Bændablaðið - 05.10.2023, Qupperneq 37

37Bændablaðið | Fimmtudagur 5. október 2023
Nýlega úthlutaði fagráð í
hrossarækt tveimur verkefnum
styrk úr Stofnverndarsjóði
íslenska hestsins.
Þau verkefni sem hlutu styrk
að þessu sinni voru annars vegar á
vegum Háskólans á Hólum og hins
vegar á vegum Matís.
Háskólinn á Hólum hlaut styrk
fyrir verkefni sem ber heitið
„Líkamsþungahlutfall milli knapa og
hesta á Heimsmeistaramóti íslenska
hestsins og tengsl við árangur,
heilbrigði og endingu“. Matís hlaut
styrk fyrir verkefni sem ber heitið
„Framþróun erfðagreininga í þágu
íslenska hestakynsins“.
Mikilvægi rannsókna
Í tilkynningu frá fagráði í hrossarækt
segir að rannsókn Háskólans á
Hólum sé sérstaklega mikilvæg
í ljósi umræðu um svokallaða
„Samfélagssátt um notkun íslenska
hestsins“ (e. Social licence to
operate)”. Í því samhengi er vitnað
til smæðar íslenska hestsins (þyngd
og hæð á herðar) og þess hvort nota
eigi hann til reiðar. Einnig er greint
frá því að rannsókn á vegum Matís
sé mikilvæg varðandi framþróun
erfðamats á íslenskum hrossum.
Hlutverk stofnverndarsjóðs
er að veita styrki til þróunar- og
rannsóknarverkefna í hrossarækt.
Í reglugerð sjóðsins er kveðið á
um að verkefnin skulu stuðla að
viðhaldi verðmætra eiginleika í
íslenska hrossastofninum, verndun
erfðafjölbreytileika stofnsins og/
eða auka þekkingu á stofninum
og útbreiðslu hans. Við stofnun
sjóðsins var upphaflegt hlutverk
hans, samkvæmt eldri reglugerðum
sem nú eru fallnar úr gildi, að
veita lán og styrki til kaupa á
sérstökum úrvalskynbótagripum
ef sannað þykir að þeir verði
fluttir úr landi að öðrum kosti.
Gripir sem gætu haft úrslitaáhrif
á erfðabreytileika í stofninum s.s.
litafjölbreytni, eða byggju yfir
einstæðu kynbótagildi í þeim
eiginleikum sem prýða íslenskan
hest. Einnig var heimilt að veita úr
sjóðnum fé til þróunarverkefna í
hrossarækt.
Úthlutunarfé 7 milljónir
Nanna Jónsdóttir, formaður
búgreinadeildar hrossaræktar (áður
Félag hrossabænda) fer einnig með
formennsku í fagráði í hrossarækt.
Aðspurð segir hún að umsóknir í
sjóðinn séu árlega um 4–8 talsins,
yfirleitt sé veitt úr sjóðnum árlega
en undanfarin ár hefur þó verið
úthlutað tvisvar á ári.
Mikilvægt rannsóknarstarf
Nanna telur það afar mikilvægt
að efla rannsóknastarf tengt
íslenska hestinum og leitast stofn-
verndarsjóður eftir því að styrkja
áhugaverðar og akademískar rann-
sóknir sem auka þekkingu og
skilning. „Viðfangsefni rann-
sóknanna geta verið á breiðu sviði,
t.d. tengst byggingu hestsins, fóðrun,
reiðmennsku eða líkt og nú var
styrkt, líkamsþungahlutfall milli
knapa og hesta.“
Stofnverndarsjóður fær fjármagn
til úthlutunar út frá fjölda hrossa
sem flutt eru erlendis árinu áður en
ákveðið gjald er innheimt fyrir hvern
útfluttan hest. Í ár er úthlutunarfé
sjóðsins 7 milljónir.
„Fyrir tveimur árum var
úthlutunarfé sjóðsins 12 milljónir
en þá heimilaði ráðuneytið að
gengið yrði á höfuðstól sjóðsins
tímabundið, sem hefur hingað til
ekki verið leyfilegt. Því var mun
meira fé til úthlutunar þá en er nú.
Úthlutunarfé hvers árs fer eftir
fjölda útfluttra hrossa frá fyrra
ári. Við höfum verið í samtali við
ráðuneytið um aukna aðkomu þess
að sjóðnum til að styrkja tekjustofn
hans. Með aukinni aðkomu
ráðuneytis er hægt að tryggja að
sjóðurinn viðhaldi sér og styðja
þannig enn betur við áhugaverðar
og mikilvægar rannsóknir í þágu
íslenska hestsins,“ segir Nanna að
lokum. /ÞAG
Nanna Jónsdóttir. Mynd / Aðsend
Stofn verndarsjóður
veitir styrki Helluhraun 4, Hafnarfirði
sími 565 2727 & 892 7502
www.rag.is
TILBOÐSVERÐ
4.900.000,-
Við auglýsum svo
sannarlega ekki “verð frá”.
VIÐ AUGLÝSUM
ALDREI
„VERÐ FRÁ“
SERES 3
Luxury Rafmagnsbíllinn
býður upp á ríkulegan
staðalbúnað og frágang
í hæsta gæðaflokki!
Tangarhöfða 1 - 110 Reykjavík - 551-5464
www.wendel.is - wendel@wendel.is
HILLTIP
VETRARBÚNAÐUR
____________________
SNJÓTENNUR, FJÖLPLÓGAR,
SALT - OG SANDDREIFARAR
FRÉTTIR