Torfhildur - 01.04.2007, Síða 69

Viðtal viðAndra Snæ Magnason
er svo tæpt. Eins og þegar tekið er viðtal við mig í fréttnnum og ég
vil segja einhvern mikilvægan punkt þá fæ ég það ekki því hann er
lengri en tvær mínútur. Mig langar að segja meira en má bara segja
einn punkt. Ef maður ætlaði að læra bókmenntafræði með tveggja
mínútna innslögum þá mundi maður aldrei læra neitt.
Erujafnvel einhver endalok í gangi?
Það dynur kannski á einhver heimsendaósk. Eins og hjá Nýhil. Það
er svo merkilegt. Á toppi efnahagslegrar velgengni eru ljóðin frá
þeim svo svört. Fólk er að skera sig, drepa sig og láta nauðga sér
í húsasundum. Annað hvert ljóð er með brundi. Ég er ekki búinn
að orðtaka það alveg. Óttar Norðtjörð er með mikinn heimsenda-
húmor og myrka nálgun á allt saman. Að vissu leyti finnst mér það
vera þvingun hjá þeim. Eins og FM er með „hress“ þvingun þá hefur
mér fúndist Nýhil vera með myrka þvingun. Lógóið þeirra verður
eiginlega hjálmur. Ef þú ætlar að ganga inn í þennan heim verður þú
að standa í samkeppni í töffaraskap. Að sumu leyti hefur mér ekki
fundist þetta nógu einlægt myrkur. Mér finnst þetta vera einlægt hjá
Steinari Braga. Aðrir hafa kannski verið að reyna þetta en ekki tekist
það.
Nútíðin ogjramtíðin
HvaðJinnst þér um samtímabókmenntir?
Við erum að fara í gegnum glæpabylgjuna. Einnig er þjóðsögu- j
element í gangi sem kom inn í skáldsöguna eins og hjá Einari Má
og Gyrði og höfundum eins og Böðvari Guðmundssyni og Þórarni
Eldjárn þar sem þjóðsögum og goðafræði er fléttað inn í smásögur
og skáldsögur. Vigdís Grímsdóttir er líka inni í þessari bylgju. Svo
kom Mikki Torfa með „dirty“ hreyfingu, meiri kúk og ofbeldi. Það
eru einhver kynslóðaskipti að verða í bókmenntum. Eins og Einar
Már (Guðmundsson) og Steinunn (Sigurðardóttir), þau eru kannski
búin að toppa að vissu leyti. Maður veit þó aldrei, eins og Thor hélt
bara áfram að toppa. Þau eru að minnsta kosti að nálgast seinni
hluta ferils síns og ný kynslóð er að koma fram. Nýhil kynslóðin