Tímarit lögfræðinga - 01.09.1982, Blaðsíða 52
hann máli sínu til áfrýjanda, sem var þarna staddur, og minnti á, að allir
dómendur væru sammála eftir gaumgæfilega skoðun málsins.
í viðræðum við dómara landsréttarins kom fram, að umtalsverðum fjölda
mála lyki með dómsátt eftir aðalflutning, og var svo að skilja á hinum dönsku
dómurum, að vandræðaástand myndi ríkja, ef þessu úrræði væri ekki til að
dreifa. Þeir viðurkenndu, að stundum væri nokkuð djarflega teflt í þessu
efni, en stuðningur lögmannastéttarinnar væri ótvíræður. Færi ekki á milli
mála, að árangur af þessu væri almennt álitinn góður.
Miðvikudaginn 7. október var Hæstiréttur Danmerkur heimsóttur, en hann
er eins og margir vita til húsa í einni álmu Christiansborgarhallarinnar. For-
seti hæstaréttar Mogens Hvidt og Jörgen Gersing hæstaréttardómari tóku
á móti hópnum. Eftir stutta en greinargóða kynningu á sögu og starfsemi
réttarins var hlustað á málflutning, en þar var um að ræða mál, sem ,,for-
brugerombudsmanden“ hafði höfðað gegn hljómflutningstækjafyrirtæki
nokkru vegna óréttmætra verslunarhátta. Dómur sjó- og verslunardóms
Kaupmannahafnar hafði fallið umboðsmanni neytenda í vil, en fyrirtækið
áfrýjaði. Ræða lögmanns þess var býsna löng og lauk ekki fyrr en laust
fyrir hádegið, og var þá Ijóst, að málflutningi yrði fram haldið eftir hádegis-
verðarhlé. I hádegisverðarboði, sem gestunum var haldið, bar margt á góma
í viðræðum. Má þar nefna, að Sigurður Helgason sýslumaður vék tali sínu
að málflutningnum um morguninn, en viðmælandi hans var H. C. Schaum-
burg hæstaréttardómari, sem var dómforseti í málinu. Kvað Schaumburg
nokkuð mikið mál gert út af ekki merkilegra sakarefni, en okkur Sigurði
þótti það einkar athyglisvert, að hann var ómyrkur í máli og sagði berum
orðum, að dómur sjó- og verslunardómsins yrði sjálfsagt staðfestur.
Að loknum málsverðinum voru okkur sýnd húsakynni réttarins og skýrt
nánar frá starfi hans og sögu. Var fróðlegt að kynnast nokkuð þessari gömlu
stofnun, sem í tæplega þrjár aldir var Hæstiréttur Islands.
Eldsnemma daginn eftir fórum við á flugbáti yfir Eyrarsund til Málmeyjar,
og heimsóttum Hovrátten över Skáne och Blekinge, sem er áfrýjunardómstóll
og héraðsdómstól Málmeyjar, Malmö Tingsrátt. Var fyrst farið í hovrátten, en
hann er í nýju og veglegu dómhúsi við Malmöhusvágen. Eftir nokkra kynningu
á starfsemi dómstólsins og skipulagi var fylgst með réttarhöldum fram undir
hádegið. Jafnframt skoðuðum við okkur um í húsinu og kynntum okkur eftir
föngum starfsemina almennt. Það vakti athygli okkar þarna, hve vel var búið
að dómstólnum hvað húsakynni áhrærði og ýmiss konar tæknibúnaði og hve
almennt starfslið var fjölmennt og skipulag allt traust og í föstum skorðum. i
réttarhaldi í opinberu máli hlustuðum við á, er vitni nokkurt var yfirheyrt gegn-
um síma, en þetta mun vera sænskt nýmæli og óþekkt annars staðar. Kom
fram í umræðum á eftir, að þetta úrræði er mjög mikið notað í Svíþjóð, og
töldu Svíarnir, að góð reynsla væri af þessu.
Eftir veglegt hádegisverðarboð, sem haldið var sameiginlega af dóm-
forsetum áfrýjunardómstólsins og héraðsdómstólsins, heimsóttum við tings-
rátten, en hann er til húsa í gömlu ráðhúsi borgarinnar. Fylgdumst við með
réttarhöldum í ýmsum málum fram eftir degi. Fannst okkur mikið til koma
um aðbúnað allan og tæknivæðingu svo og skipulag. Snerum við til baka
yfir sundið um kvöldmatarleytið eftir vel heppnaða Svíþjóðarheimsókn, og
var nú hinni eiginlegu dagskrá lokið.
94