Morgunblaðið - 30.01.2008, Blaðsíða 6
6 MIÐVIKUDAGUR 30. JANÚAR 2008 MORGUNBLAÐIÐ
FRÉTTIR
Eftir Rúnar Pálmason
runarp@mbl.is
LÖGREGLUMENN á höfuðborg-
arsvæðinu eru langt frá því að vera
sáttir við hagræðinguna sem fram-
undan er hjá lög-
reglunni á höfuð-
borgarsvæðinu,
að sögn Sveins
Ingibergs Magn-
ússonar, for-
manns Lands-
sambands
lögreglumanna.
„Menn höfðu
ákveðnar vænt-
ingar þegar emb-
ættin voru sam-
einuð en svo blasir við að menn eru
að berjast í bökkum til að halda emb-
ættinu innan fjárheimilda. Ýmislegt
sem menn ætluðu sér með þessum
breytingum, nýjungar og þróun á
starfi lögreglunnar, hefur ekki náð
fram að ganga út af þessum fjár-
hagslegu hremmingum. Þar að auki
snertir þetta tekjumöguleika
manna,“ segir Sveinn. Best væri ef
Alþingi samþykkti aukin framlög til
lögreglu.
Eitt helsta ágreiningsmálið þessa
stundina snýst um tillögu að breyt-
ingu á bakvaktakerfi rannsóknarlög-
reglumanna en embætti lögreglu-
stjórans á höfuðborgarsvæðinu og
Landssambandið deila um hvort
embættið geti breytt því einhliða eða
hvort semja þurfi um breytingarnar.
Í stuttu máli leggur embættið til
að vaktakerfinu verði breytt þannig
að rannsóknarlögreglumenn sem
eru á bakvakt um helgar verði á bak-
vakt frá föstudagskvöldi til laugar-
dagsmorguns. Í stað þess að koma
inn á stöð um morguninn og fara á
venjulega vakt með viðveru á lög-
reglustöðinni, eins og verið hefur,
myndu þeir hætta á bakvakt um
morguninn og vera í fríi yfir daginn
en taka aftur við bakvakt á laugar-
dagskvöldi. Þetta endurtæki sig síð-
an á sunnudegi en bakvaktinni lýkur
á mánudagsmorgni.
Að sögn Sveins hefði þessi tillaga í
för með sér að rannsóknarlögreglu-
mennirnir yrðu að vinna fleiri helgar
en nú er og þar að auki drægjust
tekjur þeirra verulega saman. Með
þessu móti hyggst embættið spara
11 milljónir en gera má ráð fyrir því
að næstum öll sú fjárhæð hafi áður
runnið í vasa lögreglumannanna sem
launagreiðslur. Viðræður standa yfir
um þessa tillögu en enn sem komið
er hafi engin niðurstaða fengist.
Sveinn bendir auk þess á að lög-
regluliðið hafi verið undirmannað
sem valdi auknu álagi.
Óánægja innan liðsins hefur verið
áberandi og má t.d. minna á forsíðu
Lögreglublaðsins í sumar en hana
prýddi brostin lögreglustjarna. „Það
er mikið álag, þetta er streitumikið
starf og fáliðaðar sveitir við vinnu.
Allt leggst á eitt – það er kurr í hópn-
um,“ segir Sveinn. Ekki hafi þó borið
mikið á uppsögnum reyndra manna
undanfarið, líkt og í fyrra og segir
Sveinn að hugsanlega hafi 30.000
króna aukagreiðsla á mánuði sem
lögreglumenn fengu, gert sitt gagn.
Auk þess hafi blikurnar sem eru á
lofti í efnahagslífinu sjálfsagt haft
einhver áhrif.
Harðari heimur
Sveinn segir að skyldur lögregl-
unnar og álag á lögreglumenn hafi
aukist undanfarin ár. Lögregla hafi
t.d. tekið við eftirliti með útlending-
um eftir að eftirlit á landamærum við
Schengen-ríki lagðist af, lögregla sé
að rannsaka flóknari brot en áður,
t.d. tölvuglæpi og útbreiðslu barna-
kláms á netinu. Þar að auki hafi of-
beldi gegn lögreglumönnum færst í
aukana. „Þetta er harðari heimur
sem við vinnum í,“ segir hann.
Óánægja vegna sparnaðar
Lögreglumenn á höfuðborgarsvæðinu eru ósáttir við hagræðingu sem embættið
hefur gripið til Höfðu væntingar til sameiningarinnar sem hafa ekki allar ræst
Sveinn Ingiberg
Magnússon
Árvakur/Júlíus
„ÞETTA breytir í sjálfu sér engu
fyrir okkur,“ segir Þórólfur Guðna-
son, yfirlæknir á sóttvarnasviði
Landlæknis, spurður hvort viðbún-
aðarstigi hér á landi verði breytt í
kjölfar frétta undanfarinna daga um
að a.m.k. tveir Indónesar hafi látist
af völdum fuglaflensuveirunnar í
heimalandi sínu. Samkvæmt kvarða
almannavarna á Íslandi erum við nú
á viðbúnaðarstigi 3. Áður en viðbún-
aður verður aukinn þarf ýmislegt að
ganga á úti í heimi, veiran að smitast
meira milli manna en hún hefur
hingað til gert og hópsýkinga af
hennar völdum að verða vart.
Spurður hvort ferðamenn ættu að
hafa varann á segir Þórólfur að þeir
ættu að forðast samneyti við fiðurfé.
„En fyrir venjulegan ferðamann er
hætta á smiti lítil.“
Lítil hætta
á fuglaflensu
Reuters
Endastöð Kjúklingar á leið til
slátrunar í Indónesíu.
EINS og fram kom í Morgunblaðinu
á dögunum gagnrýndi hljómsveitin
Benny Crespo’s Gang samning
STEFs við ljósvakamiðla í kjölfarið á
því að Stöð 2 notaði lag sveitarinnar
í dagskrárauglýsingu án þess að
samráð væri haft við sveitina. Kári
Sturluson, umboðsmaður hljóm-
sveitarinnar, fór í kjölfarið þess á
leit við STEF að samningurinn við
ljósvakamiðla yrði endurskoðaður
með tilliti til breytts landslags á ljós-
vakamarkaði en sá samningur veitti
ljósvakamiðlum fullt leyfi til að nota
hvaða lag sem er í dagskrárauglýs-
ingar, án samráðs við tónskáld eða
eigendur flutningsréttar.
Í síðustu viku var málið tekið fyrir
á stjórnarfundi STEFs og þar lagði
stjórnin til að vinnureglur yrðu end-
urskoðaðar með gagnrýni hljóm-
sveitarinnar í huga en líkt og Kári
benti á getur hljómsveit orðið af um-
talsverðum fjárhæðum í þessu sam-
bandi auk þess sem hann telur að
það sé réttur hvers tónskálds að það
hafi um það að segja hvort tónverkið
sé notað til að auglýsa vöru.
Kári segir fréttirnar af skjótum
viðbrögðum STEFs mikið ánægju-
efni enda um mikið hagsmunamál að
ræða. „Ég vil hrósa Eiríki Tóm-
assyni, framkvæmdastjóra STEFs,
fyrir að vera skjótur til og skilja
þann punkt okkar að málið snýst að-
allega um svokallaðan sæmdarrétt
þ.e. að höfundur, flytjandi og hljóm-
plötuframleiðandi hafi val um að
segja já eða nei.“
Eiríkur Tómasson segir að stjórn
STEFs hafi ákveðið að það sé ástæða
til þess að endurskoða framkvæmd
samningsins þannig að samþykki
tónskálda liggi fyrir áður en tónverk
þeirra séu notuð í dagskrárauglýs-
ingar sjónvarpsstöðva.“ STEF muni
leita eftir því að túlkun á samn-
ingnum verði breytt en vilji ekki að
þeir verði endurskoðaðir enda séu
þeir ekki lausir fyrr en um hver ára-
mót.
Endurskoða
vinnu-
reglurnar
Kári Sturluson Eiríkur Tómasson
MIKIÐ fjölmenni var í verslun Bón-
uss á Seltjarnarnesi í gær, en þar
hafa vörur verið seldar með mikl-
um afslætti þar sem loka á versl-
uninni. Mikil röð hafði myndast við
verslunina þegar hún var opnuð í
gærmorgun og örtröð var í versl-
uninni fram eftir degi.
Samkvæmt upplýsingum frá
skrifstofu verslanakeðjunnar verð-
ur verslunin opin svo lengi sem
vörur eru enn til. Lokun verslunar-
innar tengist því að nk. laugardag
verður ný Bónusverslun opnuð við
Fiskislóð í Vesturbæ Reykjavíkur.
Örtröð í
verslun Bón-
uss á Nesinu
Árvakur/Golli
SKÝRSLA Moody’s um stöðu ís-
lenska ríkisins kom til umræðu á
Alþingi í gær í fyrirspurnartíma.
Geir H. Haarde forsætisráðherra
svaraði fyrirspurn Illuga Gunnars-
sonar á þann veg að skýrslan væri
jákvæður vitnisburður um fjárhags-
stöðu ríkissjóðs. Gríðarlega mikil-
vægt væri að lánshæfiseinkunn rík-
isins upp á Aaa stæði óhögguð.
Geir sagði það hins vegar rangt,
sem fram hefði komið í fréttum, að
það væri niðurstaða Moody’s að
best væri að íslensku bankarnir
flyttu höfuðstöðvar sínar úr landi.
Hvorki væri mælt með því í skýrsl-
unni eða hvatt til þess.
„Það stendur að ef þeir myndu
gera það, ef þeir færu úr landi, þá
myndi óbeina ábyrgðin, sem talin er
hvíla á ríkissjóði vegna starfsemi
þeirra, minnka. Vissulega er það
rétt, með sama hætti mætti segja
að sú ábyrgð myndi minnka veru-
lega ef þeir hættu starfsemi sinni,“
sagði Geir. Forsætisráðherra sagði
að fram kæmi í skýrslunni að fjár-
hagsstaða bankanna væri traust,
þrátt fyrir erfiðleika á fjármagns-
mörkuðum, og uppgjör þeirra
sýndu það fram að þessu. Efna-
hagsstaða ríkisins væri sömuleiðis
sterk, það væri mikilvægur bak-
hjarl fyrir öfluga fjármálastarfsemi
í landinu. Það yrði síðan skoðað eft-
ir atvikum á hverjum tíma, hvort
auka þyrfti laust fé fyrir bankana.
Skoða má þrjár leiðir
Bjarni Harðarson spurði Björg-
vin G. Sigurðsson viðskiptaráðherra
jafnframt að því á Alþingi í gær
hvaða leiðir væru færar til að mæta
erfiðleikum á fjármálamörkuðum.
Með Seðlabankann sem minnsta
banka landsins hefðu Íslendingar
ekki sömu möguleika og margar
aðrar þjóðir til að mæta þeirri fjár-
málakreppu sem riði yfir veröldina.
Björgvin sagði enga kreppu ríkja
hér á landi eða annars staðar. Nið-
urstaðan í skýrslu Moody’s væri
mjög góð bæði fyrir ríkið og bank-
ana. Stjórnvöld gætu mætt lausa-
fjárbresti, varið innstæður og forð-
ast greiðsluþrengingar, jafnvel við
sérstaklega erfið skilyrði.
Í samtali við Morgunblaðið sagði
Björgvin að ef svo illa færi að ís-
lensku bankarnir yrðu of stórir fyr-
ir ríkið, eða öllu heldur Seðlabank-
ann, þá þyrfti að skoða einkum
þrjár leiðir. Í fyrsta lagi að koma á
samstarfi milli myntsvæða seðla-
bankanna, í öðru lagi að auka vara-
sjóð Seðlabankans og í þriðja lagi
hvort eða hvenær íslenska krónan
yrði of lítil fyrir bankana.
Spurður með hvaða hætti ríkið
geti ábyrgst rekstur bankanna ef
illa fari, líkt og Björgvin hefur hald-
ið fram, þá segist hann hafa átt við
Seðlabankann. Þar kveði lög á um
að Seðlabankinn ábyrgist bankana
upp að ákveðnu marki, m.a. með því
að tryggja þeim lausafé. Bendir
Björgvin á að væri Ísland aðili að
evrópska myntbandalaginu yrði
Seðlabanki Evrópu bakhjarl ís-
lensku bankanna og lánveitandi til
þrautavara.
Ekki þörf á viðbúnaði
Björgvin segir skýrslu Moody’s
um íslenska ríkið vera gleðiefni,
hún bendi á hvað skoða þurfi betur
eftir að íslensku bankarnir hafi náð
ævintýralega miklum vexti. Hann
segist ekki túlka skýrsluna á þann
veg að kasta beri íslensku krón-
unni.
„Ég les út úr henni að íslenska
krónan, þetta litla myntsvæði,
stendur alveg undir þeim ábyrgð-
um sem á hana eru lagðar með út-
rás bankanna og vexti erlendis.
Hins vegar er varað við því í skýrsl-
unni, að ef bankarnir vaxa enn
frekar, sem við gefum okkur að
þeir geri, þurfi að skoða sérstak-
lega hvort krónan sé of lítil og
hvernig bregðast skuli við. Skýrsl-
an er að vísa okkur veginn með já-
kvæðum hætti,“ segir Björgvin.
Hann segir vel fylgst með stöðu
bankanna og Seðlabankans og ekki
hafi verið talin þörf á aukaviðbún-
aði. Seðlabankinn geti uppfyllt þau
þrautarákvæði sem séu til staðar.
Vitnisburður Moody’s
jákvæður um stöðu ríkisins
Viðskiptaráðherra segir Seðlabankann ábyrgjast bankana upp að ákveðnu marki
Björgvin G.
Sigurðsson
Geir H.
Haarde
Eftir Björn Jóhann Björnsson
bjb@mbl.is