AVS. Arkitektúr verktækni skipulag - 01.12.2001, Blaðsíða 20

Haustið 1995 voru aðalskrifstofur háskólans flut-
tar að Sólborg og í upphafi skólaársins 1998-1999
hafði allt húsnæði þar verið tekið í notkun, og þá
voru 530 nemendur við skólann.
Samkeppni
í desember 1995 var efnt til opinnar samkeppni
á hinu evrópska efnahagssvæði um hönnun og
skipulag háskólans á nýja háskólasvæðinu að
Sólborg.
í samkeppnislýsingu var verkefninu þannig
lýst:
„í samkeppninni felast eftirfarandi verkefni:
Hönnun nýbygginga(r) á núverandi Sólborgarlóð
og aðlögun á eldra húsnæði þar. Húsrýmisáætlun
gerir ráð fyrir að húsnæðisþörf háskólans sé rúm-
lega 4800 m2 nettó.
Heildarskipulag alls háskólasvæðisins, þ.e. nú-
verandi Sólborgarlóð og framtíðarbyggingarsvæði
háskólans, samtals um 10 hektarar. Miða skal við
að allt svæðið rúmi háskóla með 1500-2000 nem-
endum.”
Augljóst var að til keppninnar var stofnað af
framsýni og miklum metnaði. Ellefu tillögur bárust
og varð dómnefnd „sammála um að veita ekki
fyrstu verðlaun heldur tvenn önnur verðlaun og
byggði nefndin þá niðurstöðu sína á því mati að
engin tillagan uppfyllti fullkomlega þær forsendur
sem dómnefnd ákvað og birti í samkeppnislýsing-
unni.”
Tvær tilíögur deildu með sér öðrum verðlaunum
þar sem dómnefnd taldi að þær „hafi öðrum til-
lögum betur náð fram þeim markmiðum, sem sett
voru fram í samkeppnislýsingunni, þrátt fyrir
ákveðnar takmarkanir og mælir því með að gengið
verði til samninga við höfunda annarrar hvorrar
þeirra til útfærslu.”
Tíllaga Glámu/Kíms
Höfundar annarrar tillögunnar (auðkennd með
tölunum 31179, og nr. 7 í skrá dómnefndar) voru
teiknistofurnar GLÁMA sf og KÍM sf í samstarfi við
Ólaf Tr. Mathiesen arkitekt.
í tillögunni var gert ráð fyrir að eldri byggingar að
Sólborg hýstu bókasafn, mötuneyti og skrifstofur
starfsliðs. í nýjum byggingaráföngum yrði komið
fyrir kennslustofum, hópherbergjum og fyrir-
lestrasölum, skrifstofum skólans og gagnasmiðju,
rannsóknaaðstöðu og skrifstofum, tilraunastofum
og kennslurými þeim tengdu. Lagt var til að skrif-
stofa skólans sem komið hefur verið fyrir í einu
Núverandi endi tengigangs, efri hæð. Fyrir utan
á vinstri hönd er horft að væntanlegu torgi,
beint áfram verður framhald gangsins fyrir
framan fyrirlestrasali og skrifstofur skólans.
18
j