Morgunblaðið - 19.08.2004, Síða 25

DAGLEGT LÍF
MORGUNBLAÐIÐ FIMMTUDAGUR 19. ÁGÚST 2004 25
Útsölustaðirnir CHANEL eru:
Clara Kringlunni
Hygea Kringlunni
Hygea Laugavegi
Hygea Smáralind
Snyrtivöruverslunin Glæsibæ
Nýju haust-
og vetrarlitirnir
eru komnir
í verslanir
EINHVERS staðar úti í hinum
stóra heimi sitja menn sveittir við að
finna upp alls konar hluti, sem hægt
er að selja þeim sem haldnir eru
ólæknandi græjudellu. Af nógu er að
taka, en fyrir þá sýktu er kjörið að
skoða heimasíðu The Sharper
Image. Þar er allt frá róbótum til
rafknúinna ruggustóla.
Þar er líka að finna ýmis tæki og
tól, sem létta mönnum lífið og gera
tómstundir á sumrin skemmtilegri.
Þeir sem stunda sjóböð gætu til
dæmis notað litla sæhreyfilinn, sem
dregur sundkappa áfram. Græjan sú
er eins konar tómstundaútgáfa af
stærri hreyflum, sem kafarar nota
gjarnan. Hreyfillinn gengur fyrir
rafhlöðu, sem endist í klukkustund,
en 5–6 stundir tekur að hlaða hana á
ný. Litli sæhreyfillinn kostar rétt
tæpa 200 dollara í Bandaríkjunum,
eða rúmar 14 þúsund krónur og
framleiðendur segja hann henta 8
ára og eldri. Hraðinn er ekkert
óskaplegur, eða rúmir 3 km á
klukkustund, en þeir sem vilja líða
um hægt og hljótt við strendur
landsins gætu nýtt sér tækið.
Þeir sem vilja ekki kafa geta
keypt sér uppblásanlegan kajak.
The Sharper Image segir kjörið að
hafa hann í skottinu og blása hann
upp þegar komið er að freistandi
vatni eða á. Kajakinn vegur aðeins
tæp 8 kíló, það tekur 5 mínútur að
blása hann upp og þá getur hann
borið allt að 113 kílóum. Hann er um
2,5 metrar á lengd og að sjálfsögðu
fylgir árin með. Kajakinn kostar
rúmar 20 þúsund krónur í Banda-
ríkjunum.
Kælikraginn
Nú þegar Íslendingar hafa fengið
smjörþefinn af hitabylgjum þurfa
þeir ef til vill að huga betur að því
hvernig best sé að kæla sig niður.
Þar hefur The Sharper Image einnig
svarið: „Kælikraginn“ er fylltur af
vatni, settur um hálsinn og kveikt á
honum. Kraginn kólnar, lítil vifta sér
um dreifa köldum blæstri niður bak-
ið á þeim sem ber kragann og hitinn
verður bærilegri. Bandaríkjamönn-
um býðst græjan á rúmar tvö þús-
und krónur.
Sumar
græjur eru
sumargræjur
Litli sæhreyfillinn slekkur sjálfur á
sér ef takinu á honum er sleppt.
Kælikraginn er kjörinn í mestu
hitabylgjunum.
Uppblásinn getur kajakinn borið
allt að 113 kílóum.
TENGLAR
.....................................................
www.sharperimage.com