Bændablaðið - 05.10.2023, Side 30

30 Bændablaðið | Fimmtudagur 5. október 2023
LÍF&STARF
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Fiskiprótein fyrir konur
– Heimsmeistarar í Crossfit í frumkvöðlastarfi
Matvælasjóður hefur úthlutað
þremur milljónum í styrk til
rannsókna og framleiðslu á
próteini úr íslenskum fiski sem
verður sérstaklega markaðssett
fyrir konur.
Gísli Ragnar Guðmundsson
er styrkþeginn en með honum að
verkefninu standa tvær af fremstu
íþróttakonum Íslands, Katrín
Tanja Davíðsdóttir og Annie
Mist Þórisdóttir, sem hvor um
sig er tvöfaldur heimsmeistari í
Crossfit og hafa því hlotið titilinn
„fittest on earth“.
Vörumerkið dóttir
Gísli, sem er iðnaðarverkfræðingur
að mennt, hefur áður starfað með
Katrínu Tönju og Annie Mist undir
vörumerkinu dóttir við hönnun og
framleiðslu á heyrnartólum sem hlaut
mjög góðar viðtökur. „Við Katrín
kynntumst í Verzlunarskólanum
fyrir tæpum 10 árum en þar vorum
við bekkjarfélagar. Þær höfðu svo
samband við mig nokkru seinna
og fengu mig til liðs við sig til að
vinna að vörumerkinu dóttir sem er
í þeirra eigu. Vörumerkið settu þær á
laggirnar fyrir nokkrum árum en þær
hafa verið að velta fyrir sér hvernig
þær geti látið gott af sér leiða og
þróað sinn feril eftir að keppni lýkur,
líkt og margir íþróttamenn gera,“
segir Gísli.
Katrín Tanja og Annie Mist eru
miklar fyrirmyndir, bæði innan vallar
sem utan, og eru talskonur heilbrigðs
lífsstíls. Þær njóta vinsælda á
samfélagsmiðlum og hafa hvor um
sig 1–2 milljónir fylgjenda. Í starfi
sínu sem íþróttakonur í fremstu röð á
heimsvísu hafa þær í gegnum tíðina
átt í samstarfi við ýmis fyrirtæki
sem snúa að heilbrigðum lífsstíl
og þar á meðal við fyrirtæki sem
framleiða ýmiss konar vítamín og
fæðubótarefni.
Þær hafa því töluverða reynslu af
notkun fæðubótarefna og ávinningi
þeirra ásamt því að hafa ákveðna
skoðun á slíkum vörum. Þessa
þekkingu vilja þær nýta til að setja á
markað prótein og kollagen unnið úr
íslenskum fiski sem hugsað verður
sérstaklega fyrir konur.
Markaðssett fyrir konur
Gísli segir að þær rannsóknir
sem hafa verið gerðar varðandi
fæðubótarefnið prótein, inntöku
og áhrifa þess, séu fáar miðaðar að
konum en konur eru síður nýttar
til rannsókna vegna tíðahringsins
sem hefur mögulega áhrif á
niðurstöðurnar. Hugmynd þeirra
sé að framleiða og markaðssetja
prótein sem ætlað er konum, en henti
þó öllum, og með því móti stuðla
að bættum lífsgæðum kvenna og
heilbrigðari lífsstíl þeirra. Þau hafa
sérstaklega verið að skoða áhrif
próteininntöku á breytingaskeiði
kvenna og hvernig það geti mögulega
auðveldað þessar breytingar.
Þau eru í samstarfi við
nýsjálenska vísindakonu, dr. Stacy
Sims, sem vakið hefur athygli fyrir
rannsóknir sínar á kynjamun á
þjálfun og næringu yfir ævina.
Varan á rannsóknarstigi
Gísli segir að flest það prótein sem er
á markaði í dag sé svokallað „whey“
prótein sem er unnið úr mjólkurvörum.
Þau vildu hins vegar vinna prótein og
kollagen úr fiski sem fellur til og er
ekki nýttur og stuðla þannig að sem
bestri nýtingu hráefnisins. Þau hafa
átt samtal við framleiðslufyrirtækið
FoodSmart Nordic, sem staðsett er á
Blönduósi, með rannsóknarvinnuna.
„Verkefnið okkar er á rannsóknarstigi
í dag. Eins og staðan er í dag þá er
framleiðslukostnaður of hár en með
ákveðinni stærðarhagkvæmni má
ná kostnaði niður. Við erum því að
kanna það hvort framleiðendur í
Bandaríkjunum, sem Annie og Katrín
hafa verið í samstarfi við áður, séu
tilbúnir að koma að framleiðslunni
með okkur.“ Gísli segir að lokum
að hann sé spenntur fyrir framhaldi
verkefnisins og vonar að línur fari að
skýrast fljótlega varðandi framleiðslu
svo hægt verði að halda áfram með
vinnslu verkefnisins.
/þag
Styrkþegarnir Gísli Ragnar Guðmundsson, Annie Mist Þórisdóttir og Katrín
Tanja Davíðsdóttir. Mynd / Aðsend
Íslendingar á heims meistara-
móti smalahunda
Á Norður-Írlandi var haldið
heimsmeistaramót alþjóðlegra
samtaka smalahunda á dögunum.
(e. International sheep dog society)
Tveir Íslendingar ásamt smala-
hundum sínum tóku þátt, en heims-
meistaratitillinn féll í skaut Norð-
manna að þessu sinni.
Í heildina tóku 240 hundar þátt
sem komu frá 30 mismunandi
löndum og til að halda mótið þurfti
1.200 kindur sem nýttar voru til
smalamennskunnar.
Fyrir hönd SFÍ fóru Elísabet
Gunnarsdóttir með hundinn Ripley
og Maríus Halldórsson með hundinn
Rosa. Elísabet og Ripley enduðu í
24. sæti en Maríus og Rosi í 30. sæti.
Það var svo Norðmaðurinn Petter
Landfald með hundinn Max sem
landaði heimsmeistaratitlinum eftir
mjög fagmannlega útfært rennsli.
Fyrstu tvo dagana er keppt í sex 40
manna riðlum en efstu keppendur
hvers riðils halda áfram í undanúrslit
og að lokum standa eftir 16 keppendur
sem taka þátt í úrslitum.
Þegar komið er í úrslit verða
verkefnin töluvert erfiðari. Í
tilkynningu frá Smalahundafélagi
Íslands (SFÍ) er greint frá því að
hundarnir byrja á að sækja einn hóp
af tíu kindum og færa á ákveðinn
stað í brautinni. Því næst þurfa þeir
að snúa frá þeim hópi og sækja annan
hóp kinda sem staðsettur er annars
staðar í brautinni. Sameina þarf
kindahópana og reka eftir beinni línu
á svokölluðum þríhyrningi í gegnum
hlið og skiptihring. Þegar því er lokið
þarf að flokka frá 15 kindur sem ekki
eru með hálsól.
Þetta allt þarf að framkvæma á
undir 30 mínútum. /þag
Elísabet Gunnarsdóttir með hundinn Ripley endaði í 24. sæti og Maríus
Halldórsson með hundinn Rosa endaði í 30. sæti á heimsmeistaramóti
smalahunda þar sem 240 keppendur tóku þátt. Mynd / Aðsend - SÍF
Í Brákarey í Borgarfirði er hand-
verks sláturhús sem slátrar sauðfé
og stór gripum árið um kring.
Eiríkur Blöndal stjórnar-
formaður segir haustin ekki vera
sama álagspunkt og í hefðbundnum
sláturhúsum. Að jafnaði er
slátrað vikulega, en Eiríkur segir
sláturdagana vera tvo í hverri viku
núna á haustin.
Á þessum árstíma sé helsta
breytingin sú að meira sé slátrað af
fullorðnu fé, en utan hefðbundins
sláturtíma sé aðallega slátrað
gimbrum.
Mikil nýsköpun
Núna sé þar að auki meira um að
slátrað sé fyrir þá bændur sem
taka lambakjöt til heimanota eða
til frekari vinnslu og sölu beint frá
býli. Brákarey býður bændum upp á
að verka kjötið eftir þeirra óskum og
segir Eiríkur þar mikla fjölbreytni og
nýsköpun. Allir viðskiptavinirnir láti
kjötið hanga.
Hann segir ágætt verð fást fyrir
ferskt kjöt, en markaðinn ekki stóran.
Mikill áhugi sé meðal fagmanna í
veitingageiranum að versla þeirra
vörur, því þó þær séu dýrari þá sé
þetta af bestu gæðum.
Ólíkt því sem venjan er, þá hefur
kjötið sem Brákarey selur veitinga-
húsum aldrei verið fryst.
Eiríkur segir kjötið ekki fást í
hefðbundnum matvöruverslunum.
Önnur sérstaða sláturhússins er
sú að það er með lífræna vottun. Þar
sé því hægt að slátra nautgripum
frá þeim kúabúum sem eru hluti af
Biobú. Þar sem hafi orðið bakslag í
lífrænni vottun sauðfjárræktarinnar
séu vannýtt tækifæri á því sviði.
Eiríkur segir umsvif sláturhússins
hafa aukist hægt og rólega. Nú
sé um hundrað gimbrum slátrað
mánaðarlega utan venjulegs
sláturtíma og er fjöldi starfsmanna
á bilinu sex til átta.
Úrgangsmál óljós
Með breytingum á lögum um förgun
lífræns úrgangs segir Eiríkur mjög
óljóst hvernig hlutirnir eigi að
verða og hvort ríki eða sveitarfélög
eigi að sjá um framkvæmdina.
Enginn móttökuaðili geti tekið við
úrganginum og reiknar hann með
að fleiri sláturhús glími við sama
vanda. Því sem á annað borð sé hent
sé enn urðað.
Brákarey hafi nýlega fengið styrk
til verkefnis sem miðar að því að
minnka losun úrgangs. „Við erum
að vinna mikið við að nota sem mest
af aukaafurðunum, þannig að við
hirðum mjög margt og erum komin
með góða samstarfsaðila í því.“
/ÁL
Brákarey:
Sauðfjárslátrun allt árið