Morgunblaðið - 07.11.2007, Side 6
6 MIÐVIKUDAGUR 7. NÓVEMBER 2007 MORGUNBLAÐIÐ
FRÉTTIR
Ákvörðun Skipulags-
stofnunar hnekkt
UMHVERFISRÁÐUNEYTIÐ hef-
ur hnekkt ákvörðun Skipulagsstofn-
unar frá 27. maí sl. um að fyrirhuguð
virkjun allt að 2,5 MW í Hverfisfljóti
neðan við Hnútu í Skaftárhreppi skuli
ekki sæta mati á umhverfisáhrifum. Í
fréttatilkynningu frá ráðuneytinu
kemur fram að ráðuneytið telur að
umhverfisáhrif framkvæmdanna geti
orðið umtalsverð.
Samkvæmt upplýsingum ráðu-
neytisins samanstendur fyrirhuguð
framkvæmd við virkjun Hverfisfljóts
einkum af gerð nýs 6-8 km vegslóða á
svæðinu, niðurgrafinni 900-1.400 m
langri þrýstipípu, 100-150 fermetra
stöðvarhúsi og um 15 þúsund rúm-
metra efnistöku úr Hverfisfljóti til
vegslóðagerðar vegna framkvæmdar-
innar. Með nýrri vegslóð að virkjana-
svæðinu verður farið fyrir Skaftár-
eldahraun á um sjö km kafla, þar af
um tvo km um úfið hraun sem nýtur
verndar skv. lögum um náttúruvernd.
Ráðuneytið sendi kærurnar til um-
sagnar Umhverfisstofnunar, sveitar-
stjórnar Skaftárhrepps, Skipulags-
stofnunar svo og framkvæmdaraðila.
Í niðurstöðu ráðuneytisins segir m.a.
að það taki undir þá afstöðu Umhverf-
isstofnunar að Skaftáreldahraun sé
merkilegt á heimsvísu. Því þyki rök
hníga að því að hagsmunaaðilum og
almenningi gefist tækifæri til þess að
gera athugasemdir og koma með
ábendingar varðandi hina fyrirhug-
uðu framkvæmd.
„Við erum mjög glöð yfir þessum
úrskurði,“ segir Árni Finnsson, for-
maður Náttúruverndarsamtaka Ís-
lands. „Okkur finnst þetta vera mjög
góð ákvörðun hjá umhverfisráðherra.
Þarna er um mjög verðmætt svæði að
ræða og hagsmunir náttúruverndar
fá að koma til tals við mat á umhverf-
isáhrifum og það teljum við mjög
þarft. Ákvörðunin styrkir náttúru-
vernd á Íslandi.“
Virkjun í Hverfisfljóti skal sæta mati á umhverfisáhrifum
Í HNOTSKURN
»Alls barst ráðuneytinu tíustjórnsýslukærur vegna
málsins, þeirra á meðal frá
Landvernd, Fuglavernd, Nátt-
úruverndarsamtökum Suður-
lands og Náttúruverndar-
samtökum Íslands.
»Ráðuneytið telur áhrifvirkjunar á Lambhaga-
fossa geti orðið umtalsverð og
að sjónræn áhrif vegna fram-
kvæmdanna geti orðið var-
anleg og óafturkræf á land-
svæðinu.
FINNUR Árna-
son, forstjóri
Haga, segir að
Baugur eða Hag-
ar hafi aldrei
fengið úthlutað
lóð undir mat-
vöruverslun frá
því Baugur varð
til árið 1998.
Fyrirtækið hafi
samið við ýmsa aðila sem leigja fyr-
irtækinu húsnæði undir verslanir.
Finnur sendi frá sér yfirlýsingu í
gær í ljósi umræðu um lóðaúthlut-
anir í Reykjavík til matvöruversl-
ana.
„Frá árinu 1998 þegar Baugur
varð til hefur fyrirtækið aldrei
fengið úthlutað lóð í Reykjavík und-
ir matvöruverslun, hvorki Baugur
né Hagar.“
Fram hefur komið í fjölmiðlum
að samkvæmt skipulagsskilmálum í
Grafarvogi má ekki úthluta fleiri
lóðum undir matvöruverslanir.
„Samningar sem innifela þing-
lýstar kvaðir vegna lóða í Graf-
arvogi, m.a. við Spöng, voru gerðir
af borgaryfirvöldum við fyrri eig-
endur Hagkaupa, fyrir stofnun
Baugs árið 1998. Þeir samningar og
þær kvaðir sem þeim fylgja eru því
eldri en fyrirtækið Baugur.
Rétt er að kjörnir fulltrúar í
sveitarstjórnum og hjá ríkinu opni
augun fyrir þeim tilraunum og þeim
aðferðum, sem m.a. keppinautar
Haga nota til þess sverta fyrirtækið
og starfsfólk þess og að fá kjörna
fulltrúa til þess að gefa sér mark-
aðshlutdeild,“ segir í yfirlýsingu frá
Finni.
Ýmsir leigjendur
Finnur sagði í samtali við Morg-
unblaðið að verslanir Haga væru
ekki eingöngu í húsnæði sem væri í
eigu fasteignafélags Baugs. Síðustu
þrjár verslanir sem Hagar hefðu
sett á fót væru í eigu annarra aðila.
Margir hefðu lýst áhuga á að eiga
viðskipti við Haga enda traustur
leigjandi.
Hagar hafa aldrei
fengið úthlutað lóð
Finnur Árnason
„SÚ ákvörðun
sem við vorum
að taka var að
heimila áfram-
haldandi vinnslu
og undirbúning
þessa verkefnis.
Ég tel það ekki
vera hlutverk
stjórnarmanna
að opinbera um
einstaka fjár-
hæðir í þeim efnum.“ Þetta segir
Bryndís Hlöðversdóttir, stjórn-
arformaður Orkuveitunnar, um þá
staðfestingu Guðmundar Þórodds-
sonar, forstjóra REI, að heildar-
fjármögnun einkavæðingarverk-
efnis REI, í samstarfi við Geysir
Green, á Filippseyjum gæti numið
12-15 milljörðum. Bryndís bendir á
að 12-15 milljarðar yrðu heildar-
fjárfesting íslenskra aðila, þ.e. REI
og Geysir Green Energy, í verkefn-
inu. „Það er búið að vinna að þessu
verkefni algjörlega hindrunarlaust
og verið um það pólitísk sátt hingað
til innan Orkuveitunnar og það er
ekkert sérstakt núna sem gefur til-
efni til þess að breyta þeirri stefnu.
Hafi menn efast um gildi verkefn-
isins þá hefðu menn væntanlega
áttað sig á því fyrr.“
Ekki tilefni
til að breyta
um stefnu
Bryndís
Hlöðversdóttir
VATN hefur verið að þrýstast upp
úr aðrennslisgöngum Kárahnjúka-
virkjunar og myndað lindir uppi á yf-
irborðinu í svonefndum Glúmsstaða-
dal. Lekinn nemur 200 lítrum á
sekúndu og er bleytusvæðið um
þriðjungur úr hektara.
Sigurður Arnalds, upplýsinga-
fulltrúi Landsvirkjunar, segir að
upphaflega hafi lekið mjög mikið
vatn inn í hin 40 km löngu göng, eða
2.500 lítrar á sekúndu. Menn hafi los-
að sig við vatnið, einkum í gegnum
aðgöng aðrennslisganganna og voru
sprungurnar, sem vatnið fossaði inn
um, þéttar áður en göngin voru fyllt.
Um leið hafi vatnsþrýstingur snúist
við og nú leitað út á við með fyrr-
nefndum afleiðingum. Sigurður
bendir á að yfirborð jarðar yfir að-
rennslisgöngunum sé að mestu leyti
hærra en Hálslón og þar með geti
vatn úr göngunum aldrei náð upp á
yfirborðið. Göngin liggi hinsvegar
undir þremur litlum dalverpum þar
sem landhæð er lægri en nemur
þrýstingi í göngunum. „Ef það er
sprunga úr göngunum upp á yfir-
borðið, þá getur seytlað vatn upp og
komið fram sem lind,“ segir hann.
„Það kemur vatn upp í einu þessara
dalverpa, í Glúmsstaðadal en magnið
er meira en við áttum von á,“ segir
hann en staðhæfir að magnið skipti
samt ekki máli.
„Menn vita ekki hvort það eru
sprungur í berginu sem leiða vatnið
upp, eða tvær borholur sem þarna
eru og voru notaðar við uppdælingu
á lekavatni.“ Sigurður segir ekki
ljóst hvort mistök hafi verið gerð við
þéttingu á þessum holum. Hann seg-
ir mannvirki ekki í hættu í bleytu en
vatnið sé hinsvegar litað og því til
ama. Menn vilji ekki að litað vatn
leki í Glúmsstaðaá og áfram niður í
Hrafnkelsdal. „Við tökum þetta í
réttri röð. Við setjum tæki á staðinn
og hreinsum ofan af þessu. Það þarf
að átta sig á því hvort það eru bor-
holurnar eða bergið sem er að stríða
okkur.“ Aðgerðir verði metnar í
framhaldinu, þ.e. hvort vatnið verði
síað og látið eiga sig, eða hvort gripið
verði til þess að steypa upp í leka-
rásir í berginu.
Leki Lekinn úr aðrennslisgöngum Kárahnjúkavirkjunar nemur 200 lítrum
á sekúndu og myndar lindir uppi á yfirborðinu í Glúmsstaðadal.
Meiri leki en
menn væntu
Litað vatn þrýstist upp úr göngunum
ÍSLAND vann í gær Finnland,
2½-1½, í lokaumferð Evrópumóts
landsliða í skák, sem haldið var á
Krít.
Ísland endaði í 20. sæti af 40 þátt-
tökuþjóðum í opna flokknum en
Rússar urðu Evrópumeistarar. Í
kvennaflokki fóru Rússar einnig með
sigur af hólmi en Ísland sendi ekki
kvennalið á mótið.
Þröstur Þórhallsson var eini Ís-
lendingurinn sem vann í gær en
hann lagði Sauli Keskinen á 4. borði.
Þeir Héðinn Steingrímsson, Henrik
Danielsen og Stefán Kristjánsson
gerðu allir jafntefli.
Ísland vann Finnland í
lokaumferð skákmótsins
MARTA G. Guðmunds-
dóttir, kennari og Græn-
landsjökulsfari, lést á
krabbameinsdeild Land-
spítalans í gær, 37 ára að
aldri. Marta fæddist 29.
apríl 1970 í Reykjavík.
Hún var dóttir hjónanna
Hallberu Ágústsdóttur
húsmóður og Guðmund-
ar Finnssonar, pípulagn-
ingameistara í Grinda-
vík.
Marta lauk stúdents-
prófi frá Fjölbrautaskóla
Suðurnesja og kennara-
prófi frá Kennarahá-
skóla Íslands. Hún starfaði sem
grunnskólakennari bæði á Englandi
og í Grindavík. Marta var íþrótta-
kona, lék körfuknattleik með Grinda-
vík og Keflavík, knattspyrnu með
Grindavík og var í unglingalandslið-
inu í körfuknattleik. Marta vakti
þjóðarathygli þegar hún í maí og júní
sl. gekk á gönguskíðum þvert yfir
Grænlandsjökul til að vekja athygli
kvenna á mikilvægi þess að fara
reglulega í brjóstaskoðun og til að
afla fé til frekari rannsókna á
brjóstakrabbameini.
Sjálf greindist Marta
með brjóstakrabba-
mein í október 2005
og gekkst undir upp-
skurð ásamt lyfja- og
geislameðferð í kjöl-
farið sem lauk í júní
2006. Meðan á með-
ferðinni stóð reyndi
Marta að setja sér
ýmis markmið til að
ná fyrri heilsu að með-
ferð lokinni.
Marta einbeitti sér
að því að hreyfa sig
eins og þrek leyfði og
einnig fannst henni mikilvægt að
reyna að lifa sem eðlilegustu lífi þrátt
fyrir veikindin og tók þátt í daglegu
amstri eins og hún treysti sér til.
Marta fór í nokkrar gönguskíðaferðir
hér heima, m.a. á Sprengisandi, til að
undirbúa sig fyrir Grænlandsferðina.
Marta sinnti starfi sínu áfram sem
kennari þar til fyrir skömmu er hún
greindist með illvíg meinvörp í höfði.
Marta lætur eftir sig eina stúlku,
Andreu Björt Ólafsdóttur, sem fædd
er 1995.
Andlát
Marta G.
Guðmundsdóttir
VEIÐIÞJÓFUR var tekinn við
rjúpnaveiðar í landi Kvíarholts í
Holtum í gær með 19 fugla. Lög-
reglan á Hvolsvelli lagði hald á
fenginn sem og 22 kalíbera riffil
sem maðurinn hafði notað. Hann
var með útrunnið skotvopnaleyfi en
ekki afnotaleyfi á vopnið. Hann við-
urkenndi veiðarnar en sagðist ekki
hafa vitað að ekki mætti veiða á
mánudögum. Rjúpnaveiðar eru að-
eins leyfðar frá fimmtudögum til
sunnudags. Veiðina hafði hann
stundað án leyfis landeiganda sem
hringdi í lögreglu. Segir hún að
maðurinn hafi veitt rjúpurnar 19 á
tveim klukkustundum. Málið telst
upplýst af hálfu lögreglu.
Tekinn með
19 rjúpur
Einar Már Jónsson
Bréf til Maríu
„Bókin er hinn mesti skemmtilestur og
raunar sprenghlægileg á köflum.“
Þröstur Helgason – Lesbók Morgunblaðsins,
21. apríl 2007
„Einari tekst að glæða sína einföldu
bréfræðu slíku lífi með tungutaki og
orðaforða að textinn leiftrar hvar sem
gripið er niður.“
Viðar Þorsteinsson – Viðskiptablaðið, 24.
maí 2007
„Bréf til Maríu er hressilegur gustur um hjalla mannvísindanna og slær
hroll að ýmsum við þann lestur.“
Páll Baldvin Baldvinsson – Fréttablaðið, 16. júní 2007
„Bréf til Maríu hefur þann höfuðkost að strax er maður gripinn fögnuði
yfir að sjá móðurmáli sínu beitt af kunnáttu við að móta hugsunina.“
Kristján B. Jónasson – Herðubreið, ágúst 2007
Vandaðar bækur fyrir vandláta lesendur
sími 561 0055 • www.ormstunga.is
Önnu
r pre
ntun
kom
in !