Skógræktarritið - 15.05.1999, Side 6

HULDA VALTÝSDÓTTIR
Á tímamótum
100 ára afmæli skipulagðrar
skógræktar á íslandi eru vissu-
lega merk tímamót fyrir alla sem
láta sig varða gróðureflingu og
endurheimt íslenskra skóga og
þá er vel við hæfi að minnast
frumkvöðlanna meðal okkar-
þeirra sem fyrst hófust handa
Prof. Prytz og C.E.FIensborg á ferð frá
Akureyri til Þingvalla 1903.
Ljósm.: C.E.Flensborg. 1903.
við tilraunastörf af veikum mætti
með litla kunnáttu að baki og
nær enga reynslu en voru þvf
heitari f anda - voru í raun að
ryðja brautina fyrir nýja skap-
andi hugsun f vitund þjóðar-
innar.
Þeir stóðu frammi fyrir skiln-
ingsskorti, þekkingarleysi og
örbirgð sem hér rfkti.
í kjölfari þeirra komu þeir sem
höfðu tök á að afla sér fræðslu og
menntunar eins og hún gerðist
best á hverjum tíma í nágranna-
löndum okkar. Þeirtóku foryst-
una og gerðust brautryðjendur
um skógrækt hér heima, tóku
fagnandi sér við hönd alla þá
áhugamenn um skógræktarstörf
sem vildu leggja fram sitt lið. Og
skömmu eftir síðustu aldamót
voru sett fyrstu skógræktarlögin á
fslandi. Á næstu áratugum tókst
brautryðjendunum að hefja á loft

4
SKÓGRÆKTARRITIÐ 1999
vaxandi trú á ræktunarstörfum og
nýjum íslenskum skógum.
Baráttan fyrir skógræktarhug-
sjóninni tengdist mjög sjálfstæð-
isbaráttu þjóðarinnar en hún stóð
sem hæst á þessum fyrstu árum
skógræktar hér á landi og hún
setur á vissan hátt svip sinn á
baráttuna fyrir endurheimt skóga
enn í dag. Enn er hún mjög tengd
ást íslendinga á landi og þjóð.
f fótspor brautryðjendanna
komu margir valinkunnir rækt-
unarmenn sem tóku að sér foryst-
una - menn sem áttu traust og
trúnað og töluðu máli skógarins í
fjölbreyttum myndum og þess
gagns sem af honum mátti hafa.
Oft var á brattann að sækja,
eins og oft vill verða þegar nýjar
hugsanir og hugmyndir eru á
ferðinni. Stundum gekk vel og
skógrækt óx ásmegin - stundum
komu tímabil sem lítið ávannst.
En alltaf þokaðist áleiðis.
Ein meginorsök þess að
stöðugt miðaði í rétta átt hefur
eflaust verið hve samstaða var
sterk og byggði á heilbrigðum
grunni meðal þeirra sem höfðu
tekið skógræktarhugsjónina upp
á arma sína og heillast af sam-
eiginlegri framtíðarsýn.
Við viljum minnast þeirra allra
sem lögðu hönd á plóginn þegar
á brattann var að sækja.
Nú er erfiðasti hjallinn að baki.
Skógræktarfólk siglir beitivind á
lygnum sjó nú þegar ný öld er á
næsta leiti.
Okkar er að halda uppi þeim
háleitu hugsjónum sem við feng-
um í arf frá þeim sem gengnir
eru. Þeirvoru með lífsstarfi sínu
að búa f haginn fyrir okkur og
komandi kynslóðir. Við eigum að
setja okkur háleit markmið - laga
skógræktarstörfin að nútímaleg-
um kröfum - svara kalli tímans
og vanda verkin af alúð eins og
fyrirrennarar okkar gerðu. Þá
opnast nýir möguleikar fyrir land
og þjóð með blóm í haga og
stæltan skógargróður handa
okkur.
SKÓGRÆKTARRiTlÐ 1999
5