Morgunblaðið - 30.01.2008, Blaðsíða 26

26 MIÐVIKUDAGUR 30. JANÚAR 2008 MORGUNBLAÐIÐ
MINNINGAR
✝ Edvard KristinnKristensen
fæddist í Reykjavík
4. nóvember 1919.
Hann lést á Land-
spítalanum í Foss-
vogi að kvöldi 17.
janúar síðastliðins.
Foreldrar hans voru
hjónin Ingibjörg
Þórðardóttir, f.
22.5. 1887, d. 14.1.
1957, frá Efraseli í
Stokkseyrarhreppi
og Arne Kristensen,
f. á Þelamörk í Nor-
egi 22.5. 1890 , d. 7.10. 1953. Systk-
ini Edvards eru Anna Karen, f.
23.5, 1915, látin, drengur , f. 29.6.
1917, látinn, Þórður Marteinn, f.
27.2. 1921, látinn, Hlín Hulda, f.
1.9. 1922, látin, Ásta Kristín, f.
10.12. 1923, látin, Arne Friðrik f,
12.7. 1925, látinn, Baldur Sig-
urður, f. 1.4. 1929, og Sonja Ingi-
björg, f. 9.3. 1931. Systkini sam-
mæðra, Ingvar Hjálmtýr
Sigurðsson, f. 11.1. 1911, látinn, og
Sigurlín Unnur Sigurðardóttir, f.
1971, hann á tvo syni, og Edvard
Kristinn, f. 13.3. 1973. 3) Steinunn,
f. 21.5. 1954, maki Tómas Stef-
ánsson, f. 28.10. 1947, þau eiga tvo
syni, Egil, f. 6.6. 1976, hann á eina
dóttur, og Eyþór, f. 11.10. 1984. 4)
Jón Valgeir, f. 7.10. 1960, dætur
hans og Ingu Guðbjartsdóttur eru
Margrét Lena, f. 19.5. 1987, og
Katrínu Birna, f. 23.5. 1997.
Edvard bjó alla sína ævi í
Reykjavík, sem barn ólst hann upp
á Þormóðsstöðum í Skerjafirði og
bjó þar fram á fullorðinsár. Edv-
ard gekk í Mýrarhúsaskóla og lauk
hefðbundnu skyldunámi. Eftir að
hann kvæntist bjó hann á nokkrum
stöðum í Fossvogi, og yfir þrjátíu
ár í Rjúpufelli 29 í Efra-Breiðholti.
En síðan árið 2000 bjó hann ásamt
konu sinni í Hjallaseli 55 (Selja-
hlíð). Síðasta árið bjó hann einn.
Hann gerðist ungur bifreið-
arstjóri, fyrst hjá Alliance, síðan í
mörg ár leigubílsstjóri hjá Litlu
bílastöðinni, Steindóri og Hreyfli.
Eins keyrði hann langferðabíla á
sumrin. Síðan var hann bifreiða-
stjóri hjá Reykjavíkurborg yfir
þrjátíu ár, uns hann lét af störfum
74 ára að aldri. Útför Edvards
verður gerð frá Fossvogskirkju í
dag, og hefst athöfnin klukkan 13.
3.11. 1913, látin. Syst-
ir samfeðra María
Charlotta, f. 26.10.
1912, látin.
Edvard kvæntist
22.12. 1945 Fjólu
Steingrímsdóttur, f.
21.3. 1924, d. 24.12.
2006. Foreldrar
hennar voru hjónin
Steingrímur Pálsson
vélstjóri, f. 27.3.
1897, d. 27.1. 1987 og
Þorvaldína Kristín
Jónsdóttir, f. 9.9.
1898, d. 30.4. 1990.
Börn Edvards og Fjólu eru: 1)
Kristín, f. 21.9. 1942, maki Guð-
mundur H. Jónsson, f. 26.5. 1943.
Börn þeirra eru: Edvard Hjálmar,
f. 6.7. 1964, hann á tvo syni, Fjóla
Hrönn, f. 26. 1967, hún á einn son,
og Jón Elís, f. 20.1. 1973, látinn,
hann á einn son. 2) Ingibjörg Árný,
f. 1.7. 1946, var gift Guðjóni Brew-
er, þau eiga fjögur börn, þau eru
Kolbrún Fjóla, f. 7.8. 1964, hún á
tvo syni, Róbert Þór, f. 14.2. 1968,
hann á tvö börn, Tómas, f. 20.7.
Allar stundir okkar hér
er mér ljúft að muna.
Fyllstu þakkir flyt ég þér
fyrir samveruna.
(Har. S. Mag.)
Elsku pabbi minn, nú er runnin
upp sú stund sem ég kveið mest fyr-
ir. Að missa þig svona skömmu á eft-
ir mömmu. En öll verðum við að
deyja að lokum.
Þú varst umvafinn börnum og
barnabörnum á dánarbeði þínum, og
er ég þakklát fyrir að hafa verið við-
stödd þó það hafi verið erfitt. Ég
sakna þín mjög mikið og allt verður
öðruvísi en áður.
Ég mun ekki lengur tala við þig í
símann á hverjum degi. Eða fara í
bíltúr með þér upp í kirkjugarð eða
að kaupa rauðmaga eða signa grá-
sleppu. Stundum fórum við upp í
Heiðmörk eða að Hvaleyrarvatni og
höfðum með okkur nesti.
Þau eru svo ótalmörg ferðalögin
sem við fórum öll um landið okkar.
Þá var gist í tjaldi eða sumarbústöð-
um. Oft var farið í berjamó eða í
fjöruferð með ömmu og afa. Eins
fórum við í margar eftirminnilegar
ferðir með Valla og Þóru og stelp-
unum en einnig Öllu og Mumma. Það
var nú oft fjör á skautum með þeim
öllum á Bessastaðatjörn. Oft var
gaman í þessum ferðum. Mikið sung-
ið og leikið sér.
Þú þekktir landið þitt afar vel og
kenndir okkur börnunum þínum að
þekkja það líka. Ég er afar þakklát
fyrir að hafa fengið að ferðast svona
mikið með ykkur.
Þú varst bílstjóri að atvinnu og
hafðir unun af því að keyra. Ókst
bílnum þínum fram í september í
fyrra. Þú varst afskaplega geðgóður
og rólegur maður og gott að vera í
návist þinni. Þú varst nú ekki að æsa
þig neitt þó mamma vildi láta þig
stöðva við hvert kaupfélag í landinu
til að versla. Best þótti þér að hafa
kaffi og smurt brauð með og setjast
út í góða laut og borða.
Gaman þótti þér að fara í veiði-
ferðir og eiga drengirnir mínir
margar góðar minningar með afa.
Þú varst góður kokkur og á undan
þinni samtíð með það að aðstoða við
heimilisstörf og skipta á börnum. Þú
varst mjög barngóður og hændust
öll börn að þér.
Ég vil þakka þér, pabbi minn, hve
duglegur þú varst að hugsa um
mömmu í hennar veikindum.
Ég á ótal minningar um þig sem
komast ekki á blað hérna og ætla að
hafa fyrir mig. Ég trúi því að þú haf-
ir verið tilbúinn í ferðalagið langa og
að nú sértu kominn til mömmu og
allra hinna sem eru farnir á undan.
Ég vona að þú og mamma verðið
verndarenglarnir mínir og barna
minna. Vertu nú Guði falinn.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Ég vil votta systkinum mínum,
börnum mínum og barnabörnum og
öðrum ættingjum pabba samúð
mína. Guð veri með þér, elsku pabbi.
Þín dóttir
Ingibjörg Árný.
Elsku pabbi, það er erfitt að
kveðja eftir öll þessi ár og ekki síst
fyrir það að það er bara rúmt ár síð-
an mamma kvaddi. En ég er þakklát
fyrir að þú hélst andlegri heilsu þinni
til síðustu stundar, en líkaminn var
orðin lúinn. Þú keyrðir fram í sept-
ember og eldaðir sjálfur það sem þér
þótti gott. Maður gleymdi því oft
hvað þú varst orðinn mikið fullorð-
inn. Ég og mín fjölskylda eigum mik-
ið af góðum minningum því við fór-
um í ótal ferðalög bæði stutt og löng,
en bara innanlands því til útlanda
sagðist þú ekkert hafa að sækja.
Þekktir landið þitt mjög vel en þó
sérstaklega Suður- og Vesturland,
og búum við fjölskyldan öll að þeirri
þekkingu. Hér áður fyrr var mikið
gist í tjöldum en hin seinni ár í sum-
arhúsum og bændagisting notuð. Ég
hafði alveg sérstaklega gaman af
ferðinni okkar norður á Strandir því
þar hafðir þú unnið sem ungur mað-
ur á síldarvertíð á Djúpavík nokkur
sumur og var gaman að upplifa
gamlar minningar þarna með þér.
Þú varst alltaf svo hress og kátur og
fannst upp á ýmsu skemmtilegu og
var oft mjög gaman að hlusta á þig
segja frá, þá var oft hlegið dátt, og
eins og sonur minn sagði; hann afi er
sögumaður góður. Þú og mamma
höfðuð góðar söngraddir og var mik-
ið sungið á ferðalögunum bæði í bíln-
um og á tjaldstað. Eitt er það lag
sem ég hafði alveg sérstakt dálæti á
að hlusta á þig syngja en það er Öku-
ljóð, Áfram veginn í vagninum ek eg,
og ég veit að ég mun ætíð minnast
þín þegar ég heyri það. Sem ungur
maður var það ætlun þín að verða
flugmaður en því miður gat það ekki
orðið, því þú lentir í mjög alvarlegu
brunaslysi sem barn og barst þess
alltaf merki, þú brenndist í andliti og
höndum og víðar og þurftir að dvelja
lengi á sjúkrahúsi. En þú lést þetta
ekki aftra þér frá að gera flest það
sem þig langaði til. Þú varst alveg
ótrúlega flinkur að gera við bíla og
naut fjölskyldan oft góðs af því og
aðrir líka, þú fórst alveg sérlega vel
með þá bíla sem þér var trúað fyrir í
starfi og það sama gilti um þína eigin
bíla, þú varst mjög farsæll í starfi.
Tommi þakkar sérstaklega allar
veiðiferðirnar, bæði skot- og stang-
veiði. Þið genguð mikið í þessum
ferðum og var margt spjallað. Eins
varstu hinn besti kokkur og er brúna
sósan og rúllupylsan eftirminnileg,
þeirra verður sárt saknað og margs
annars. Við bjuggum úti á landi bæði
í Vestmannaeyjum og á Grenivik og
heimsóttuð þið mamma okkur þang-
að en eftir að við fluttum í bæinn var
farið í ferðir og í mörg ár fórum við
alltaf saman um verslunarmanna-
helgar í sumarbústað, síðast 2005. Í
ágúst síðastliðnum fórum við í bú-
stað í Borgarfirði og fórum víða því
þetta var ferðin þín; við fórum út á
Snæfellsnes, skoðuðum nýju brúna
yfir Gilsfjörð, fórum yfir gömlu
Borgararfjarðarbrúna og alla vikuna
vorum við í sól og blíðu, þetta var góð
ferð. Svo fórum við tvö í síðasta bíl-
túrinn þinn núna í nóvember, eins
héldum við fjölskyldan góða afmæl-
isveislu heima hjá þér 4. nóv. og var
það í síðasta sinn sem stórfjölskyld-
an hittist öll hjá þér.
Ástarþakkir fyrir allt, pabbi minn,
Guð geymi þig og mömmu.
Þín dóttir
Steinunn og fjölskylda.
Elskulegur faðir minn og minn
besti ferðafélagi er fallinn frá eftir
nokkurra vikna legu á spítala, en
ekki var hann ósáttur við að hverfa
frá þessum heimi okkar, enda búinn
með sinn kvóta hér hjá okkur. Hve
langt ég man aftur í tímann læt ég
reyna á, en það sem ég man fyrst eft-
ir er að við áttum heima í Fossvog-
inum innan um hesta, hænur og ýmis
önnur dýr. Ég tala nú ekki um eld-
gamlan Fiat sem mig minnir að hafi
verið fyrsti ferðabíllinn sem ég og
systkinin fórum í ferðalög saman á,
ég þá mjög ungur. En ferðalög og
veiði var það sem heillaði pabba
mest af öllu og að vera innan um og
meðal vina. Faðir minn brenndist
mjög illa á höndum þegar hann var
ungur drengur og átti það slys sinn
þátt í því að ekki gat hann lært til
flugmanns, eins og hann ætlaði sér,
mikill fræðimaður um flugvélar og
flugsögu Íslands, enda alinn upp við
flugvöllinn hér í Reykjavík.
Eins og ég sagði frá hér í byrjun
höfum við pabbi farið í óteljandi
veiðiferðir saman, en hér áður fyrr
var farið mikið austur í Langalæk í
Holtum, en þær ferðir voru ansi
skrautlegar fyrir margar sakir, en ef
ég tel lauslega þær ferðir sem við
fórum í á þessum 30 árum í Langa-
læk hafa þær verið ca. 180 talsins.
Fyrir utan allar hinar veiðiferðirnar
sem farnar voru. En aldrei man ég
eftir því í öll þessi ár að við höfum
komið fisklausir heim, enda sá gamli
með afbrigðum fiskinn og þrjóskari
en allt þrjóskt er og mikill og góður
félagi.
Pabbi var mjög fróður um landið
okkar og staðhætti enda búinn að
ferðast mjög mikið. Pabba leið alltaf
best þegar hann var á flakki um
Edvard Kristensen
✝
Elskulegur sambýlismaður minn, sonur, faðir,
tengdafaðir og afi,
ÍVAR GEIRSSON,
Sóleyjarrima 73,
Reykjavík,
sem lést sunnudaginn 20. janúar, verður jarð-
sunginn frá Fríkirkjunni í Reykjavík fimmtudaginn
31. janúar kl. 13.00.
Bjarney Ólsen Richardsdóttir,
Ólafía Sigurðardóttir,
Anna Rós Ívarsdóttir, Steindór Guðmundsson,
Ólafía Björk Ívarsdóttir, Ragnar Miguel Herreros,
Ívar Örn Ívarsson, Karen Daðadóttir,
Ásta Steindórsdóttir,
Aron Elí Ragnarsson.
✝
Faðir okkar,
KARL LEVÍ JÓHANNESSON,
Seljavegi 11,
Reykjavík,
andaðist á heimili sínu laugardaginn 19. janúar.
Útförin fer fram frá Fossvogskirkju fimmtudaginn
31. janúar kl. 13.00.
Fyrir hönd aðstandenda,
Jóhann Z. Karlsson,
Hera M. Karlsdóttir Toutai,
Karl Karlsson,
Hörður Karlsson,
Sigríður Karlsdóttir,
Kristján Jóhannes Karlsson,
Kristín Sigurbjörg Karlsdóttir.
✝
Ástkær eiginmaður minn, faðir okkar, tengdafaðir
og afi,
KRISTINN GUÐNASON,
Furugerði 1,
áður Bólstaðarhlíð 33,
Reykjavík,
andaðist á Landspítalanum við Hringbraut laugar-
daginn 26. janúar.
Útför hans verður gerð frá Háteigskirkju
þriðjudaginn 5. febrúar kl. 13.00.
Blóm og kransar afþakkaðir en þeim sem vilja
minnast hans er bent á líknarstofnanir.
Ólína Kristjánsdóttir,
Guðni Kristinsson, Dagbjört Þyri Þorvarðardóttir,
Kristján Kristinsson, Birna Guðbjörnsdóttir
og barnabörn.
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Yvonne Tix
✝
Elskulegur eiginmaður minn, stjúpfaðir og bróðir,
SVANBERG INGI RAGNARSSON
bifreiðastjóri,
Kirkjuvegi 11,
Keflavík,
verður jarðsunginn frá Keflavíkurkirkju föstudaginn
1. febrúar kl. 14.00.
Blóm og kransar afþakkaðir en þeim sem vildu
minnast hans er bent á Krabbameinsfélag Suðurnesja.
Karen Sigurðardóttir,
Guðmundur Kr. Þórðarson,
Þóra T. Ragnarsdóttir.