Tímarit lögfræðinga - 01.09.1982, Blaðsíða 55
RITHÖFUNDAÞING UM HÖFUNDARÉTT
Rithöfundaþing um höfundarétt var haldið í Norræna húsinu laugardaginn
24. apríl s.l. að viðstöddum forseta islands, Vigdísi Finnbogadóttur, og
menntamálaráðherra, Ingvari Gíslasyni, sem ávarpaði þingið.
Gaukur Jörundsson prófessor, dr. juris, flutti erindi um almennan höfunda-
rétt að því er varðar rithöfunda, og Ragnar Aðalsteinsson hrl., lögmaður Rit-
höfundasambandsins, talaði um höfundarétt og nýja tækni til fjölföldunar og
dreifingar hugverka. Að loknu hádegishléi fóru fram umræður og fyrirspurn-
um var svarað.
Ályktun var samþykkt svohljóðandi:
„Rithöfundaþing 1982 ályktar að ekki verði lengur unað við að fræðslu-
yfirvöld, skólar og einstakir kennarar þverbrjóti höfundalög með ólögmætri
fjölföldun, dreifingu og jafnvel sölu verndaðra ritverka.
Þingið felur stjórn Rithöfundasambands íslands að beita öllum tiltækum
ráðum til að stöðva slík lögbrot og tryggja réttöfum bætur fyrir það augljósa
fjárhagstjón sem þeir hafa orðið fyrir.“
( Úr fréttatilkynningu frá Rithöfundasambandi íslands 27. apríl 1982).
ALÞJÓÐARÁÐSTEFNA
UM ÞRÓUN ÞJÓÐARÉTTAR
Þann 9.-18. júní 1981 var haldin í Uppsölum í Svíþjóð alþjóðaráðstefna um
þróun þjóðaréttar og nýja heimsskipan (Joint Seminar on International Law
and Organization for a New World Order.) Ráðstefna þessi var skipulögð af
Uppsalaháskóla og fræðslustofnun Sameinuðu þjóðanna, UNITAR. Alls sóttu
um 70 fræðimenn og dómarar ráðstefnuna, þ. á m. fjórir dómarar Alþjóða-
dómstólsins í Haag. Skipuleggjandi ráðstefnunnar var próf. Atli Grahl-Madsen,
þáverandi prófessor í þjóðarétti í Uppsölum, en nú við háskólann í Bergen.
Formanni Lögfræðingafélagsins, Gunnari G. Schram, var boðin þátttaka í ráð-
stefnunni og flutti hann erindi um efnið: Legal and Organizational Problems of
Small States.
ENDURSKOÐUNSJÓMANNALAGA
OG SIGLINGALAGA
Þann 8. september 1981 skipaði samgönguráðherra nefnd til að endur-
skoða núgildandi siglingalög nr. 66/1963 og sjómannalög nr. 67/1963. i
nefnd þessari eiga nú sæti: dr. Páll Sigurðsson, dósent, sem er formaður
nefndarinnar, Jón H. Magnússon, lögfræðingur, tilnefndur af farmskipa-
eigendum, Jónas Haraldsson, skrifstofustjóri, tilnefndur af Landssambandi
íslenskra útvegsmanna, Ingólfur Stefánsson, framkvæmdastjóri, tilnefndur af
Farmanna- og fiskimannasambandi íslands, Guðmundur Hallvarðsson, for-
maður Sjómannafélags Reykjavíkur, tilnefndur af Sjómannasambandi íslands,
97