Dagblaðið Vísir - DV - 23.11.1996, Blaðsíða 35

LAUGARDAGUR 23. NOVEMBER 1996
íþróttir
43
Kristján Arason og Viggó Sigurðsson gera það gott í þjálfarastörfum hjá þýsku félagsliðunum Wallau Massenheim og Wuppertal:
Frabært umhverfi
Það er óhætt að segja að íslenskir
handknattleiksmenn hafi gert inn-
reið í þýska handboltann í vetur.
Ekki færri en tíu íslendingar leika
með þýskum félagsliðum í þremur
deildum. íslenskir þjálfarar hafa
ekki látið sitt eftir liggja en tveir
menn héðan eru við þjálfarastörf,
Kristján Arason hjá 1. deildarliðinu
Wallau Massenheim og Viggó Sig-
urðsson hjá 2. deildarliðinu Wupp-
ertal. Það sem af er hefur þeim fé-
lögum vegnað vel og þegar þetta er
ritað er Massenheim í fjórða sæti í
1. deild og Wuppertal i öðru sæti
norðurriðils 2. deildar.
íslenskir handboltamenn hafa
iöngum sett svip sinn á þýskan
handbolta en nú virðist sem þjálfar-
ar ætli ekki að vera neinir eftirbát-
ar i þeim efnum. Jóhann Ingi Gunn-
arsson reið á vaðið á sínum tíma og
gerði frábæra hluti hjá Essen. Krist-
ján Arason þjálfaði Bayer Dor-
magen um tveggja ára skeið áður en
hann gerði tveggja ára þjálfara-
samning við Massenheim sl. sumar.
Viggó Sigurðsson hóf einnig störf
hjá Wuppertal á sl. hausti. Báðir
þekkja þeir þýskan handbolta vel af
veru sinni sem leikmenn. Hvemig
skyldi þeim félögum líka dvölin í
Þýskalandi og annað henni tengt?.
Kristján var fyrst fyrir svörum.
Áhugaverðara hjá
Massenheim hetdur en
Dormagen
„Ég leit á það sem visst ævintýri
þegar ég fór í byrjun að þjálfa i
Þýskalandi. Þetta átti ekki að vera
neitt framtíðarstarf. Eftir dvölina
hjá Bayer Dormagen vorum við
hjónin eiginlega ákveðin í því að
fara heim en síðan kom tilboð frá
Wallau Masenheim sem var miklu
áhugaverðara starf heldur en hjá
Dormagen þar sem ég vildi ekki
vera áfram. Það er miklu meiri
pressa samfara starfinu hjá Massen-
heim. Þar er stefnt að því að vera
ávallt í fremstu röð. Það var vitað í
byrjun að með ungt og nýtt lið yrði
þetta erfitt. Það reyndist líka rétt
þegar á hólminn kom. Okkur hefur
smám saman gengið betur og betur
en það hefur hins vegar komið ber-
lega í ljós að ekki má slaka á í eina
mínútu, einbeitingin verður alltaf
að vera til staðar. Eftir að við töpuð-
um einum leik á heimavelli sett-
umst við niður með stjórninni og
málin varu rædd niður í kjölinn.
Það var gagnleg umræða því síðan
hefur okkur gengið allt í haginn og
skriðið hægt og bítandi upp töfluna.
Annars likar okkur vel hér og and-
rúmsloftið í kringum félagið er frá-
bært,“ sagði Kristján Arason í
spjallinu við DV.
„Áhuginn á handbolta í kringum
Frankfurt og Wiesbaden er mikill
og það er virkilega gaman að vera
þátttakandi í þessu. Fjölmiðlar hafa
enn fremur vaknað til lífsins og um-
fjöllun þeirra, bæði í sjónvarpi og
dagblöðum, hefur aukist til muna.
Kristjáni Arasyni og lærisveinum hans í Massenheim
vegnar vel þessa dagana í 1. deildinni.
Viggó Sigurðsson segist mjög ánægður í Þýskalandi og
markmiðið sé að fara upp í 1. deild.
Ég sé álls ekki eftir þeirri ákvörðun
að lengja veru mina hér í Þýska-
landi og nýt mín mun betur hjá
Massenheim heldur en nokkurn
tíma hjá Dormagen," sagði Kristján.
- Hefur ekki þýskum hand-
bolta fleygt fram með tilkomu er-
lendra leikmanna?
„Á því er ekki nokkur vafi. Við
getum sagt að í hverri stöðu sé topp-
leikmaður. Flest liðin í 1. deild eru
með einn til tvo leikmenn sem hafa
leikið með heimsliði. Bosman-dóm-
urinn opnaði dymar fyrir marga og
meira fjármagn kom inn í deildina
frá stuðningsaðilum. Það var lögð á
það rík áhersla hjá liðunum að
sækja vinsæla leikmenn sem draga
að sér áhorfendur og fjölmiðla.
Þetta hefur líka gengið eftir, um-
fjöllunin er meiri og fjöldi áhorf-
enda á leikjunum hefur tekið stökk
upp á við. Þegar markaðurinn opn-
aðist voru spænsk og frönsk lið í
fjárhagskröggum og fyrir vikið gátu
þýsku liðin keypt þaðan toppleik-
menn. Flestir leikmenn úr röðum
heimsmeistara Frakka eru allir
komnir að hjá liðum hér.“
Markmiðið er að kom-
ast í Evrópukeppni
„Markmiðið hjá okkur verður að
komast í Evrópukeppni. Það verður
ekki auðvelt því boltinn hér hefur
sjaldan verið sterkari. Þýski hand-
boltinn hefur breyst mikið á undan-
fömum fimm árum. Það er miklu
meira keyrt á hraðaupphlaupum en
áður og fyrir vikið er skorað meira.
Handboltinn er bara miklu
skemmtilegri en hann var fyrir 5-7
árum. I þessu sambandi eru fjöl-
miðlar að vakna til lífsins og með
tilkomu fleiri sjónvarpsrása á hand-
boltinn eftir að njóta góðs af því.
Hann verður æ vinsælli í sjónvarpi
hér í Evrópu. Ég hef gagnrýnt IHF-
forystuna fyrir að hún hefur verið
sofandi fyrir því að selja handbolt-
ann. Ég gat sagt að í dag er hand-
boltinn orðinn vinsælli hér í Þýska-
landi en körfuboltinn. Þýskur hand-
bolti er kominn á þann stall sem
hann var hér fyrir 10-15 árum. Um-
hverfið allt er orðið miklu skemmti-
legra og ég hef gaman af að starfa í
því, hvað svo sem það verður lengi.
Endastöðin verður samt alltaf í
Hafnarfirði. Það er sterkt fyrir ís-
lenskan handbolta þegar íslenskum
þjálfurum er að vegna vel erlendis.
Jóhann Ingi reið á vaðið, síðan ég
og Viggó sem hefur verið að standa
sig mjög vel hjá Wuppertal. Þetta
opnar dyr fyrir þjálfara að heiman
sem hlýtur að vera jákvætt. Það er
góð auglýsing fyrir íslenskan hand-
bolta þegar þjálfarar eru sóttir upp
á hólmann,“ sagði Kristján Arason.
Viggó Sigurðsson, sem þjálfar 2.
deildarliðið Wuppertal, sagðist vera
í alla staði mjög ánægður með ver-
una í Þýskalandi og liðið væri enn
fremur að leika vel og væri núna
komið í efsía sætið.
„Ég fór utan í júlí en þá hófst
undirbúningur fyrir tímabilið. Síð-
an þá er liðið búið að leika um 30
leiki og vinna alla nema tvo svo ég
get ekki annað en verið ánægður.
Okkur tókst að komast í efsta sætið
eftir að helstu keppinautar okkar,
Bad Schwartau töpuðu, en á sama
tíma unnum við stórt og tókum
efsta sætið á markahlutfalli. Barátt-
an verður feikilega hörð í vetur en
aðeins ellefu leikir eru að baki. Við
höfum unnið tíu þeirra en tapað
einum og það fyrir einmitt Bad
Schwartau. Það er engin spurning
að stefnan hefur verið tekið á 1.
deildina og liðið ætti að hafa alla
burði til þess,“ sagði Viggó.
„Leikmennirnir Ólafur Stefáns-
son, Dagur Sigurðsson og Dimitri
Filippov, sem komu með mér að
heiman, hafa verið að leika sérlega
vel. Filippov hefur átt hvern
stjörnuleikinn af öðrum. Hjá Wupp-
ertal er um atvinnumennsku að
ræða. Liðið æfir tvisvar á dag tvo
daga í viku en hina dagana látum
við okkur nægja að æfa einu sinni.
Hérna er allt til alls og maður hugs-
ar ekki um neitt nema handbolta.
Liðinu er skapað gott umhverfi til
aæflnga og keppni þannig að þetta
getur varla betra verið. Væntingar
voru miklar fyrir tímabilið og hefur
liðið staðið undir þeim, að minnsta
kosti enn sem komið er. í kjölfar
góðs árangurs er áhuginn hér í
borginni töluverður. Liðið var í
raun óskrifað blað, nýir leikmenn
voru komnir og allir vissu að það
tæki ákveðinn tíma að slípa hlutina.
Það er gífurleg lukka með ganginn
fram að þessu og vonandi verður
bara framhald á því. Það verður að
segjast að það hlýtur að vera
draumur hvers þjálfara að komast í
svona umhverfi og vinna við slíkar
aðstæður sem liðinu eru boðnar. Á
sama tíma eru svo gerðar miklar
kröfur til leikmanna og liösins í
heild. Það er heldur ekki lítið atriði
að fjölskyldunni líkar feikilega vel
hér og börnin eru ánægði í
skólanum. Þau fóru i þýskunám í
byrjun og það hefur allt saman
gengið vel,“ sagði Viggó.
Stuðningsaðilar ánægðir
„íþróttir í Þýskalandi eru i há-
vegum hafðar. Þær fá mikið pláss í
fjölmiðlum og kannski jafnvel meiri
en þegar ég lék með Bayer
Leverkusen. Umfjöllunin frá 1.
deildinni hefur liklega aldrei verið
meiri og þar er metnaðurinn settur
á oddinn. Liðin eru öll með þetta 3-5
útlendinga innan sinna raða. í
sambandi við útlendinga hér þá féll
í vikunni dómur varðandi ís-
hokkímann í tenglsum við Bosman-
málið svokallaða. Liðið vildi meina
að sá úrskurður næði ekki inn í ís-
hokkí og þyrfti því ekki að greiða
fyrir hann ef hann væri samnings-
laus. Dómurinn féll þannig að ekki
þyrfti að greiða fyrir hann og það
gilti um allar íþróttagreinar í
Þýskalandi. Það er eins og menn
heima átti sig ekki á þessu, að það
er ólöglegt að krefja félögin um
greiðslu."
Viggó sagði að það hefði verið til-
finningalega séð erfitt fyrir suma
þegar liðin tvö í Wuppertal samein-
uðust í eitt fyrir tímabilið. Samein-
ingin er ekki alveg gengin um garð
enn þá. Stuðningsaðilar lögðu á það
þunga áherslu að liðin gengju í eina
sæng, annars hættu þau að styrkja
þau. Þeir sem lagt hafa í þetta pen-
inga eru í skýjunum með útkomuna
í dag.
„Það eru feikilega sterkir aðilar
sem standa að félaginu og ég er
bjartsýnn á framhaldið. Það eru
uppi áform um að styrkja liðið enn
frekar fyrir næsta vetur og skiptir
þá engu hvort liðið fer upp eða ekki.
Það eru 18 lið í deildinni og aðeins
eitt fer beint upp,“ sagði Víggó.
-JKS

Nú getur þú sjáíf(ur) komið á námskeið
og búið til hinar heimsþekktu
postulínsbrúður frá Seeley’s.
Sjón er sögu ríkari
& f§t Brúðugerð ÖNNU MARÍU Sími 587 9595
Steinullarbíllinn auglýsir
Einangrum öll hús, ný sem gömul, meö steinull
frá Sauöárkróki.
Ullinni er blásið á sinn staö hvort sem er
í holrúm, útveggi, þök, innveggi (hljóðeinangrun) eöa
ofan á loftplötur.
Getum komist að stöðum sem erfitt er aö komast aö.
Ókeypis skoðun - Gerum tilboð
JÓN ÞÓRÐARSON
Sími 587-9194, bílas. 853-3892, fax 587-9164