Morgunblaðið - 30.01.2008, Blaðsíða 2

2 MIÐVIKUDAGUR 30. JANÚAR 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
FJÖLDI fólks lagði leið sína í Lista-
safn Íslands í gærkvöldi þar sem
haldið var upp á að 80 ár eru liðin
frá stofnun Slysavarnafélags Ís-
lands sem markaði upphaf skipu-
lagðs björgunar- og slysavarna-
starfs á Íslandi.
Hátíðin var öll hin glæsilegasta
og voru m.a. rifjuð upp brot úr sögu
félagsins sem geymir ófá atvik þar
sem öflugur hópur sjálfboðaliða
kom í veg fyrir slys og bjargaði
mannslífum og verðmætum. Jafn-
framt voru til sýnis björgunartæki
og búnaður og skemmti karlakór-
inn Þrestir gestum og gangandi
með íðilfögrum söng.
Forseti Íslands, Ólafur Ragnar
Grímsson, hélt þá erindi, einnig
Björn Bjarnason dómsmálaráð-
herra, en sá síðarnefndi tilkynnti
m.a. að ríkisstjórn Íslands hefði
samþykkt að taka þátt í uppbygg-
ingu sögusafns félagsins og verja til
þess tveimur milljónum króna. Ljósmynd/Jón Svavarsson
Fórnfýsi,
dugnaður og
ósérhlífni
Haldið var upp á að 80 ár eru liðin frá stofnun Slysavarnafélags Íslands
„ÞETTA var jafnvel jákvæðari fund-
ur en oft hefur verið undanfarið en
það er áframhaldandi vinna fram-
undan,“ segir Sigurður Bessason,
formaður samninganefndar Flóa-
félaganna, um kjaraviðræðurnar
sem héldu áfram í gærmorgun.
Fyrst og fremst er rætt um for-
senduákvæði, þ.e. framlengingar-
ákvæði samninganna, og virðist sem
mál séu að skýrast í þeim efnum.
„Menn eru að senda tillögur sín á
milli en það skýrist betur [í dag]
hvort þeim hluta sé hægt að koma í
eitthvert framhald en þá er hægt að
snúa sér að öðru. En þetta gengur
svo sem hægt og er hálfgert tos,“
segir Sigurður.
Undir orð hans tekur Gunnar Páll
Pálsson, formaður VR, sem einnig
fundaði með fulltrúum atvinnurek-
enda. „Þetta er eitthvað að nuddast
áfram en of snemmt er að segja hvað
verður úr. Það er þó einhver hreyf-
ing á málinu.“
Vilhjálmur Egilsson, fram-
kvæmdastjóri Samtaka atvinnulífs-
ins, segir að miðað hafi ágætlega í
viðræðum gærdagsins þó að ekki
hafi náðst að klára að fara yfir for-
senduákvæði samninganna. „En það
er ákveðin von um að við höfum náð
utan um það mál. Það er gott mál ef
svo er en það reynir á það [í dag]. Við
erum þó enn þá í skaflinum og heil-
mikil vinna eftir. Það er bara þol-
inmæðin sem gildir.“
Viðræðum
miðaði
ágætlega
Búið að ná utan um
forsenduákvæði?
Eftir Silju Björk Huldudóttur
silja@mbl.is
SÉRFRÆÐINGAR Íslenskra orku-
rannsókna (ÍSOR) unnu í sumar að
skipulögðum jarðfræðirannsóknum
á því svæði þar sem Sundagöng
kunna að verða boruð. Að sögn Árna
Hjartarsonar jarðfræðings, sem
hafði yfirumsjón með rannsóknunum
af hálfu ÍSOR, eru niðurstöður þess-
arar ítarlegu forkönnunar þær að að-
stæður til jarðgangagerðar teljast
sæmilegar, bergið er víðast allþétt og
engin umtalsverð leka- eða sprungu-
svæði komu í ljós. „Leiðin er þokka-
lega vel fær. Það var ekkert sem kom
upp sem segir að þetta sé ekki hægt
og að fara þurfi öðruvísi að verkefn-
inu. Niðurstöðurnar gefa þannig
grænt ljós á það að menn geti farið
þessa leið,“ segir Árni.
Á heimasíðu ÍSOR er tekið fram
að aðstæðurnar séu taldar heldur
lakari en í Hvalfjarðargöngum, þar
sem ÍSOR annaðist einnig jarðfræði-
rannsóknir. Spurður nánar um þetta
segir Árni að styrkur bergsins sé
heldur lakari. „Við áttum alveg von á
því. Þegar miðað er við Hvalfjarðar-
göngin þá er verið að miða við ein
bestu og þægilegustu göng á land-
inu,“ segir Árni og ítrekar að bergið í
prófunum fyrir Sundagöng hafi
reynst vel þétt.
Frá Laugarnesi í Gufunes
Að sögn Árna er jarðfræði Reykja-
víkur nokkuð þekkt, hins vegar hafi
fyrrgreind jarðgangaleið ekki verið
könnuð sérstaklega fyrr. Aðspurður
segir hann sl. sumar alls 13 kjarna-
holur hafa verið boraðar með um 400
metra millibili, þar af var ein borhol-
an úti í sjó. Að sögn Árna voru gerðar
hita- og vatnsborðsmælingar, lektar-
prófanir, kjarnagreining, hljóð-
hraðamælingar, bylgjubrotsmæling-
ar og berggæðamat. Jarðganga-
leiðin, sem rannsökuð var, liggur frá
Laugarnestanga og inn undir Laug-
arnes og Laugarás upp af Sunda-
höfn, sveigir svo að ströndinni við
Klepp, þverar Elliðavog og endar í
Gufunesi.
Hönnunarferlið taki árið
Á heimasíðu ÍSOR kemur fram að
verði af framkvæmdunum megi gera
ráð fyrir heilmiklu gangakerfi neð-
anjarðar. Gert er ráð fyrir að tvenn
hliðargöng komi til yfirborðs í
grennd við Holtagarða og við Kletta-
garða. Þau munu liggja á 60-70
metra dýpi undir voginum. Þetta
verði tveggja akreina göng með ein-
stefnu í hvorum hluta fyrir sig. Sam-
tals verði allt ganganetið yfir 10 km.
Spurður um næstu skref segir
Árni menn nú bíða niðurstöðu um-
hverfismats sem væntanleg sé í
næsta mánuði, en eins og kunnugt er
samþykkti borgarráð á dögunum að
Sundabraut verði lögð í göngum frá
Laugarnesi í Gufunes, með eðlileg-
um fyrirvara um niðurstöður um-
hverfismats. Ákvörðun ríkisstjórnar-
innar um fyrirkomulag brautarinnar
liggur hins vegar ekki enn fyrir. Að
sögn Árna má búast við því að hönn-
unarferli ganganna taki árið, enda að
mörgu að huga, eins og gerð for-
skála, hönnun lagna í göngunum, lýs-
ingu, loftræstingu, dælingu og um-
ferðarstýringu, svo fátt eitt sé nefnt.
Segir niðurstöður jarðfræði-
rannsókna gefa grænt ljós
Bergið allþétt og
engin umtalsverð
sprungusvæði
  
    
 





























 



  

 
 
Í HNOTSKURN
»Alls voru boraðar 13kjarnaholur á um 400
metra millibili á þeirri leið þar
sem ætlunin er að leggja
Sundagöng.
»Ráðgert er að göngin muniliggja á 60-70 metra dýpi
undir Ellliðavoginum.
»Borgarráð hefur samþykktað Sundabraut verði lögð í
göngum frá Laugarnesi að
Gufunesi með eðlilegum fyr-
irvara um niðurstöður um-
hverfismats.
EIGENDUR HydroKraft
Invest, fjárfestingarfélags
á vegum Landsbankans
Vatnsafls og Landsvirkj-
unar Power, hafa sam-
þykkt að leggja félaginu
til allt að 10 milljarða
króna eigið fé eftir því
sem fjárfestingarverkefni
á næstu árum gefa tilefni
til.
Að sögn Stefáns Péturssonar,
sem ráðinn hefur verið fram-
kvæmdastjóri HydroKraft Invest,
hefur félagið frá stofnun
þess fyrir tæpu ári verið að
leita tækifæra á al-
þjóðavettvangi. Aðallega
hefur verkefna verið leitað
í Suðaustur-Evrópu og eru
nokkur mál þar til skoð-
unar nú. Segir Stefán helst
hafa verið leitað fanga í
Búlgaríu, Rúmeníu og
Tyrklandi. Í þeim löndum
sé mikið af ónýttu vatnsafli og eft-
irspurn gríðarleg eftir endurnýj-
anlegri orku.
Aðalfundur HydroKraft fór fram
í byrjun vikunnar þar sem kjörin
var ný stjórn. Formaður er Halldór
J. Kristjánsson, bankastjóri Lands-
bankans, en aðrir fulltrúar bankans
eru Ívar Guðjónsson og Pétur Örn
Sverrisson. Frá Landsvirkjun
koma Bjarni Bjarnason, sem er
varaformaður stjórnar, Friðrik
Sophusson og Björn Stefánsson.
Félagið var stofnað um miðjan
febrúar á síðasta ári með það að
markmiði að fjárfesta í verkefnum
á erlendri grundu sem tengdust
endurnýjanlegri orkuvinnslu með
áherslu á vatnsafl. Hvor aðili um
sig, Landsbankinn og Lands-
virkjun, lögðu þá til tvo milljarða
króna í hlutafé. Fram kom á blaða-
mannafundi að ráðgert væri að
skrá félagið á erlendan hlutabréfa-
markað.
Stefán Pétursson hefur sem
kunnugt er verið fjármálastjóri
Landsvirkjunar undanfarin ár.
Hann er viðskiptafræðingur frá
Háskóla Íslands og með MBA-
gráðu frá Babson College í Boston.
Leggja 10 milljarða í HydroKraft
Stefán Pétursson
♦♦♦
ÓLAFUR F.
Magnússon, ný-
kjörinn borgar-
stjóri, hefur tekið
þá ákvörðun að
sækja ekki höfuð-
borgaráðstefnu í
Stokkhólmi dag-
ana 30. janúar til.
1. febrúar nk. Í til-
kynningu frá
skrifstofu borgar-
stjóra segir að Ólafur vilji frekar ein-
beita sér að mikilvægum verkefnum
sem bíða á vettvangi borgarinnar og
kynna sér mál þar sem hann er nýtek-
inn til starfa. Þýðingarmikið sé að
skapa festu og góðan vinnufrið hjá
Reykjavíkurborg eftir atburðina und-
anfarna daga.
Borgarfulltrúarnir Hanna Birna
Kristjánsdóttir, Vilhjálmur Þ. Vil-
hjálmsson og Gunnar Eydal, fyrrver-
andi skrifstofustjóri borgarstjórnar,
sækja ráðstefnuna í Stokkhólmi.
Sækir ekki
höfuðborga-
ráðstefnu
Ólafur F.
Magnússon
HÉRAÐSDÓMUR Reykjaness hef-
ur úrskurðað erlendan karlmann í
gæsluvarðhald til 1. febrúar að
kröfu lögreglunnar á höfuðborg-
arsvæðinu. Maðurinn var staðinn
að verki við innbrot í ljósmynda-
vöruverslun í Hafnarfirði en annar
maður, sem var með honum, komst
undan og er hans leitað. Að sögn
Ómars Smára Ármannssonar að-
stoðaryfirlögregluþjóns hefur sá
fyrrnefndi að mati lögreglu ekki
gert næga grein fyrir ferðum sín-
um hér á landi að undanförnu en
hann hefur ekki stundað hér vinnu.
Gæsluvarðhald
vegna þjófnaðar
♦♦♦