Morgunblaðið - 01.08.1986, Blaðsíða 41
MORGUNBLAÐIÐ, FÖSTUDAGUR 1. ÁGÚST 1986
41
skyldi samt breytt í sigur, sársauk-
anum og skelfingunni umbreytt í
fegurð og takmarkalausan kær-
leika, sem Sigríður Þóra var full-
vissuð um að myndi útmá
landamæri lífs og dauða því „anda
sem unnast fær aldregi eilífð að
skilið".
Smæð mín og fleiri sem við
sjúkrabeðinn stóðu í Landspítalan-
um óx í öfugu hlutfalli við æðruleysi
og andlega stærð móðurinnar, sem
sat daga og nætur yfir veiku bam-
inu og linaði þjár.ingar þess eftir
mætti, bæði andlegar og líkamleg-
ar. Hún bjó bamið undir dauðann
með þeim hætti að einstakt hlýtur
að teljast. Hún hafði sjálf fengið
að kynnast þjáningunni á unga aldri
og nú ummyndaði hún foreldra-
missi sinn og sína djúpu reynslu í
blessun fyrir bamið sitt. Og Hörður
kom með þekkingu sína og sitt létta
viðmót og öryggi og virtist geta
létt þungann. Saman var haldið í
gegnum dimmuna hönd í hönd, tal-
að um umskiptin, sem verða myndu,
og allir nærstaddir búnir undir þau
af þeim undraverða styrkleika, sem
ég held að sá einn eigi yfir að ráða
sem býr yfir trúarlegri fullvissu og
gengið hefur í gegnum þungar
raunir og sigrast á þeim án beiskju
og biturleika.
Og náð guðs mátti svo sannar-
lega greina við sjúkrabeðinn hennar
Sigríðar Þóru. Þegar ég síðast kom
að honum og kvaddi hana 17. júní
sl. var eins og ég væri að ganga inn
í helgidóm, inn að altari. Kristur
lofaði okkur aldrei þjáningarlausu
lífi en hann lofaði okkur að vera
okkur nálægur á hveiju sem gengi
og sagði „minn frið gef ég yður“.
Það leyndi sér ekki að hann hafði
gefið henni sinn frið og verið henni
nálægur því að lokum huggaði hún
sjálf þá sem nærstaddir vom. „Ekki
gráta," sagði hún við vinkonu okk-
ar, sem kom eins og ég þennan dag
til að kveðja hana.
Kæm Svanfríður og Hörður. Þið
hafið þegar sýnt öðmm að þrautir
og þjáningar geta eflt andleg verð-
mæti, dýpkað skilning, gefið nýtt
innsæi og innri styrk, sem allt leið-
ir af sér nýja lífssýn.
Megi hin nýja lífssýn gefa ykkur
og bömunum ykkar styrk til þess
að þið getið, þrátt fyrir allt, verið
glöð á meðan þið lifið.
Ég veit að á mínum efsta degi
bíður mín útspmngin rós í varpa,
fegurðardís í fullum skrúða, og tek-
ur á móti mér eins og við töluðum
um og segir mér að við eigum líka
að vera glöð þótt við séum dáin.
Stefanía V. Stefánsdóttir
Birting afmælis-
og minningargreina
Morgunblaðið tekur afmælis- og minningargreinar til birtmg-
ar endurgjaldslaust. Tekið er við greinum & ritstjóm blaðsins
á 2. hæð í Aðalstræti 6, Reykjavík og á skrifstofu blaðsins í
Hafnarstræti 85, Akureyri.
Athygli skal á því vakin, að
greinar verða að berast með góð-
um fýrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
í minningargreinum skal hinn
látni ekki ávarpaður. Ekki em
tekin til birtingar fmmort ljóð um
hinn látna. Leyfilegt er að birta
Ijóð eftir þekkt skáld, 1—3 erindi
og skal þá höfundar getið. Sama
gildir ef sálmur er birtur. Megin-
regla er sú, að minningargreinar
birtist undir fullu nafni höfundar.
Við birtingu afmælisgreina
gildir sú regla, að aðeins em birtar
greinar um fólk sem er 70 ára
eða eldra. Hins vegar em birtar
afmælisfréttir með mynd í dagbók
um fólk sem er 50 ára eða eldra.
Mikil áhersla er á það lögð að
handrit séu vel frá gengin, vélrit-
uð og með góðu línubili.
Efnilegir Greifar
Hljomplötur
Sigurður Sverrisson
Greifarnir — Blátt blóð
Frami Greifanna frá Húsavík
hefur verið mikill og skjótur og
virðist hafa komið þeim sjálfum
álíka mikið á óvart og flestum
öðmm. En þrátt fyrir ungan aldur
hafa strákamir sent frá sér fjög-
urra laga plötu af hveijum tvö
hafa mikið verið leikin í útvarpi.
Þau em líka mun betri helmingur-
inn af plötunni. í rauninni hefði
Greifunum alveg nægt að gefa
út tveggja laga plötu því þrátt
fyrir ágætis tilþrif skortir sveitina
auðheyrilega þroska til þess að
geta farið inn í hljóðver og komið
út með góða plötu. Allténd em
þeir þó með eigið „sánd“, búa
yfir hæfileikum og hafa kímni-
gáfu. Það ætti að fleyta þeim
langt ef þeir halda saman.
Makalaus dúett
Eurythmics — Revenge
Óhætt er að segja að Euryth-
mics-dúettinn sé hreint ótrúlegur.
Hann hefur á undanfömum ámm
sent frá sér skotheldar plötur og
nú er enn ein slík komin frá þeim
Dave Stewart og Annie Lennox.
Við fyrstu heym taldi ég eigi
færri en 5 lög á þessari plötu sem
náð gætu langt á vinsældalistum.
Tvö hafa þegar gert það gott,
When tomorrow comes og Mis-
sionary man og önnur virðast
líkleg til afreka. í tónlist Euryth-
mics koma fram allir helstu kostir
dægurtónlistar nútímans: góð lög,
frábær söngur, meistaralegar út-
setningar og tæknivinna á
heimsmælikvarða. Útkoman get-
ur aldrei orðið annað en skotheld.
Stjörnugjöf: ☆☆☆☆
Góður Gabríel
Peter Gabriel — So
Á sama tíma og fyrmm félagi
hans í Genesis, Phil Collins, hefur
baðað sig í frægðinni á undan-
fömum ámm hefur fremur verið
hljótt um Peter Gabriel, hinn óum-
deilanlega fmmkvöðul Genesis.
Vissulega hefur hann sent frá sér
plötur með reglulegu millibili en
þær hafa ekki náð viðlíka hylli
og plötur Collins eða hinar popp-
uðu plötur Genesis.
Á So fetar Gabriel að vissu leyti
í fótspor fyrrum starfsfélaga
sinna og _ „poppar“ tónlist sína
talsvert. Útkoman er m.a. stór-
smellurinn Sledgehammer. Og
þegar öllu er á botninn hvolft má
finna harla margt sameiginlegt
með nýútkominni plötu Genesis,
Invisible touch, og So. Söngurinn
er afar líkur, spilamennskan
sömuleiðis, meira að segja áhersl-
ur keimlíkar en það er heldur
meira lagt í útsetningar hjá Gabri-
el auk þess sem plata hans er
með heldur rólegra yfírbragði.
Engu að síður nauðalíkt á köflum.
En Gabriel hefur vinninginn finnst
mér og er hér með hörkugóða
plötu í pokahorninu. Stjömugjöf:
☆ ☆ ☆ ☆
Þar kom að því
Big Country - The seer
Allt frá fyrstu plötu Big
Country kepptust gagnrýnendur
við að lofa þessa skosku sveit í
hástert en þrátt fyrir ágæt tilþrif
á frumburðinum sem og Steel-
town, sem á eftir fylgdi, fannst
mér vanta meiri heildarsvip á verk
fjórmenninganna. Hann er kom-
inn hér á The seer og útkoman
er fantagóð skífa.
Tónlist Big Country er kröftug,
einföld og byggir á t.d. mjög
sterkum trommuhljómi svo og
sérstökum söng Stuart Adamson.
Á The seer er að finna mörg góð
lög, Look away hefur þegar sleg-
ið í gegn en önnur á borð við I
walk the hill, Remembrance day,
Teacher, þar sem gítarsándið
minnir á Shadows, og The sailor.
Sumsé, hörkugripur. Stjömu-
gjöf: ☆ ☆ ☆ ☆
Þjóðráð Sveins Hauks-
sonar bregðast ekki
Hljómplötur
ÁrniJohnsen
Alíslensk þjóðráð Sveins
Haukssonar er skemmtileg plata
og vel unnin. Sveinn Hauksson
hefur góðan stfl í lagasmíð sinni
og nær breidd í útsetningum, ljóð-
rænum útsetningum þar sem hin
ýmsu hljóðfæri njóta sín vel í sam-
býli með öðru. Lög Sveins eru
falleg og hlýleg. Fyrsta lag plöt-
unnar, til dæmis, I huga mér, er
einkar hugljúft lag og skemmti-
lega útsett í einfaldleika sínum.
Það er svolítill bóleró í því,
hrífandi taktur og melódía.
Adam og Eva er frábærlega
vel sungið lag hjá Kristrúnu Sig-
urðardóttur og þar sem hún
tvísyngur má segja að hún syngi
einstaklega skemmtilega með
sjálfri sér. Lagið er hörkugott lag.
Þá má nefna Appelsínugulan
borgarstarfsmann sem er eins
konar vísnalag en textinn fellur
ekki nógu vel að laginu, eða öfugt
eftir því hvemig á það er litið,
en lagið er skemmtilega útsett.
Þá er lagið Aldrei, nett lag en
nokkuð fjarrænn spjalltónn í text-
anum. Flamengo er hins vegar
skemmtilegt tónverk hjá Sveini
Haukssyni og fagurlega útsett,
enda blómstra hæfileikar flytj-
enda eins og blómabreiða á vori.
Það er syngjandi gleði í þessu
verki Sveins og lagið gefur plöt-
unni aukið gildi.
í heild er Alíslenskt þjóðráð
plata sem augljóst er að höfðar
til margra, því hún er smíðuð upp
úr eðlilegum jarðvegi, engum
sóðáskap, engum hávaða eða
öskrum, hún rímar á móti lífsgleð-
inni sjálfri þótt sumir textamir
séu eilítið háfleygir, en lögin em
styrkur plötunnar og mjög góður
flutningur. Einn galli er á plötu-
umslagi eins og reyndar er æði
oft á plötuumslögum. Gallinn er
sá að hafa ekki nöfn fólks undir
myndum, því þess ber að gæta
að flestir sem koma til með að
kaupa plötuna þekkja ekki hver
er hvað á myndunum og myndim-
ar eiga að vera fyrir aðra en þá
sem em á þeim, a.m.k. líka. Þetta
er þó smámál, en það þarf að
hugsa allt til enda, ekki aðeins
endinn á ágætum lögum þessarar
hljómplötu Sveins Haukssonar.
Ferðablaðið LAND - Ómissandi ferðafélaqi!
unið að taka eintakið ykkar af LANDI með í ferða-
lagið, þessa mestu ferðahelgi ársins.
Ferðablaðið Land geymir fróðleik um allar sveitir og byggðalög
landsins, ítarlega úttekt á allri ferðamannaþjónustu utan höfuðborg-
arsvæðisins og yfir 70 áhugaverðar greinar um Island og Islendinga.
Póstþjónustan og einkaaðilar dreifðu blaðinu inn á hvert heim-
ili á liðnu vori. Fyrir þá sem ekki hafa ennþá fengið eintak, liggur blað-
ið frammi hjá Markaðsútgáfunni. Ármúla 19, sími 687868 og á
Umferðarmiðstöðinni, BSI. Þeir sem þess óska geta fengið blaðið
sent.
Að gefnu tilefni vill Markaðsútgáfan koma á framfæri leiðréttingum á tveimur símanúmerum sem misprentuðust
í Landi.
Símanúmer Sumarhótelsins á Flúðum í Hrunamannahreppi er 99-6630.
Símanúmer Hótel Snæfells á Seyðisfirði er 97-2460.
GÓÐA FERD!
MARKAÐSUTGAFAN
Ármúla 19
Sími 687868