Morgunblaðið - 30.01.2008, Blaðsíða 15
MORGUNBLAÐIÐ MIÐVIKUDAGUR 30. JANÚAR 2008 15
MENNING
FÉLAG íslenskra fræða
heldur fyrsta rannsókn-
arkvöld vormisseris annað
kvöld, 31. janúar, kl. 20, í
húsi Sögufélagsins, Fisch-
ersundi 3.
Þá flytur Jón G. Frið-
jónsson prófessor erindið
Það skal vanda sem lengi á
að standa: Um biblíuþýð-
inguna nýju. Í erindinu
verður fjallað um málfar,
framsetningu, stíl og myndmál í nýju Biblíunni
og leitast við að sýna fram á að þessum atrið-
um sé þar verulega áfátt og því fari fjarri að
þar sé fylgt íslenskri biblíumálhefð. Jón er
prófessor í íslensku máli við Háskóla Íslands.
Málfar í nýju bibl-
íuþýðingunni
Jón G.
Friðjónsson
Guðfræði
ARNFRÍÐUR Guðmunds-
dóttir dósent í guðfræði við
Háskóla Íslands heldur fyr-
irlestur á vegum Vísinda-
félags Íslendinga í Norræna
húsinu í kvöld kl. 20. Fyr-
irlesturinn ber yfirskriftina
Lúther og konurnar: Um
áhrif siðbótar Marteins
Lúthers á líf kvenna. Nýjar
áherslur í guðfræði Lúthers
á fyrri hluta 16. aldar höfðu
víðtæk áhrif á líf fólks í samfélögum þar sem
siðbótin festi rætur. Í þessum fyrirlestri verð-
ur sérstaklega hugað að hugmyndum Lúthers
um konur og þeim áhrifum sem siðbótin hafði á
konur og hlutverk þeirra. Allir velkomnir.
Guðfræði
Arnfríður
Guðmundsdóttir
Áhrif Lúthers
á líf kvenna
BAÐSTOFUKVÖLD verð-
ur í gamla bænum í Laufási í
Eyjafirði annað kvöld, 31.
janúar, kl. 20. Þór Sigurð-
arson, safnvörður á Minja-
safninu á Akureyri, mun
leiða gesti frá bæjardyr-
unum inn göngin og segja
frá fyrirburðum sem urðu í
bæjargöngum áður fyrr.
Leiðin endar í baðstofunni
þar sem Þór segir þjóðlegar
draugasögur sem gerðust innan torfbæja.
Vegna takmarkaðs sætarýmis er fólk hvatt til
þess að panta sér sæti eftir kl. 17 í dag í síma
463-3104. Aðgangseyrir er 500 kr. Kaffi eða
kakó og hjónabandssæla fást gegn vægu gjaldi.
Þjóðfræði
Þjóðlegar drauga-
sögur í baðstofu
Gamli bærinn
í Laufási.
BÓKIN Heilagra karla sög-
ur er komin út hjá Bók-
menntafræðistofnun Há-
skóla Íslands. Þetta eru
sögur tólf dýrlinga frá mið-
öldum, flestar þýddar eða
endursagðar úr latínu eða
lágþýsku. Sögurnar eru all-
ar gefnar út eftir handritum
frá 14., 15. og 16. öld og
prentaðar með nútímastaf-
setningu.
Þetta er í fyrsta sinn sem helgisögur af
þessu tagi eru gefnar út á Íslandi. Sverrir
Tómasson, Bragi Halldórsson og Einar Sig-
urbjörnsson sáu um útgáfuna en henni fylgir
rækilegur inngangur um helgisagnagerð.
Bókmenntir
Heilagra karla
sögur komnar út
Heilagra
karla sögur.
Eftir Bergþóru Jónsdóttur
begga@mbl.is
AMMA, viltu koma með mér á nám-
skeið? Þannig gætu þau hafa spurt
krakkarnir í Breiðholtinu sem tóku
þátt í myndlistarnámskeiði í Gerðu-
bergi á dögunum - nema að amma
eða afi hafi orðið fyrri til.
Berglind Jóna Hlynsdóttir mynd-
listarmaður var leiðbeinandi á nám-
skeiðinu og nú á laugardaginn kl. 15
verður opnuð sýningin Hið breiða
holt, með afrakstri vinnu tíu para af
unglingi og afa eða ömmu. Að sögn
Berglindar var það misjafnt hvort
unglingur skráði sig og fékk afa eða
ömmu með sér; eða hvort það var af-
inn eða amman, sem fékk svo ung-
ling með sér; par skyldi þetta alla
vega vera.
„Þetta er samstarfsverkefni milli
mín, Gerðubergs, unglinga og eldri
borgara í Breiðholtinu,“ segir Berg-
lind, en hún er sýningarstjóri Hins
breiða holts. Hún segir verkefnið
áhugavert frá ýmsum sjónar-
hornum. „Við erum til dæmis að
kanna mörk þess að vera atvinnu-
manneskja og áhugamanneskja, því
þátttakendurnir á námskeiðinu taka
myndir hverjir af öðrum og ég tek
svo myndir af þeim saman. Þannig
erum við til dæmis að skoða muninn
á því þegar nákominn ættingi tekur
mynd af þér annars vegar, eða ein-
hver utanaðkomandi.“
Sýningin er sett þannig upp að
hvert par unglings og afa eða ömmu
er sýnt í myndþrennu. Í miðjunni er
myndin sem Berglind tók af þeim
saman en sitt hvoru megin eru
myndirnar af einstaklingunum,
teknar af þeim, eins og myndirnar
hér að ofan eru.
„Hliðarhluti sýningarinnar verð-
ur hér í lengri salnum en þar eru
myndir sem unglingarnir, afar
þeirra eða ömmur hafa tekið af
Breiðholtinu. “
Hið breiða holt kynslóðanna
Ljósmyndasýning opnuð í Gerðubergi með verkum sem afar, ömmur og unglingar hafa unnið að
saman Tíu pör sem samanstanda af unglingi og afa eða ömmu sóttu námskeið fyrir sýninguna
Ljósmyndarinn Guðni og Hildur á mynd Berglindar. Hún skráði umsagnir
þátttakendanna um verkefnið. Í einni þeirra sagði: „Ég er í nánu sambandi
við barnabarnið mitt en þátttaka í verkefninu styrkti það enn meira.“
Stelpan Myndina tók afi, Guðni
Þorsteinsson, af barnabarni sínu
Hildi Björk Scheving.
Afinn Þessa mynd tók stelpan,
Hildur Björk Scheving, af afa sín-
um Guðna Þorsteinssyni.
PEKKA Kuusisto, einn mesti fiðlu-
leikari Norðurlandanna og þótt víð-
ar væri leitað, verður gestur tón-
listarhátíðarinnar Við Djúpið sem
að vanda verður haldin um sum-
arsólstöður. Pekka Kuusisto vakti
athygli umheimsins þegar hann
sigraði í Síbelíusarkeppninni í
heimalandi sínu, Finnlandi, árið
1995, aðeins 19 ára. Á hátíðinni Við
Djúpið leiðbeinir hann nemendum í
masterklassa og leikur á tónleikum.
Pekka hefur leikið úti um allan
heim með mörgum þekktustu
hljómsveitunum undir stjórn virtra
hljómsveitarstjóra. Hann hefur
leikið með Sinfóníuhljómsveitunum
í Chicago, Detroit, Cleveland og
Fíladelfíu; Konunglegu fílharm-
óníusveitinni í Stokkhólmi, Fíl-
harmóníuhljómsveit Hollands,
Þýsku sinfóníunni í Berlín og sín-
fóníuhljómsveitinni í Birmingham.
Hann hefur leikið undir stjórn
manna á borð við Valery Gergiev,
Yuri Termirkanov, Vladimir
Ashkenazy og Osmo Vänskä. Pekka
er líka á kafi í kammermúsík, þjóð-
lagatónlist, djassi og raftónlist. Eitt
af hugðarefnum hans er finnsk
fiðlumúsík frá 16. og 17. öld.
Kuusisto við Djúpið
Fantagóður Pekka Kuusisto spilar og kennir á hátíðinni Við Djúpið í sumar.
TENGLAR
.....................................................
www.viddjupid.is