Læknaneminn - 01.11.1967, Side 30

50
LÆKNANEMINN
specific task). Mér finnst, að sú
hætta á einangrun, sem alltaf
hlýtur að hrella okkur, ætti að
knýja okkur til virkari þátttöku
á alþjóðavettvangi. Við ættum
að veita erlendum læknanemum
alla þá aðstoð, sem við getum, en
um leið opnum við fyrir flóð upp-
lýsinga og áhrifa úr öllum áttum,
og þá er eini vandinn að velja og
hafna.
Magnús Jóhannsson
— Heyrið þér maður minn, sagði geðveikralæknirinn við rólegan
sjúkling. Getið þér nú ekki sagt mér, hvers vegna þér urðuð geðveikir.
— Jú, það get ég ósköp vel sagt yður. Ég kynntist ekkju, sem átti
uppkomna dóttur. Ég giftist ekkjunni. en skömmu síðar giftist faðir
minn stjúpdóttur minni, en við það varð konan mín tengdamóðir tengda-
föðurs síns. Stjúpdóttir mxn varð stjúpa mín og faðir minn var tengda-
sonur minn. Stjúpa min, þér skiljið, dóttir konu minnar, eignaðist son
og strákurinn varð stjúpbróðir minn, þar sem hann var sonur föður
míns, en hann var auðvitað um leið dóttursonur konu minnar og ég þar
af leiðandi móðurfaðir stjúpbróður míns. Nú eignaðist kona mín son og
auðvitað varð hann, jafnframt því að vera sonur minn, mágur föður
míns. Stjúpsystir sonar míns er einnig föðuramma hans, þar sem ég er
stjúpfaðir föður míns, hlýtur faðir minn og sonur að vera stjúpbræður.
Sonur minn er jafnframt sonur ömmu minnar, því kona mín er kona
sonardóttur minnar. Ég er stjúpfaðir stjúpmóður minnar og faðir minn
og kona hans eru stjúpbörn, þar sem faðir minn og sonur eru bræður.
Kona mín er líka amma mín, því hún er móðir stjúpmóður minnar. Ég
er eins konar frændi föður míns og svo er ég afi sjálfs míns.
— Þakka yður fyrir, sagði læknirinn. Nú skil ég. .. .
#
— Nú verður þú að drekka mjólk og ekkert annað, sagði læknirinn
ströngum rómi við Sigga gamla sífulla. Að öðrum kosti endar þetta með
skelfingu. Siggi gamii féllst á þetta. Skömmu síðar hitti læknirinn hann
og spurði hvernig gengi.
— Jú, það gengur, svaraði hinn dauflega, — nú fyrst veit ég, af
hverju blessuð smábörnin gráta stundum svo sáran.
#
— Er maðurinn yðar úr allri hættu?
— Nei, læknirinn á eftir að koma til hans nokkrum sinnum ennþá.