Tímarit lögfræðinga - 01.08.1980, Síða 45

NÍUNDI FRÆÐAFUNDUR EVRÓPURÁÐSINS
UM LÖGFRÆÐI
Á vegum EvrópuráSsins hafa verið haldnir fræðafundir um ýmis lögfræði-
leg efni, sem þótt hafa sérstaklega mikilvæg fyrir rétt aðildarríkja ráðsins.
Var fyrsti fundurinn haldinn á árinu 1969. Fer hér á eftir skrá um fundina sem
á ensku eru nefndir „Colloquies on European Law“:
1. London, 1969.
2. Aarhus, 1971.
3. Wurzburg, 1972.
4. Vínarborg, 1974.
5. Lyon, 1975.
6. Leiden, 1976.
7. Bari, 1977.
8. Neuchátel, 1978.
9. Madrid, 1979.
„Bætur fyrir ófjárhagslegt tjón.“
„Gagnkvæm milliríkjaaðstoð í stjórnsýslumálum."
„Bótaábyrgð vinnuveitanda vegna athafna starfsmanna
hans.“
„Lögráð og forsjá barna.“
„Skaðabótaskylda lækna.“
„Lögfræðiþjónusta fyrir efnalítið fólk, einkum í borgum."
„Þátttaka almennings í undirbúningi löggjafar og stjórn-
valdsákvarðana."
„Staðlaðir samningsskilmálar."
„Bótaábyrgð ríkis og sveitarfélaga."
Næsti fræðafundur í þessari fundaröð verður haldinn á þessu ári (1980) í
Liége, og verður þar fjallað um lögfræðileg sjónarmið varðandi vísinda-
rannsóknir. Af hálfu íslands hefur aðeins verið tekið þátt í sumum fundanna.
Hlutverk funda þessara er fyrst og fremst fræðilegt. Þeim er ætlað að
kynna gildandi rétt Evrópuríkja, m. a. með samanburði á reglum hinna ýmsu
ríkja, og að vera vettvangur fræðilegrar athugunar á réttarreglum og skoð-
anaskipta fræðimanna. Á fundunum eru því ekki gerðar neinar ályktanir, en
í Iok (Deirra eru dregnar saman helstu niðurstöður. Geta niðurstöðurnar að
sjálfsögðu falið í sér veigamiklar ábendingar fyrir þá aðila, sem hafa bein
áhrif á stefnumörkun á sviði lagasetningar.
Níundi fræðafundur Evrópuráðsins um lögfræði var haldinn í Madrid 2.—4.
október 1979. Fóru fundarstörf fram í húsakynnum lagadeildar Complutense
háskólans. Forseti fundarins var prófessor E. Garcia de Enterria frá Madrid.
Reglulegir þátttakendur voru 41, en auk þeirra voru á fundinum í boði
háskólans allmargir spænskir lögfræðingar. Undirritaður sat fundinn sem
fulltrúi íslands.
Viðfangsefni fræðafundarins var BótaábyrgS ríkis og sveitarfélaga vegna
tjóns af völdum starfsmanna þeirra eða stjórnsýsluaðila. Var viðfangsefninu
skipt í eftirtalda fjóra þætti:
(1) Ábyrgðarsviðið. Framsögu um það efni hafði Dr. Bender, prófessor í
háskólanum í Freiburg.
(2) Bótagrundvöllur. Frummælandi var Leguina, prófessor í San Sebastian.
(3) Hvað bætt skuli og hvernig. Framsögumaður var Dr. Schwarzenbach,
dómari við stjórnsýsludómstólinn í Zurich.
(4) Bótaskyldir aðilar. Frummælandi um þetta efni var Wade, prófessor í
stjórnarfarsrétti í Cambridge.
Þessir fjórir meginþættir voru ræddir hver í sínu lagi á sameiginlegum
fundum allra þátttakenda fyrstu tvo fundardagana. Síðasta daginn var enn
107