Goðasteinn - 01.09.2001, Blaðsíða 230

Suðurlandsskjálftar árið 2000
Goðasteinn 2001
„Það er verið að vinna í þeim málum
núna og við erum bjartsýnir.“
Vörur eins og hráviði um allt gólf
„Ég get nú ekki sagt að það hafi
orðið mikið tjón hér í versluninni við
Landvegamót“, sagði Pálína Kristins-
dóttir, verslunarstjóri. „En það var
gríðarlega mikil vinna að taka til. Hér
hrundi mest allt úr hillum og margar
umbúðir úr gleri, plasti og ýmiss konar
dósir sprungu eða brotnuðu. Alls kyns
vökvar láku um allt og undir allt og
margar aðrar vörur ónýttust vegna
þessa. Ég veit ekki hvað við skúruðum
Þó cið margt liti illa út viðfyrstu sýn, gat
það reynst óskemmt, eins og þetta sjón-
varp sem var á hillu í 2 ja metra hœð í
bensínafgreiðslunni á Landvegamótum í
Holtum. Þaðfór í gang eins og ekkert
hefði í skorist. Ljósm.: Jón Þórðarson.
mörgum sinnum og það var erfitt að
verka óþrifnaðinn. I bensínafgreiðsl-
unni sprungu margir olíubrúsar og
smurtúpur og það var ótrúlega mikið
verk, seinlegt og óþrifalegt, að koma
öllu í samt horf.“
Þó að vörur og lausamunir hafi oltið
út á gólf var tjónið ekki eins mikið og
ætla mátti við fyrstu sýn, til dæmis
vakti það athygli að sjónvarp sem stóð
á hillu í 2ja metra hæð féll niður og
lenti langt úti á gólfi en það reyndist
vera heilt og fór í gang eins og ekkert
hefði gerst þegar kveikt var á því.
„Fjárhagslegt tjón var ekki mikið,
við fengum vörurnar og lausamunina
sem skemmdust bættar, enda trygging-
ar allar í góðu lagi og það virðist sem
húsið sjálft hafi staðist skjálftana nokk-
uð vel“, sagði Pálína. „Gólfin skemmd-
ust að vísu nokkuð í skjálftanum hinn
21. júní. Þetta er gamalt hús og við
segjum stundum í gamni að það sé eins
og húsið hafi hrist sig og sest svo í
sömu skorður á ný. Ég er þó á því að
húsið sé allt miklu lausara í sér og ég
finn öðruvísi fyrir titringi hér innan-
dyra þegar stórir flutningabílar fara hjá.
Það er ekki vegna þess að ég hræðist
annan skjálfta, ég finn ekki fyrir slíkri
hræðslu, en húsið titrar meira en áður
þegar stórir bflar eru á ferð.“
Pálína var ekki í versluninni þegar
skjálftarnir riðu yfir. „Ég átti frí þennan
dag og var stödd í Seljavallalaug ásamt
vinafólki. Við áttuðum okkur strax á
því að þetta væri skjálfti og fylgdumst
með og horfðum í kringum okkur. Raf-
magnið datt út þarna og útvarpið í bíln-
228-