Tímarit lögfræðinga - 01.09.1982, Blaðsíða 56

Viðar Már Matthíasson, lÖgfræðingur, tilnefndur af Sjómannasambandi ís-
lands, og Þórhallur Helgason, framkvæmdastjóri, tilnefndur af Félagi íslenskra
botnvörpuskipaeigenda.
Verkefni nefndarinnar er viðamikið, þar sem um er að ræða heildarend-
urskoðun stórra lagabálka, en nefndinni var þó falið að hraða störfum
eftir því sem unnt er. í erindisbréfi nefndarinnar er sérstök áhersla lögð á,
að endurskoðuð verði núgildandi ákvæði um ,,réttindi og skyldur sjómanna
og útvegsmanna í veikinda- og slysatilfellum sjómanna svo og um líf- og
öryggistryggingu sjómanna og gildissvið þeirra trygginga".
Fram til þessa hefur nefndin lagt megináherslu á endurskoðun sjómanna-
laga og standa vonir til, að hún geti nú í haust lagt fyrir ráðuneytið frum-
varp til nýrra sjómannalaga. Jafnframt hefur þó verið unnið að undirbúningi
endurskoðunar siglingalaga, og mun nefndin einbeita sér að því verkefni,
þegar lokið hefur verið við endurskoðun sjómannalaga.
islensku siglingalögin sættu allverulegum breytingum árið 1963 en síðan
hafa aðeins verið gerðar á þeim fáar og takmarkaðar breytingar. Á síðustu
tveim áratugum hafa hins vegar verið gerðar veigamiklar breytingar á sigl-
ingalögum annarra Norðurlandaþjóða og hafa þær verið undirbúnar í nor-
rænni samvinnu. islensk stjórnvöld hafa til þessa ekki tekið þátt í þeirri
samvinnu, en við þá endurskoðun íslensku siglingalaganna, sem nú stendur
fyrir dyrum, verður væntanlega haft verulegt mið af hliðstæðri löggjöf grann-
þjóðanna, enda mikilvægt að samræmi sé um löggjöf siglingaþjóða á þessu
sviði.
Sérstök nefnd á vegum Samgönguráðuneytis, undir forystu Kristins Gunn-
arssonar deildarstjóra, skilaði á liðnu vori frumvarpi til breytinga á núgild-
andi lagareglum um björgun skipa og um björgunarlaun. Á vegum ráðu-
neytisins hefur jafnframt verið unnið að endurskoðun lagaákvæða um atvinnu-
réttindi á íslenskum skipum og á næstunni munu lög um lögskráningu sjó-
manna einnig verða tekin til endurskoðunar.
Páll SigurSsson
29. NORRÆNA LÖGFRÆÐINGAÞINGIÐ
29. norræna lögfræðingaþingið var haldið í Stokkhólmi 19.-21. ágúst 1981.
Voru þá að vanda 3 ár frá næsta þingi á undan. Þátttakendur voru 1.504, þar
af 392 makar lögfræðinga. Fundarstaður var ,,Stockholmsmássan“ í Álvsjö,
úthverfi sænsku höfuðborgarinnar.
Sten Rudholm, forseti Svea hovrátt, setti þingið. Hann var síðar kosinn
forseti þess, en framkvæmdastjórar voru Ove Sköllerholm og Stefan Ström-
berg. Á setningarfundinum var í fyrsta skipti úthlutað lögfræðingaverðlaunum
Norðurlanda, sem veitt eru með framlagi frá stofnun Knut og Alice Wallen-
berg. Svíakonungur afhenti verðlaunin Johannes Andenæs prófessor frá Osló,
en hann hefur sem kunnugt er verið í fremstu röð fræðimanna í lögfræði á
Norðurlöndum í 40 ár. Verðlaunin voru heiðursskjal og 50.000 sæsnskar krón-
ur. Landsdeildir norrænu lögfræðingasamtakanna gerðu tillögur um verðlauna-
veitinguna, en ákvörðun tók sænsk stofnun, ,,Institutet för ráttsvetenskaplig
forskning". Þá flutti sænski lagaprófessorinn Stig Strömholm fyrirlestur fyrir
98