Læknaneminn - 01.10.1989, Qupperneq 12

Ætt A.
Ætt B
MYND 7.
MYND 8.
niður til hægri og upp til vinstri en ekki var um tvísýni
að ræða. A þessu tímabili þurfti hann að sofa óeðlilega
mikið og var mjög erfitt að vekja hann.
Eftir neglingu á fótbroti er hann var 29 ára fékk
hann vinstri helftarlömun. Við skoðun þá virtist hann
áhugalítill og hafa skertinnsæi.Hannvarþvöglumæltur
og fram komu bæði lófa-höku svörun (palmo-mental)
og ennissléttuviðbrögð (glabellar reflex) báðu megin
og hökuviðbragð var aukið. Hann hafði væga
helftarlömun, aukinn tonus og iljarteikn Babinskis
vinstra megin. Gangur var stjarfur og gleiðspora.
Sársaukaskyn var minnkað vinstra megin.
Helftarlömunin gekk að verulegu leyti til baka á
nokkrum mánuðum.
Almennar rannsóknir voru allar innan eðlilegra
marka og blóðþrýstingur mældist 130/70. Almennar
rannsóknir á mænuvökva voru eðlilegar. Heilalínurit,
hægri hálsæðamynd (carotis angiografia), ísótópa- og
intrathekal skönn voru eðlileg.
Eftir þetta áfall varð hann nokkuð sljór og
óvinnufær. Endurtekin heilarit voru óeðlileg.
A næstu árum hrakaði honum bæði andlega og
líkamlega og var greinilegt að hann fékk nokkrum
sinnum ný heilaáföll.
Cystatin C í mænuvökva var mælt og reyndist
1.8 mg./l, en eðlilegt meðalgildi er 7.1, spönnun 4.0-
13.6.
Er hann var 40 ára var hann innlagður
meðvitundarlaus og í flogafári. Sennilega var um nýtt
áfall að ræða. Hann lést nokkru síðar án þess að komast
til meðvitundar.
Sjúklingur Nr. 2. (Ætt B, mynd 8)
I mörg ár áður en sjúklingur veiktist hafði hann
fengið slæm höfuðverkjaköst af mígrengerð.
Innlagður í sjúkrahús, 27 ára, vegna skyndilegs
magnleysis og minnkaðs skyns vinstra megin. Einkenni
löguðust verulega á nokkrum klukkustundum og voru
nánast alveg horfin á tveimur dögum.
Skoðun við innlögn: Fullkomlega áttaður á stað
og stund, engin þvöglumælgi eða geðrænar (organisk
mental) breytingar. Væg lömun, aukin sinaviðbrögð
og minnkað skyn vinstra megin. Iljarteikn Babinskis
báðu megin.
Almennar rannsóknir voru allar eðlilegar.
Heilalínurit, hægri og vinstri hálsæðamyndir (karótis
og vertebralis angiografíur) voru eðlilegar.
Þegar hann var 31 árs fékk hann aftur einkenni
frá vinstri líkamshlið, sem gengu að verulegu leyti til
baka á nokkrum vikum.
Nokkrum mánuðum síðar fékk sjúklingurinn
skyndilega mjög sáran höfuðverk með ljósfælni og
lömun vinstri líkamshelmings. Jafnframt áberandi
geðrænar breytingar með neitun á öllum einkennunr.
10
LÆKNANEMINN l-%>89-42. árg.