að fækka slysum eða koma í veg fyrir þau.
Herdís Storgaard hefur unnið mikið starf á þessu sviði
og telur hún að fækka megi slysum með fyrirbyggj-
andi aðgerðum.aukinni stöðlun leiktækja, bættri
hönnun og aukinni stjórnun. Slysum má fækka með
aukinni líkamlegri og andlegri færni barna. Þá hafa
uppeldisstéttir, fóstrur og aðrir sérfræðingar, reynslu
í samhæfingu margra eiginleika barns, sem leiða af
sér þroska. Ég tel nauðsynlegt að hafa þessi sjónar-
mið með, því umhverfi barna endurspeglar í hnot-
skurn þá þjóðfélagsþróun, sem á sér stað á hverjum
tíma. Og ekki má gleyma börnunum, sem eru í mörg
ár daglega á skólalóðum. Það eru þessar lóðir sem
gefa börnum fyrirmyndir og mat á umhverfi sínu.
Verkfræðingum er tamt að koma með tæknilegar
úrlausnir á skilgreindum vanda. Reikna út þann styrk
sem leiktæki eða burðarlag stígs þarf að hafa til að
mannvirkið standisttlmans tönn. Eðastilla upp tækni-
legum kröfum og koma með lýsingar varðandi
eiginleika efna, útfærslur, prófanir og prófunaraðferðir
á leiktækjum, svo að dæmi séu nefnd. Leikvöllur er
vettvangur fyrirtækja, vinnustaður og dvalarstaður
fyrir börn, sem miklum kostnaði er varið í. Að hönnun,
framkvæmdum, uppbyggingu og umhirðu leikvalla
standa margir aðilar, eins og verkfræðingar, bygg-
ingartæknifræðingar, iðnaðarmenn, garðyrkjumenn
og ekki síst landslagsarkitektar. Landslagsarkitektar
hafa þekkingu til að koma með úrlausnir eða hanna
leikvelli sem taka tillit til ofangreindra þátta og sam-
ræma ólík sjónarmið og velja mismunandi áherslur
eins og eftirfarandi texti, Ijósmyndir og hönnun sýna.
Laxakvísl, leikvöllur. Kolbrún Oddsdóttir landslagsarkitekt
hannaöi.
Freyjugöturóló.
11
KOLBRÚN ODDSDÓTTIR LANDSLAGSARKITEKT ||jj |||