Morgunblaðið - 30.01.1982, Blaðsíða 22

22
MORGUNBLAÐIÐ, LAUGARDAGUR 30. JANÚAR 1982
í DAG hefjast í Reykjavík
svonefnd landshlutanámskeið
Æskulýðsstarfs þjóðkirkjunnar og
eru fyrirhugud alls 6 nántskeið
fyrir leiðtoga í kirkjulegu æsku-
lýðsstarfi víðs vegar um landið. Sr.
Agnes Sigurðardóttir æskulýðsfull-
trúi þjóðkirkjunnar og sam-
starfsmenn hennar, Oddur Al-
bertsson og Stína Gísladóttir sjá
um námskeiðin svo og Jón Helgi
Þórarinsson guðfræðinemi, sem
um þessar mundir er í hálfu starfi
hjá Æskulýðsstarfinu.
Fyrsta námskeiðið hefst í dag
kl. 10 f.h. og verður í Laugarnes-
kirkju. Verður þar fjallað um
hvernig reka skuli æskulýðsfélög
og rætt um spurninguna af
hverju erfitt sé að halda æsku-
lýðsfélögum lifandi heilan vetur. Hugsað og skrifað í hópvinnu á námskeiði hjá Æskulýðsstarfinu.
Æskulýðsstarf þjóðkirkjunnar:
Námskeið fyrir leiðbeinendur
í kirkjulegu æskulýðsstarfi
Er námskeiðið ætlað æskulýðs-
leiðtogum á höfuðborgarsvæð-
inu. Leiðbeinendur verða sr.
Agnes Sigurðardóttir og Oddur
Albertsson. Þátttakendur í nám-
skeiðinu munu á sunnudag taka
þátt í fjölskyldumessu í Laugar-
neskirkju.
Helgina 5. til 7. febrúar verður
námskeið fyrir æskulýðsleiðtoga
á Vesturlandi. Fer það fram í
Grundarfirði og verður þar fjall-
að um æskulýðsfélög og barna-
starf. Oddur Albertsson verður
leiðbeinandi.
Næst er námskeið fyrir Norð-
urland, 12. til 14. febrúar að
Löngumýri í Skagafirði. Um leið
fer fram umræðufundur Æsku-
lýðssambands kirkjunnar í
Hólastifti. Stína Gísladóttir og
Jón Helgi Þórarinsson eru leið-
beinendur.
Þá verður námskeið á ísafirði
dagana 22. til 25. febrúar og er
það ætlað Vestfirðingum. Fjalla
þar Jón Helgi Þórarinsson og
Stína Gísladóttir um barnastarf
og æskulýðsfélög. Námskeið
fyrir Suðurland verður haldið í
Skálholti 12. til 14. mars og
kennir þar Oddur Albertsson og
síðasta námskeiðið að sinni er
fyrir Austurland og fer það fram
að Eiðum. Dagsetning hefur ekki
verið ákveðin, en leiðbeinendur
verða sr. Agnes Sigurðardóttir
og Jón Helgi Þórarinsson.
Auk þessa námskeiðahalds
sagði sr. Agnes Sigurðardóttir
starfsmenn Æskulýðsstarfsins
taka um þessar mundir þátt í
ýmsum mótum fermingarbarna.
Þess má að lokum geta að
Hrefna Tynes, sem sl. tíu ár hef-
ur starfað á skrifstofu Æsku-
lýðsstarfs þjóðkirkjunnar, lét
nýlega af starfi sínu, þar sem
hún hefur annast afgreiðslu og
verið til ráðgjafar.
Akranes um helgina:
Sameiginlegt prófkjör
allra flokka hefst í dag
SAMEIGINLEGT prófkjör stjórn-
málaflokkanna á Akranesi vegna
vals á framboðslistana í bæjar-
stjórnarkosningunum í vor. Kosið
er í Iðnskólahúsinu við Skólabraut,
og er kjörstaður opinn milli klukk-
an 10 og 16 í dag, laugardag, og á
sama tíma á morgun. Kosning fer
þannig fram, að kjósendur merkja
fyrst við þann stjórnmálaflokk er
þeir styðja, en síðan raða þeir
frambjóðendum í prófkjöri sama
flokks niður í númeraröð, á þann
hátt er kjósandinn vill að endan-
legur framboðslisti verði skipaður.
I framboði í prófkjöri Alþýðu-
flokksins eru þessi: Arnfríður
Valdimarsdóttir, Eva Hákonar-
dóttir, Guðmundur Páll Jónsson,
Guðmundur Vésteinsson, Hauk-
ur Ármannsson, Rannveig Edda
Hálfdánardóttir, Ríkharður
Jónsson, Sigurjón Hannesson og
Svala ívarsdóttir.
Hjá Framsóknarflokki eru eft-
irtalin í framboði: Andrés
Ólafsson, Bent Jónsson, Björn
Kjartansson, Guðrún Jóhanns-
dóttir, Ingibjörg Pálmadóttir,
Jón Sveinsson, Stefán Lárus
Pálsson, Steinunn Sigurðardóttir
og Þorsteinn Ragnarsson.
Frambjóðendur í prófkjöri
sjálfstæðismanna eru: Benedikt
Jónmundsson, Guðjón Guð-
mundsson, Guðjón Þórðarson,
Guðrún L. Víkingsdóttir, Hörður
Pálsson, Ragnheiður Ólafsdóttir,
Rún Elva Oddsdóttir, Valdimar
Indriðason og Þórður Björgvins-
son.
Hjá Alþýðubandalagi eru eft-
irtalin í framboði: Engilbert
Guðmundsson, Einar Skúlason,
Guðlaug Birgisdóttir, Guðlaugur
Ketilsson, Hannes Hjartarson,
Hulda Óskarsdóttir, Jóhann Ár-
sælsson, Jóna Kr. Ólafsdóttir og
Ragnheiður Þorgrímsdóttir.
„Nýtt Fresca“
kemur á
markaðinn
„VIÐ erum að koma með nýjan
Fresca-drykk á markaðinn einhvern
næstu daga og er það ástæðan fyrir
því, að erfitt er að fá gamla Fresca-
drykkinn í verslunum lengur,“ sagði
Pétur Björnsson forstjóri Vífilfells í
samtali við Morgunblaðið í gær.
„Þessi nýi drykkur, sem við köll-
um „Nýtt Fresca" er með öðru og
betra bragði en sá gamli og kemur
hann á markað í fjölmörgum lönd-
um á næstunni á vegum Coca
Cola. Ástæðan fyrir því að við
komum nú með þennan drykk á
markað er meðal annars sú, að á
íslandi er nú búið að banna sakk-
arín í gosdrykkjaframleiðslu
nema þá í svo litlum mæli, að ekki
er hægt að nota það. í nýja drykk-
inn verður notað syklomat," sagði
Pétur.
INNLENT,
L. Á
Alþýðubandalagið:
Forvali í Reykja-
vík lýkur í kvöld
FORVAL Alþýðubandalagsins í
Reykjavík vegna vals frambjóðenda á
lista flokksins við borgarstjórnar-
kosningarnar í vor fer fram nú um
helgina, kosið var í gær og kosningu
lýkur í kvöld. Kosið er á skrifstofu
flokksins að Grettisgötu 3, og er kjör
staður opinn milli klukkan 10 og 23 í
dag.
I framboði eru 25 manns. At-
kvæðisrétt hafa allir flokksbundnir
alþýðubandalagsmenn búsettir í
Reykjavík. Unnt er að ganga í
flokkinn í dag og kjósa síðan. Kosn-
ing fer þannig fram að kjósendur
raða frambjóðendum í númeraröð,
frá einum upp í tíu, eftir því hvar
þeir vilja að frambjóðendur verði á
endanlegum framboðslista.
Prófpredikun
í DAG, laugardag, klukkan 13.30,
fer fram í Kapellu Háskólans
prófpredikun. Það er Önundur
Björnsson, guðfræðingur, sem
hana flytur. Afhöfnin er öllum
opin.
06 ré<K KO&MYNÓlNfl Ví<m fe
VtíJSTWI fl f
úrvflRP/no í wiWvÖlV'
Grafíkmyndir í Listmunahúsinu
LISTMUNAHÚSIÐ Lækjargötu 2,
Reykjavík, hefur tekið að sér að
selja hér á landi eftirprentanir gerð-
ar hjá forlagi Politiken í Kaup-
mannahöfn og myndlistarverkum
kunnra danskra, grænlenskra, fær
eyskra og fleiri listamanna.
Myndir þessar kosta hver um
sig 100 krónur. Allmargar mynd-
anna eru þegar uppseldar hjá for-
laginu, en í Listmunahúsinu má
nú sjá um það bil 40 myndir úr
þessari myndröð.
„Frábið mér kveðj-
ur af þessu tagi“
segir Vilhjálmur Hjálmarsson vegna bréfs
dagskrárgerðarmanna umlélegan tækjabúnað
„ÉG VIL taka það fram, að ég frábið
mér kveðjur af þessu tagi og ég veit
ekki til, að ég sem formaður útvarps-
ráðs, hafi gefið tilefni til að starfs-
menn sendi mér tóninn í blöðum, í
stað þess að óska eftir viðtali, eða
senda bréf beint,“ sagði Vilhjálmur
Hjálmarsson formaður Útvarpsráðs,
þegar Morgunblaðið spurði hann álits
á bréfi átta dagskrárgerðarmanna
sjónvarps, þar sem veist er meðal
annars að Herði Frímannssyni yfir
verkfræðingi stofnunarinnar.
„Nú er svo komið tækjamálum
sjónvarpsins að öll dagskrárgerð
fer úr böndum bæði hvað snertir
vinnu- og fjárhagsáætlanir vegna
sífelldra bilana í myndavélum og
öðrum upptökubúnaði. Auk þess
ríkir alger ringulreið og stefnuleysi
í innkaupum á nýjum tækjum og er
ekkert samráð haft við dagskrár-
gerðarmenn. Sífelldar bilanir sem
þýða tafir bæði hjá tæknifólki,
dagskrárgerðarmönnum og flytj-
endum, eru að verða einn stærsti
kostnaðarliðurinn í dagskrárgerð-
inni. Við lýsum yfir fullri ábyrgð
vegna þessa ástands á hendur yfir-
verkfræðingi sjónvarpsins, Herði
Frímannssyni.
Astand tækjamála sjónvarpsins
hefur aldrei verið verra en nú og
stendur stofnunin verr tæknilega í
dag en áður en litvæðing hófst.
Ef fram fer sem horfir verður
ógerlegt að halda áfram dagskrár-
gerð í upptökusa! islenzka sjón-
varpsins," segir í bréfinu.
Vilhjálmur Hjálmarsson sagði
ennfremur þegar Morgunblaðið
ræddi við hann, að sér fyndist ákaf-
lega ósmekklegt, að þeir sem að
bréfinu standi skuli skella allri
skuldinni á einn af starfsmönnun-
um. Hörður Frimannsson væri ekki
einn í ráðum og hvað þá að hann
hefði úr ótakmörkuðu fé að spila,
samanber hinn mikla rekstrarhalla
sem verið hefði á Ríkisútvarpinu
undanfarin ár.
„Það er staðið undarlega að þessu
bréfi, því er dreift til blaða á föstu-
degi, en viðkomandi eins og sá mað-
ur sem á er ráðist, veit ekkert fyrr
en blaðamaður hringir í hann. Út-
varpsráð fékk til dæmis bréfið eftir
dúk og disk,“ sagði Pétur Guð-
finnsson þegar Morgunblaðið ræddi
við hann.
„í fyrsta lagi er ekki minnst á
hina raunverulegu orsök þessa
vanda, sem er fjárhagslegs eðlis og
ekki verður Herði Frímannssyni
kennt um það. Þá er það svo, að
minna fé hefur farið til tækjakaupa
en við vonuðum, dreifikerfið hefur
verið fjárfrekt og einnig dagskrár-
gerðin.
í öðru lagi er það svo, að tækja-
kaup eru ekkert einkamál Harðar
Frímannssonar. Við erum með sér-
staka tækjakaupanefnd, sem ákveð-
ur kaupin í stórum dráttum. Því tel
ég að veist hafi verið að einum
starfsmanna sjónvarpsins á óvið-
urkvæmilegan hátt,“ sagði Pétur.
Pétur sagði, að á þessu ári hefði
sjónvarpið 6 milljónir króna til
tækjakaupa og tækjakaupanefndin
hefði komið saman til fundar síð-
astliðinn mánudag, til að fjalla um
þessi mál. Þá væru ætlaðar 2 millj-
ónir króna að auki vegna tengingar
við jarðstöðina, þannig að sjónvarp-
ið væri í betra sambandi við
„Skyggni". Á síðastliðnu ári hafði
sjónvarpið 5 milljónir króna til
tækjakaupa.
„Frjálst sjónvarp44
sýnt í Laugarásbíói
Laugarásbíó frumsýnir í dag, laug-
ardag, myndina „Funny America“, á
íslensku nefnd Frjálst sjónvarp. Segir
í kynningu kvikmyndahússins að hér
sé um að ræða gamanmynd, háðska
ádeilu á bandarískt sjónvarp og hvað
gerst gæti ef ekkert eftirlit væri með
því.
Óþekktir aðilar ná valdi á stórri
sjónvarpsstöð og senda út hvers
kyns sjónvarpsefni, kryddað
ofbeldi, kynlífi, kynþáttamisrétti og
efni andstæðu trúarbrögðum. For-
setinn kallar saman fund og eru
ýmsir ásakaðir fyrir að hafa tekið
stöðina, en fleira verður ekki rakið
hér.
rt’ix i? n i (••!«»• noej'í'i