Læknaneminn - 01.04.1990, Side 21

gripið til þess ráðs að greiða fæðunni leið í sömu
atrennu og sýrutaugin var tekin sundur. Þrír voru þeir
kostir til að auðvelda magatæmingu sem mönnum
hugkvæmdust og var einhver þeirra valinn hverju
sinni:
1. Veituaðgerð Wölflers sem þar með var orðin vinsæl
á ný.
2. Pýlóróplastik sem er víkkun neðra magaops og
þannig framkvæmd að á mótum maga og skeifugarnar
er skorið langs gegnum vegginn og skurðurinn saum-
aður þvers (6. mynd).
6. mynd
3. Lítil resection, antrectómía (7. mynd) og leit út fyrir
um skeið að sú viðbót við vagótómíuna ætlaði að verða
vinsælasta skurðaðgerðin, a.m.k. þegar sárið var í
skeifugörn. - Síðar komust í tísku önnur tilbrigði við
stef vagótómíunnar, fyrst svonefnd selektíf vagótómía
(8. mynd) og í framhaldi af því “highly selective”,
öðru nafni súperselektíf eða parietal-frumu vagó-
tómía (9. mynd).
Magaskurðlæknar hafa löngum verið með því marki
brenndir, eins og flestir dauðlegir menn, að jagast eða
metast hver við annan um dagleg viðfangsefni: Mín
aðferð gefur besta raun, það get ég sannað með tölum.
Okkar er best o.s.frv. En allt í einu var eins og dytti
bylur af húsi; það var um eða upp úr miðjum áttunda
áratugnum sem lyfið símetidín og þar á eftir ranitidín,
bæði svokaIIaðirH2-hemlarkomu til sögunnar. Maga-
og skeifugarnarsár um víða veröld greru hvert í kapp
við annað og nýju og fínu vagótómíurnar voru bornar
heim og lagðar til hliðar eins og amboðin í sveitinni í
gamla daga um leið og engjaslætti var lokið. Eftir
stendur magakrabbameinið, það bíta engin vopn nema
eggjárn, og líka þarf endrum og eins að grípa til hnífs
og skæra ef sár tekur upp á því að fossblæða eða mag-
inn að springa; kannski hafði veslings sjúklingurinn
aldrei vitað neitt af maganum sínum, gengið með sárið
þegjandi og hljóðalaust og ekki leitað læknis. Slíks eru
dæmi. Ulcus pepticum er undarlegur sjúkdómur, hann
er eins og vindurinn, enginn veit hvaðan hann kemur
og enginn veit hvenær lygnir eða hvessir. Helst blíðan?
8. mynd
E.S. Hér hefur verið notast við orðið skerðing til
þýðingar á resection. Eg er ekki fullsáttur við orð eins
og nárri, úrnám, stýfing, miðhlutun og högg en þau og
fleiri hafa verið tilnefnd sem íslenskt heiti á þessari
tegund læknisaðgerðar. Skerðing hefur alkunna
merkingu (kjaraskerðing o.fl.) og er skyld sögninni
skera og nafnorðinu skurður.
LÆKNANEMINN 1 1990 43. árg.
19