Árbók íþróttamanna - 01.12.1947, Blaðsíða 202

á s.1. ári. Ekki hafa þeir heldur haft tök á því að koma sér upp stærri né
hetri golfvelli. ASstæður þeirra eru því hinar örðugustu. Golflíf hefur þó
verið og er mjög blómlegt í Vestmannaeyjum, miðað við aðstæður, og mið-
að við fólksfjölda mun klúbbur þeirra vera fjölmennasti golfklúbbur á
Islandi.
Kappleikir margir eru háðir árlega á vegum G. V. Meistarakeppni karla
var fyrst háð 1939 og meistarakeppni kvenna 1944, og aðeins það eina ár.
Meistarar Golfklúbbs Vestmannaeyja frá byrjun
Karlar:
1939: Guðlaugur Gíslason
1940: Jón Ólafsson
1941: Einar Guttormsson
1942: Guðlaugur Gíslason
1943: Guðlaugur Gíslason
1944: Hinrik Jónsson
1945: Guðlaugur Gíslason
1946: Lárus Ársælsson
1947: Lárus Ársælsson
Konur:
1944: Unnur Magnúsdóttir
Golfsamband íslands
Golfsamband Islands var stofnað árið 1942. Og enn var það Gunnlaug-
ur heitinn Einarsson, er hafði forystuna. Það ýtti og undir framkvæmdir,
að nokkrir áhugasamir kylfingar höfðu gefið fagran verðlaunabikar til
þess að keppa um á landsmóti í golfi og skyldi sigurvegarinn hljóta nafn-
bótina: golfmeistari íslands.
Að stofnun G. S. í. stóðu allir golfklúhbar á íslandi og um tilgang þess
segir svo í lögum þess:
Tilgangur sambandsins er:
1. Að vinna að fullkomnun gólfíþróttarinnar og útbreiðslu hennar á ís-
landi.
2. Að hafa á hendi yfirstjórn golfmála á íslandi og svara til þeirra mála
út á við.
3. Að samræma leikreglur og forgjafir og úrskurða um ágreining um
þau atriði.
4. Að koma á kappleikjum fyrir land allt.
Fyrsta landsmót í golfi fór fram í Reykjavík í ágúst 1942, sömu dagana
og stofnþing G. S. I. var háð þar. Síðan hefur golfþing og meistaramót
verið háð árlega og oftast í Reykjavík. Árið 1944 fór það frarn í Skagafirði
á velli, sem þar hafði verið gerður í því skyni, og í ár var það háð á Akur-
eyri. Árið 1943 var og tekin upp sú nýlunda að keppa jafnframt meistara-
keppninni í 1. flokki.
202