Morgunblaðið - 31.01.1992, Blaðsíða 23

MORGUNBLAÐIÐ FÖSTUDAGUR 31. JANÚAR 1992
23
Haughey segir af
sér í næstu viku
Reuter
Charles Haughey, forsætisráðherra Irlands, kom til vinnu sinnar í
stjórnarráðinu í Dyflinni í gær en í næstu viku ætlar hann að segja
af sér embætti.
Irland:
Olöglegar símahleranir fyrir áratug
urðu forsætisráðherranum að falli
Dyflinni. Reuter.
CHARLES Haughey, forsætisráðherra Irlands, sem farið hefur með
aðalhlutverkið í stjórnmálum landsins í meira en áratug, ætlar að
segja af sér embætti í næstu viku. Það voru upplýsingar um ólögleg-
ar símahleranir fyrir 10 árum, sem urðu honum að falli.
„Mér er mest í mun, að forsætis-
ráðhérraskiptin fari fram með
skikkanlegum og virðulegum
hætti,“ sagði Haughey að loknum
tilfmningaþrungnum fundi með
þingmönnum stjórnarflokksins,
Fianna Fail, en samstarfsflokkur-
inn, Framfarasinnaði demókrata-
flokkurinn, sem er klofningsflokkur
úr Fianna Fail, hafði hótað að draga
sig út úr stjórninni segði Haughey
ekki af sér þegar fjárlagafrumvarp-
ið hefði verið lagt fram. Það var
lagt fyrir þingið á miðvikudag.
Líklegastur eftirmáður Haug-
heys er Albert Reynolds, sem Haug-
hey veik úr stóli fjármálaráðherra
í nóvember fyrii' samblástur gegn
sér, en núverandi fjármálaráðherra,
Bertie Ahern, þykir einnig standa
vel að vígi eftir framlagningu fjár-
lagafrumvarpsins. Samkvæmt því
verður tekjuskattur lækkaður veru-
lega og ríkisútgjöldunum jafnframt
haldið í skefjum. Ahem, sem er
aðeins fertugur að aldri, hefur þó
ekki ákveðið enn að leita eftir for-
sætisráðherraembættinu.
Búist er við, að Haughey segi
af sér á fimmtudag í næstu viku
og verða 77 þingmenn Fianna Fail
að velja eftirmann hans innan
tveggja sólarhringa.
Danmörk:
I fjárbón vegna skaðabóta
Kaupmannahöfn. Frá fréttaritara Morgunbladsins, N.J.Hruun.
DANMARKS Havfiskeriforening, ein af samtökum danskra útgerð-
ar- og sjómanna, hafa leitað eftir fjárstyrk dönsku sjómannafélag-
anna við Norðursjó en samtökin hafa verið dæmd til að greiða Vulc-
anus-útgerðinni 32 millj. ÍSK. í bætur. Lofuðu samtök grænfriðunga
að leggja nokkurt fé af mörkum en hafa ekki staðið við það.
Skaðabótagreiðslan stafar af því,
að danskir sjómenn sigldu skipum
sínum að Vulcanus 2, sem var við
efnabrennslu á Norðursjó, og trufl-
uðu starfsemina með ýmsum hætti,
til dæmis með því að koma neti í
skrúfuna á Vulcanus 2. Gerðu þeir
þetta að áeggjan grænfriðunga,
sem komu þó hvergi nærri sjálfir.
Vulcanus-útgerðin kærði þessar
aðfarir og voru sjómennirnir dæmd-
ir til að greiða_ 32 milljónir kr. j
skaðabætur. Ákvað Danmarks
Havfiskeriforening að ábyrgjast
greiðsluna til að ekki yrði'gert lög-
tak í einhveijum fískiskipanna. Þeg-
ar dómurinn hafði verið kveðinn upp
lýstu grænfriðungar yfir, að þeir
ætluðu að láta eitthvað af hendi
rakna en það er allt og sumt, sem
frá þeim hefur komið.
E
jr ekki kominn tími til að
skreppa suður og gera eitthvað
fyrir sjálfan sig. Kíkja í búðir,
fara í leikhús,koma við á krá
njóta skemmtunar á Hótel
Islandi og fullkomna ferðina
með dvöl á fyrsta flokks hóteli.
Láttu þetta eftir þér, þú átt það
skilið.
Pantanasími 688999.
Grænt símanúmer 996099
H Ó T E L
ÍSLAND
Ármúli 9, 108 Reykjavík.
3
ÚTSÖLUNNI
lýkur á morgun.
Allt að 70%af sláttur
HAGKAUP
s4i£t í cámc £end