Læknaneminn - 01.04.1990, Qupperneq 30

Brot á þumalmiðhandarbeini.
Um þrenns konar brot getur verið að ræða. Bennets
brot og Rolands brot sem hvoru tveggja eru brot í
gegnum Iiðflöt, epiphysubrot og skaftbrot. Bennets
brot gengur í gegnum carpometacarpal-Iiðflötinn og
stafar venjulega af höggi sem Iendir axialt á
miðhandarbeinið með hálfboginn þumalfingur. Brotið
er í námunda við miðju liðflatar og situr neðsti hlutinn
á sínum stað en distal brothlutinn dregst upp á við, oft
með mjkilli tilfærslu. Sjaldan er hægt að lagfæra
þetta brot og halda því án innri festingar. Góður
árangur fæst með því að festa brotinu með K-vír eftir
að það hefur verið lagfært sem oftast er auðvelt.
Gipsumbúðir á hönd og fingur þarf að hafa áfram í
5-6 vikur. Rolandsbrot er mölbrot í proximal
Iiðflötinn, og því mun erfiðaðra að lagfæra það en
Bennets brotið. Oft þarf að opna inn á þetta brot til
að ná viðunandi brotstöðu og festa með grönnum K-
vírum.
Epiphysubrot eru algeng á börnum og skekkjast
venjulega með hornskekkju sem opin er lófalægt. Þessi
brot eru leiðrétt óblóðugt en oft getur verið erfitt
að fá góða brotstöðu ef liðnir eru einhverjir dagar frá
slysi, vegna þess hve þau gróa fljótt. Skaftbrot á I.
miðhandarbeini er oft hægt að leiðrétta án
skurðaðgerðar og stöðva í gipsumbúðum með
fingurinn í extension.
Fingurbeinabrot.
Þverbrot og mölbrot stafa venjulega af höggi eða
klemmu á fingurinn, en skábrot og spirallaga brot
stafa venjulega af snúningsáverka. Brot með
hornskekkju um miðkjúku geta valdið sköddun á
sinaslíðri og síðar hreyfingarhindrun vegna
samgróninga.
Mynd 3. Bennet's brot
28
LÆKNANEMINN 1 1990 43. árg.