Læknaneminn - 01.04.1990, Side 97

38. gr. sjálfa.
Liður 2: Benda má á að nær samfellt síðustu áratugi
hafa tengsl læknadeildar við sjúkrahúsin verið til
endurskoðunar. Leitað hefur verið álits erlendra
sérfræðinga og fjöldi nefnda starfað og skilað álili.
Jafnan hefur það verið niðurstaðan að við menntun
lækna bæri að nýta sem best aðstöðu í öllum
sjúkrahúsum í Reykjavík.
Arið 1974 skipaði Ólafur Bjarnason, þáverandi
deildarforseti, nefnd til þess að gera tiilögur um
framtíðarskipulag klíniskrar kennslu við læknadeild.
Helstu niðurstöður voru að stofnað skyldi til fastra
og formlegra tengsla Borgarspítala, Landakotsspítala
og Landspítala við læknadeild Háskóla Islands og
mælt með gerð rammasamninga. Einnig var þess
getið að vísindalegar rannsóknastofur klíniskra
kennslugreina yrðu reistar á sameiginlegri lóð
Landspítala og Háskóla íslands, og að allir kennarar
Læknadeildar skyldu hafa þar vinnuaðstöðu. I
framhaldi var gengið frá samningi Háskólans við
sjúkrahúsin, sem Borgarspítalinn og Landakot
undirrituðu 1983. Landspítalinn skrifaði aldrei undir
samninginn.
Liður 3: Þegar er starfandi nefnd sem er að vinna að
breytingum á framgangskerfinu.
Nú liggur breytingartillagan ásamt mótmælum frá
Félagi læknanema, stjórnum og læknaráðum
Borgarspítalans og Landakots og jafnvel fleiri
athugasemdum í menntamálaráðuneytinu. Fengnar
verða umsagnir frá heilbrigðisráðuneytinu og fjár-
málaráðuneytinu. Búast má við að samræming afstöðu
ráðuneytanna taki nokkurn tíma. Því er óvíst um afdrif
breytingartillögunnar.
Þessi þróun gæti leitt til þess að Landspítalinn verði
eina kennslusjúkrahúsið við Læknadeild. Minna má
á að samkvæmt skoðanakönnunum fyrri ára hafa
læknanemar iðulega verið mjög ánægðir með klíníska
kennslu á hinum kennslusjúkrahúsunum.
Lokaorð
Af framansögðu má ljóst vera að mörg mikilvæg mál
eru á ferðinni er varða læknanema. Sjálfsagt er að
kynna sér þau af gaumgæfni og fylgja þeim vel eftir.
Hlutirnir gerast ekki af sjálfu sér. Sem fráfarandi
embættismaður langar mig til að hvetja læknanema
til að taka þátt í því sem félagsstarfið hefur upp á að
bjóða. í mörgu hefur verið að snúast á s.l. ári en í
heildina séð þá hefur þetta verið mjög góður tími.
Nú er mál að linni og komið nóg að sinni.
Kristín Sigurðardóttir, fonnaður
SKÝRSLA KENNSLUMÁLANEFNDAR
Sem fyrr voru það ákveðnir fastir punktar sem tóku
tíma nefndarinnar. Kennslunefndarfundir voru óvenju
margir s.l. vetur, auk þess sem einstaka nefnarmenn
störfuðu í undirnefndum sem fjölluðu um einstaka
mál. Hér verður drepið á það helsta.
Endurskipulagningin
S.l. haust kom fljótlega í ljós að tímasetning prófa á
öðru ári gekk ekki upp. Flytja varð prófið í
lífefnafræði, sem vera átti um jól, fram á vor. Voru
að vonum margir óhressir með þá niðurstöðu, einkum
þó kennarar. Nú í haust var tímum á haustönn fækk-
að til að reyna að láta dæmið ganga upp. Þriðja árið
hófst síðan í haust og vill svo gleðilega til að búið er
að breyta uppröðun fyrirlestra í lyfjafræði til að auka
samfellu og það sem meira er, LAUGARDAGS-
TÍMARNIR ERU ÚR SÖGUNNI !!!
Nú er undirbúningur fyrir klínísku árin á fullu. Unnið
er að skipulagningu vísindaverkefnis á 4ða ári og
hefur BS-nefndin verið fengin til að aðstoða við það.
Þar eygjum við möguleika á að nýta okkur prógrömm
í öðrum löndum, en til þess að það geti gerst verðum
við stúdentar örugglega að vinna talsvert í því sjálfir.
Það má annars um endurskipulagninguna segja að
hún tekur alltof mikinn tíma kennslustjóra og
kennslunefndar, tíma sem annars mætti nota til að
beina huganum að öðrum verkefnum sem vissulega
hvíla á nefndinni.
Kennslukannanir
I vor tókst loks að ljúka frágangi og úrvinnslu á
“kennslukönnuninni” okkar. Niðurstöður hennar ættu
nú að vera aðgengilegar fyrir læknanema og aðra þá
LÆKNANEMINN 1 1990 43. árg.
95