Morgunblaðið - 31.01.1992, Blaðsíða 20

20
MORGUNBLAÐIÐ FÖSTUDAGUR 31. JANÚAR 1992
-T
Morgunblaðið/Emilía
Frá fundi bæjarstjórnar Hafnarfjarðar í gær. Frá vinstri: Magnús Gunnarsson, Þorgils Óttar Mathiesen, Ellert Borgar Þorvaldsson, Jóhann
G. Bergþórsson, Magnús Jón Árnason, Gunnar Rafn Sigurbjðrnsson bæjarritari, Jóna Ósk Guðjónsdóttir, Guðmundur Árni Stefánsson,
Ingvar Viktorsson, Árni Hjörleifsson og Valgerður Guðmundsdóttir.
Samanburður óhagstæðari
sé tekjuskatturinn tekinn út
- segir Jóhann G. Bergþórsson oddviti Sjálfstæðisflokksins í
bæjarstjóm Hafnarfjarðar um rök bæjarsljóra vegna gagnrýni ASI
JÓHANN G. Bergþórsson, oddviti Sjálfstæðisflokks í bæjarstjórn Hafn-
arfjarðar, segir meirihluta Alþýðuflokks í bæjarstjórninni beija hðfð-
inu við stein og neita að horfast í augu við staðreyndir þegar hann
reyni að sverja af sér gagnrýni ASÍ á skattbyrðar í bænum. Hann
segir að rök bæjarstjóra, um að samanburður á gjöldum sveitarfélag-
anna sé ósanngjarn þar sem tekjuskattur sé tekinn með, falli um sig
sjálf þar sem samanburðurinn sé þvert á móti óhagstæðari þegar tekju-
skatturinn haFi verið dreginn út. Allharðar umræður urðu í bæjar-
s^jórn Hafnarfjarðar í gær um bréf sem ASÍ sendi Guðmundi Árna
Stefánssyni, bæjarstjóra, þar sem fram kemur að greiðslur meðalfjöl-
skyldu í fasteignagjöld, telguskatt og útsvar á árinu 1992 séu hæstar
í Hafnarfirði af bæjarfélögunum á höfuðborgarsvæðinu.
Þáttur þreytu
og syfju í um-
ferðarslysum
rannsakaður
RANNSÓKNARSTOFA geð-
deildar Landspítalans og Um-
ferðarráð hafa ákveðið að rann-
saka þátt þreytu og syfju í
umferðarslysum. Leitað verður
til allra þeirra, sem lent hafa í
umferðarslysum við að aka út
af vegi á tímabilinu 1. janúar
1989 til 31. desember 1991, til
að taka þátt í rannsókninni.
Rannsóknin felst í því að þátt-
takendum er sendur spurningalisti
um helstu ástæður óeðlilegrar
syfju, um heilsufar og fieira. Upp-
lýsingar um umferðarslysin eru
fengnar úr lögregluskýrslum sem
Umferðarráð hefur skráð. Tölvu-
nefnd hefur héimilað rannsóknina
svo og dómsmálaráðuneytið um
aðgang að lögregluskýrslum.
Til þess að marktækar niður-
stöður fáist úr rannsókninni verð-
ur einnig leitað samtímis til
samanburðarhóps sem valinn
verður af handahófi úr þjóðskrá.
í fréttatilkynningu um rann-
sóknina segir m.a. að ein af ástæð-
um umferðarslysa sé talin vera
þreyta og syfja bílstjóra. Lítið sé
þó vitað um heildaráhrif syfju á
umferðarslys þar sem rannsóknir
hafi hingað til einskorðast við
sjúklingahópa. Ef í ljós kæmi að
svokallaður kæfisvefn, svefnvand-
amál sem einkennist af öndunar-
hléum í svefni, háværum hrotum
og dagsyfju, skipti verulegu máli
í umferðarslysum mætti hugsan-
lega draga úr tíðni slíkra slysa í
framtíðinni.
Jafnframt segir í fréttabréfi að
farið verði með allar upplýsingar
sem trúnaðarmál og fyrirhugað
sé að bjóða þeim, sem hafa ein-
kenni syfjusjúkdóma, til frekari
rannsóknar kæri þeir sig um.
--------------
Sundlaug Kópavogs:
9,1% hækkun
á gjaldskrá
BÆJARRÁÐ Kópavogs hefur
samþykkt beiðni íþróttafulitrúa
um 9,1% hækkun á gjaldskrá
Sundlaugar Kópavogs.
Hækkunin er til samræmis við
gjaldskrár sundlauga í nágranna-
sveitarfélögum. Einstakur miði full-
orðinna hækkar úr 110 krónum í
120 krónur. Einstakur miði barna
hækkar úr 50 krónum í 60 krónur.
30 miða afsláttarkort fyrir fullorðna
hækkar úr 2.500 krónum í 2.700
krónur og 10 miða kort fullorðinna
hækkar _úr 1.000 krónum í 1.100
krónur. Árskort fullorðinna hækkar
úr 14.300 krónum í 16.000 krónur.
Guðmundur Árni Stefánsson, bæj-
arstjóri, sagði á fundinum að mikils
misskilnings gætti í útreikningum
ASÍ og rangt væri farið með tölur.
Tekjuskattur ríkisvaldsins sem væri
alls 'Ahlutar af útsvarinu væri all-
sendis óviðkomandi Hafnarfjarð-
arbæ og því villandi og rangt að
blanda þeim þætti inn í.
Hann sagði Hafnarljörð væri í
miðjunni hvað álögur sveitarfélag-
anna á höfuðborgarsvæðinu snerti.
í Garðabæ væru útsvar og fasteigna-
gjöld tæplega 1.000 krónum hærri
en í Hafnarfirði, í Kópavogi væri
samtalan rúmlega 1.000 lægri, í
Mosfellsbæ væri upphæðin 9.000
krónum hærri, á Seltjarnamesi
2.000 krónum hærri en í Reykjavík
væri þessi tala talsvert lægri.
Hafnarfjörður ekki svefnbær
Guðmundur Árni gagnrýndi að
miðað væri við Reykjavík og sagði
það fjarri öllu lagi að bera saman
tekjumöguleika Reykjavíkurborgar
og Hafnarfjarðar. Auk þess sagði
hann Garðabæ, Mosfellsbæ og Sel-
tjarnarnes vera sveitarfélög á allt
öðrum grundvelli en Hafnarfjörð þar
sem þar væri um mjög takmarkaða
þjónustu að ræða á ýmsum sviðum
sem íbúar sæktu til nágrannabyggð-
arlaga.
„Við Hafnfirðingar höfum haft til
þess metnað að standa fyrir veiga-
mikilli þjónustu við bæjarbúa og
vera sjálfum okkur nógir á flestum
sviðum. Við höfum aldrei verið og
verðum aldrei svefnbær frá höfuð-
borginni,“ sagði Guðmundur Árni.
23.600 króna gjaldaauki á
heimili á ári
Jóhann G. Bergþórsson vitnaði á
fundinum í viðbótarútreikninga ASÍ
þar sem tekjuskatturinn hafði verið
dreginn út. Þar sagði hann að fram
kæmi að meðalfjölskylda þyrfti að
greiða í fasteignaskatt og útsvar
200.888 krónur í stað 179.500 í
fyrra, sem næmi hækkun upp á rúm-
lega 21 þúsund og væri 13,5% hærra
en greitt væri í Reykjavík.
„Samanburðurinn verður þannig
óhagstæðari eftir að búið er að taka
tekjuskattinn út en hann er auðvitað
sá sami um allt land. Væri hann
ekki tekinn út væru gjöldin 8,1%
hærri en í Reykjavík," sagði Jóhann.
Hann sagði að hækkumn á útsvar-
inu leiddi til 106 milljón króna tekju-
auka hjá sveitarfélaginu. „Ef við
ályktum að það séu 4.500 heimili í
bænum þá eru þetta 23.600 krónur
á heimili. Með einhvetjum undarleg-
um reikningskúnstum fær bæjar-
stjórinn hins vegar út að þessi upp-
hæð sé 2.400 krónur,“ sagði Jóhann.
Ríkisvaldinu kennt um
Hann gagnrýndi bæjarstjórann
fyrir að varpa sífellt sökinni yfir á
aðra. í fyrra hefði bæjarstjórnar-
meirihlutinn ákveðið að Ieggja 5.000
króna skatt á íbúa vegna tilkomu
sorpeyðingarstöðvar. Bærinn hefði
hins vegar einungis greitt 9 milljón-
ir til Sorpu en bæjarbúar hefðu ver-
ið skattlagðir upp á 22,7 milljónir.
„í rökstuðningi bæjarstjóra nú
fyrir því að útsvarið ætti að hækka
ur 6,7% í 7,5% var sama upp á tem
ingnum, nema þá var ríkisvaldinu
kennt um en ekki Sorpu,“ sagði Jó-
hann.
Hann sagði að staðreyndin væri
sú að kostnaðaraukinn vegna auk-
innar álögu ríkisvaldsins væri í
hæsta lagi 47 milijónir en auk þess
væri gjald til Sorpu upp á 10 milljón-
ir. Gjaldaaukinn væri því í heild 57
milljónir en bæjarsjóður legði 106
milljónir á íbúa. í bónus hefðu síðan
komið 50 milljónir úr Jöfnunarsjóði
sveitarfélaga sem skerða myndu
framlag til annarra sveitarfélaga
sem verr væru stödd.
Bærinn með 100 milljónir í plús
Magnús Jón Árnason, bæjarfull-
trúi Alþýðubandalags, sagðist telja
röksemdina sem Alþýðuflokkurinn
beitti fyrir útsvai-shækkuninni
furðulega. Hann sagðist draga í efa
að skattbyrði Hafnarfjarðarbæjar
vegna álögu ríkisvaldsins yrði hærri
en 50 milljónir. Meirihluti bæjar-
stjórnar ætlaði hins vegar að hækka
útsvar um 11,9% sem gefa myndi
106 milljónir og þar við myndi bæt-
ast 50 milljónir úr Jöfnunarsjóði. I
heild væri bæjarsjóður því kominn
með 100 milljónir í plús.
„Bæjarstjóri treystir á að almenn-
ingur kunni ekki að reikna. Hann
leggur að jöfnu 11% lækkun á fast-
eignagjöldum og 11,9% hækkun á
útsvari. Þarna eru prósentur hins
vegar reiknaðar af mismunandi
gjaldstofni og tölur hallast á,“ sagði
Magnús Jón.
---- ♦ ♦ ♦----
101 kandídat
brautskráð-
ur á Há-
skólahátíð
HÁSKÓLAHÁTÍÐ verður haldin
í Háskólabíói laugardaginn 1.
febrúar 1992 kl. 14.00 og fer þar
fram brautskráning kandídata.
Athöfnin hefst með því að Aðal-
heiður Eggertsdóttir píanóleikari,
Edda Kristjánsdóttir flautuleikari
og Þórhildur Halla Jónsdóttir selló-
leikari Ieika. Háskólarektor, Svein-
björn Björnsson, ávarpar kandídata
og síðan afhenda deildarforsetar
prófskírteini. Félagsstofnun stúd-
enta afhendir nú í fyrsta sinn kandí-
dat styrk fyrir vel leyst og áhuga-
vert lokaverkefni. Stúdentum frá
Eystrasaltsríkjunum sem stunda nú
nám í Háskóla íslands er sérstak-
lega boðið til Háskólahátíðar. Að
lokum syngur Háskólakórinn nokk-
ur lög undir stjórn Ferenc Utassy.
Að þessu sinni verður braut-
skráður 101 kandídat og skiptast
þeir þannig:
Guðfræðideild. Embættispróf í
guðfræði 2. Læknadeild. Náms-
braut í hjúkrunarfræði. BS-próf
í hjúkrunarfræði 1. Námsbraut í
sjúkraþjálfun. BS-próf í sjúkra-
þjálfun 1. Lagadeild. Embættis-
próf í lögfræði 11. Heimspeki-
deild. BA-próf í heimspekideild 25.
Cand.mag.-próf 2. M. Paed.-próf
2. Bacc.philol.ísl.-próf. 1. B.Ph.Isl.-
próf (íslenska fyrir erlenda stúd-
enta) 1. Viðskipta- og hagfræði-
deild. Kandídatspróf í viðskipta-
fræði 16. Verkfræðideild. Loka-
próf í rafmagnsverkfræði 1-
Félagsvísindadeild. BA-próf í
félagsvísindadeild 24. ( Raun-
vísindadeild. BS-próf í raun-
vísindadeild 15.
Sveinn Björnsson
sýnir í Hafnarborg
Myndirnar málaðar við Sálma á
atómöld eftir Matthías Johannessen
SVEINN Björnsson listmálari opnar á morgun, laugardag, sýningu
á 65 myndum unnum með pastel- og olíukrít í Menningar- og lista-
stofnun Hafnarfjarðar, Hafnarborg. Myndirnar eru málaðar við
ljóð Matthíasar Johannessen í Sálmum á atómöld. Þær eru allar
unnar á síðasta ári.
„Þannig var að ég fór til Skot-
lands í maí í fyrra og hafði þá
þessa bók með mér, nýju útgáfuna
af Sálmum á atómöld," sagði
Sveinn í samtali við Morgunblað-
ið. „Ég fór nú til að spila golf en
ég las bókina og teiknaði flestall-
ar myndirnar í þessari ferð. Ég
gat bara ekki hætt. Þegar ég kom
heim fór ég í tíu daga til Akur-
eyrar og setti lit í myndirnar. Ég
lauk þeim svo Öllum síðastliðið
sumar. Þær létu mig ekki í friði,
ég varð að klára þetta.“
Sveinn sagði að trú og anda-
gift í Ijóðum Matthíasar hefði
haft áhrif á sig til að mála. „Ég
nota andagiftina úr ljóðunum og
Morgunblaðið/Ámi Sæberg
Sveinn Björnsson við nokkur verk á sýningu sinni.
nokkrar setningar úr þeim, sem
ég skrifa sjálfur inn í myndirnar,"
sagði Sveinn. „Ég held að þetta
hafi ekki verið gert áður; að mála
svona við heila ljóðabók. Þetta var
skemmtilegt og mér fannst ég fá
hvíld frá olíumálverkinu, sem ég
hef fengizt mest við.“
Sýningin verður opnuð kl. 14 á
morgun. Hún stendu- fram til 15.
febrúar og er opin frá kl. 12 til
kl. 18 alla daga nema þriðjudaga.
Allar myndirnar á sýningunni eru
til sölu.