AVS. Arkitektúr verktækni skipulag - 01.12.2001, Blaðsíða 90

utandyra. Þakgarður á 6. hæð veitir enn eina vídd-
ina í samspil manns og náttúru. Fossarnir í tjörn-
inni og hringleikahús á suð-vesturhluta lóðarinnar
mynda upphaf Ijósgeisla eða leiðara sem skjótast
sem elding út frá tjörninni um garðrýmin og út í
náttúruna. Ljósleiðararnir eru lýsandi hluti nets
göngustíga, sem liggja um svæðið og tengja alda-
mótagarðinn nærliggjandi umhverfi og byggð.
Ljósasúlur eða viftur liggja meðfram geislunum og
mynda lóðrétta snertingu við lárétta jörðina.
Grasagarðurinn opnast út eftir Ijósgeislunum,
manngerð náttúran leysist smám saman upp og
tengist því ómanngerða eða lyngmóanum á suð-
austurhluta lóðarinnar. Lyrigmóinn er einstakur á
svæðinu vegna fjölbreyttrar gróðursamsetningar
og náttúrugildis og því mikilvægt innlegg í grasa-
garðinn. Lyngmóann ætti að vernda frá byggingar-
framkvæmdum eftir því sem kostur er. Lýsing
svæðisins alls er afar mikilvægur þáttur í umgjörð-
inni allri og spila Ijósgeislarnir og súlurnar þar stórt
hlutverk. Sérstaklega er hugað að aðgengi fyrir
fatlaða og um aldamótagarðinn, enda er í garðin-
um eitthvað við að vera fyrir alla aldurshópa. T.d.
er gert ráð fyrir bolta- og leikvöllum á lóðinni til
afnota fyrir starfsmenn í frítímum. Þá er auðvelt
fyrir þá sem vinna á lóðinni við viðhald og ræktun
að fara þar um, enda greið og bein tenging til og
frá áhaldahúsi og verkstæði. ■
Höfundur: Kristinn E. Hrafnsson • Titill: VATN VATN • Staðsetning: Ægisíða
Orkuveitan hefur frá stofnun átt frumkvæði að eða verið þátttakandi
í stórum og smáum listviðburðum og menningar-tengdum uppákomum
sem oft á tíðum hafa náð út fyrir landsteinana. Listamönnum hafa
verið gefnar frjálsar hendur í einhverri tiltekinni sköpun sem stuðlað
hefur að fjölbreyttari og frjórri menningarflóru á íslandi.
Orkuveitan mun halda áfram á sömu braut og stuðla að
skynsamlegri nýtingu menningarauðlindar þjóðarinnar.
Orkuveita
Reykjavíkur