Morgunblaðið - 31.01.1992, Blaðsíða 44

44
MORGUNBLAÐIÐ FÖSTUDAGUR 31. JANÚAR 1992

// Ec) veit hver hLóbþrýstingur þinn,
er ó hnncJLeggnum^ /"
En sú heppni. Þetta er ör sem Stattu ekki eins og nátttröll.
tilheyrir þjóðflokki sem talinn Sneiddu ofan af egginu maður!
var útdauður ...
HÖQNI HREKKVÍSI
Fáránlegt að skattleggja sparifé
Sú fáránlega hugmynd að
leggja skatt á sparifé landsmanna
virðist njóta vinsælda um þessar
mundir hjá stjómarandstöðunni
enda misvitrir stjómmálamenn þar
í forsvari. Allan vanda á að leysa
með því að taka fé sparifjáreig-
enda, sem þegar er búið að skatta,
og nota það til að rétta af ríkis-
sjóð. Þessir góðu menn gleyma því
að auðvitað munu sparifjáreigend-
ur taka út sitt sparifé og nota það
fyrir sjálfa sig ef skattlagning
kemur til og því yrði lítið sparifé
til að skattleggja þegar til kæmi.
Þetta er ósköp einfallt mál en virð-
ist þó ekki nógu einfalt til að allir
skilji.
Þegar fólk verður neytt til að
hætta að leggja fyrir verður hag
þjóðarinnar illa komið. Allt yrði
að fjármagna með erlendum lán-
um (enginn mun kaupa ríkis-
skuldabréf t.d. eftir að þau hafa-
verið skattlögð). Útlendingar sem
hingað lána fé hagnast vel á háum
vöxtum og ekki getum við
skattlagt þá. En þetta er víst skyn-
samlegt, að mati stjómarandstöð-
unnar. Það vantar bara óðaverð-
bólgu eins og var hér fyrir einum
áratug - þá yrðu vinstri menn
ánægðir. Þá töpuðu þeir sem voru
svo heimskir að reyna að spara
öllu sínu sparifé - en ekki minnist
ég þess að talað hafi verið um
skattaafslátt til að bæta þeim
skaðann.
Það eina sem skyggir á þessa
framtíðarsýn vinstri manna er að
nú era spariljáreigendur betur á
verði og ekki víst að eins auðvelt
verði að draga þá á asnaeyranum
og hirða af þeim spariféið. Umtal-
ið eitt um þessa nýju skattastefnu
er farið að skaða þjóðarbúið því
minni áhugi er á ríkisskuldabréf-
um en áður og mun sala þeirra
hafa dregist saman. Manni verður
líka hugsað til þess hvort ekki
borgi sig að losa sig við þessi bréf
fyrr en seinna, því ef þau verða
skattlög verða þau innleyst í svo
miklu magni að verðgildi þeirra
mun hrapa niður úr öllu valdi.
Þetta vita allir sem þekkja eðli
skuldabréfa en fólk hefur ekki
verið varað við þessari hættu.
Þvert á móti er haldið áfram að
auglýsa þessi bréf og lögð áhersla
á það í auglýsingunum að þau séu
skattfijáls.
Borgari
Þessir hringdu . .
Þátturinn verður
endurfluttur
Óskað var eftir því í Velvak-
anda miðvikudaginn 29. janúar
að þáttur Aðalstöðvarinnar ís-
lendingafélagið, sem tileinkaður
var 100 ára afmæli Ólafs Thors
og fluttur var 17. janúar, yrði
endurfluttur. Þátturinn var endur-
fluttur sunnudaginn 26. janúar
og hefur Aðalstöðin ákveðið að
fytja hann á ný kl. 22.10 sunnu-
daginn 2. febrúar.
Nagladekk valda mengun
Ragnheiður hringdi:
Vitað er að nagladekk skemma
götur og kostar gatnaviðhald af
þessum sökum mun meira en ella.
Nú hefur komið í ljós að naglarn-
ir valda auk þess mikilli mengun.
í einni snjóþyngstu borg í heimi,
Sapparó, hafa naglamir verið
bannaðir vegna mengunar. Fólk
áttar sig ekki á þessu enda hefur
ekkert verið fjallað um þetta hér
á landi.
Reykingar
Lesandi hringdi:
Það var ljót að sjá reykingasen-
una í Sjónvarpinu þegar þeir vora
að koma af fundi, Jón Baldvin
Hanníbalsson, Þorsteinn Pálsson
og Þórarinn V. Þórarinsson. Eg
tel að stjómmálamenn ættu ekki
að reykja á almannafæri og hafa
þennan ósið fyrir ungu fólki. Þá
skil ég ekki hvers vegna Sjónvarp-
ið vill ekki sýna mynd sem sýnd
hefur verið í skólum að undanf-
örnu og fjallar um skaðsemi reyk-
inga. Þessi mynd hefur verið sýnd
í skólum með góðum árangri. Ég
hélt að Sjónvarpinu væri skylt að
leggja sitt af mörkum í þessu efni.
Hringir
Tveir silfurhringir, annar með
svörtum steini en hinn bylgjóttur
í laginu, töpuðust við Hamraborg
eða Menntaskólan í Kópavogi
föstudaginn 17. Finnandi er vin-
samlegast beðinn að hringja í
síma 44832.
Vettlingar
Tapast hafa grænir
fingravettlingar, 25. janúar, á
Umferðarmiðstöðinni eða við Keil-
una í Öskjuhlíð. Finnandi er vin-
samlegast beðinn að hringja í
síma 34464.
Víkverji skrifar
A
Atímum bölmóðs og svartsýni í
þjóðfélaginu ætla háskóla-
menn að efna til atvinnumálaráð-
stefnu í Háskólabíói í dag með það
fyrir augum að vekja umræðu um
hvað framundan er í þjóðfélaginu
og þá sérstaklega meðal mennta-
manna. Að ráðstefnunni standa at-
vinnumálanefnd Stúdentaráðs,
Upplýsingaþjónusta Háskólans og
Kynningarnefnd HÍ. Ráðstefna
þessi er áreiðanlega þarft og tíma-
bært framtak, þar.sem nú ríkja þær
aðstæður í þjóðfélaginu að jafnvel
er farið að bera á atvinnuleysi með-
al háskólamenntaðs fólks. Ungt
fólk sem er að útskrifast úr háskól-
anum getur ekki lengur gengið að
því vísu að þess bíði trygg störf úti
í þjóðfélaginu og því ekki að undra
að uggur sé í mörgum háskólanem-
anum.
Frumkvæðið að ráðstefnunni er
ekki síst Jóns Erlendssonar, for-
stöðumanns Upplýsingaþjónustu
Háskólans. Hann hefur öðrum
fremur blásið á alla bölsýni og haft
á því óbilandi trú að með því að
virkja og tengja saman þekkinguna
innan háskólans og reynsluna, hug-
myndirnar og athafnaþrána úti í
þjóðfélaginu megi vinna sig út úr
öllum vanda á tiltölulega skömmum
tíma. Hann hefur á undanförnum
árum unnið af því af mikilli eljusemi
að byggja upp þekkingu og afla
sambanda og gagna á sviði atvinnu-
mála til að koma á fót upplýsinga-
miðstöð á þessu sviði. Hugmyndin
er að reka síðan á þessum granni
afkastamikið en ódýrt kerfi til að
aðstoða stúdenta jafnt sem ei'n-
staklinga í atvinnulífi við sívirkt
sjálfsnám um atvinnumál og sköpun
tækifæra á því sviði.
Víkveiji dagsins hefur átt þess
kost að fylgjast með. óbilandi eld-
móði Jóns í þessu efni og getur
ekki annað en dáðst að því hvemig
hann hefur yfirstigið öll tregðulög-
mál vantrúar og áhugaleysis.
Árangurinn er m.a. ráðstefnan í dag
og ijölskrúðugur hugmyndabanki
sem Jón hefur sjálfur af ýtni krafið
forsvarsmenn milli 30 og 40 fyrir-
tækja um, og ætlar stúdentum að
geta sótt í efni að náms- og loka-
verkefnum í háskólanum. Einhveij-
um kann að þykja nóg komið af
loftköstulum en Víkveiji getur ekki
að því gert að finnast þetta ólíkt
fijórra en loka sig af í fílabeinst-
urni fræðanna eins og sumir vilja
meina að sé ekki óþekkt vestur á
Melum.
XXX
ótt Víkveiji sé sanntrúaður
markaðssinni fínnst honum
undur og stórmerki að verða vitni
að því hvernig allt í einu verður til
markaður þar sem ekkert var fyrir
og sem lýtur sínum eigin lögmálum.
Málavextir: Meðal ungra stráka í
a.m.k. ákveðnum hverfum borgar-
innar hefur gripið um sig æði sem
lýsir sér í því að þeir safna í gríð
og erg myndum af leikmönnum í
NBA, úrvalsdeildinni bandarísku í
körfuknattleik. Verslanir sem hafa
þessar myndir á boðstólum hafa
vart undan að panta þær inn, og
enginn kann almennilega skýringu
á því hvernig þetta fyrirbæri er til
orðið. 1 sjálfu sér má segja að þessi
söfnunarárátta sé ekki mikið frá-
brugðin því þegar Víkveiji og hans
kynslóð safnaði leikaramyndum hér
í fyrndinni. Það var hins vegar fyr-
ir daga sjónvarps þegar 3-bíóin
voru og hétu, en hjá drengjunum
virðist ásóknin í körfuboltamynd-
irnar snöggt um meiri en áhuginn
á íþróttinni. Fróðlegast hefur þó
verið að fylgjast með því hvernig
markaður hefur myndast með
myndirnar og mismunandi gengi
orðið til á leikmönnum á afar lífleg-
um skiptimarkaði. Þannig fer Mich-
ael Jordan, sú frækna körfubolta-
hetja, á tíföldu gengi, þ.e.a.s. gefa
þarf tíu myndir af hinum minni
spámönnum bandarísks körfubolta
fyrir eina af kappanum Jordan.
Gengi „Magic" Johnsons, annars
frægs kappa, hefur hins vegar eðli-
lega fallið nokkuð stöðugt frá því
að hann tilkynnti um alnæmissmit
sitt. Á þessum sérstæða dverg-
markaði er engin opinber íhlutun
og þess vegna virka lögmálin.
xxx
Og enn í sama dúr. Nú má lesa
um það í útlendum blöðum
að markaðshyggja Rússa er jafnvel
farin að ganga fram af Vestur-
landabúum. í leiðara síðasta Ec-
onomist, breska vikuritsins, er verið
að fjalla um þann vanda sem Sam-
einuðu þjóðirnar standa frammi
fyrir við fjármögnun friðarsveita
sinna. Þar kemur fram að Rússar
hafa varpað fram þeirri tillögu að
fjölþjóðleg stórfyrirtæki sem hafa
hagsmuna að gæta á ófriðarsvæð-
um heimsins, verði fengin til að
kosta friðargæslusveitirnar sem
beri þá jafnframt fyrirtækjamerki
þeirra á búningunum. Þannig yrðu
friðargæslusveitirnar í Kúvæt
kyrfilega merktar í bak og fyrir
með Exxon, rétt eins og gerist nú
í íþróttunum.