Tímarit lögfræðinga - 01.09.1982, Blaðsíða 54

ingamálaráðuneytinu, Guðrún Helgadóttir, alþingismaður, og Hjalti Zóphónías-
son, deildarstjóri í dómsmálaráðuneytinu.
í fundarlok var gefin út sameiginleg fréttatiIkynning, þar sem ríkisstjórnir
Norðurlandanna voru ásáttar um að herða baráttuna gegn fíkniefnanotkun
á Norðurlöndum, m.a. með eftirfarandi aðgerðum:
Stefnt er að því markmiði að gera Norðurlöndin að fíkniefnalausu svæði.
Samvinna milli lögreglu- og tollyfirvalda verði aukin.
Ríkisstjórnirnar telja að um samnorrænt vandamál sé að ræða.
Ríkisstjórnirnar fagna því að starf lögreglumanna, sem sendir eru til starfa
erlendis að þessum málum, skili góðum árangri.
Norrænu tengslanefndinni um fíkniefnavandamálið hefur verið falið það
verkefni að gera tölfræðilegan samanburð, svo að unnt sé að bera saman
þróun fíkniefnaneyzlu og afbrotastarfsemi er tengist þessari neyzlu á Norður-
löndum.
Skipzt verður á upplýsingum um reynslu af mismunandi aðferðum við með-
ferð sjúklinga.
Norræni ráðherrafundurinn vekur athygli á því að afstaða almennings til
fíkniefnaneyzlu virðist breytast hægt og sígandi gegn neyzlu.
Ríkisstjórnirnar eru ásáttar um að beita sér í auknum mæli gegn fíkni-
efnadreifingu og reynt verði að uppræta þá markaði sem eru til staðar á
Norðurlöndum.
Finnar og íslendingar hafa nokkra sérstöðu, því þar er útbreiðsla hættu-
legri fíkniefna miklu minni en í Danmörku, Noregi og Svíþjóð, en áfengis-
vandamálið er hins vegar jafnmikið.
Eftirlit með dreifingu og sölu fíkniefna verður hert, hjá lögreglu og toll-
yfirvöldum t.d.
— með notkun sameiginlegs tæknibúnaðar
— með skiptum á starfsmönnum
— með samræmdri menntun
I undirbúningi er að lögregla og tollyfirvöld kanni eftir hvaða leiðum fíkni-
efni berast til Norðurlanda og hvernig að dreifingu þeirra er staðið. Að auki
verður stofnað til námskeiða fyrir lögreglu og tollverði til þess að efla sam-
vinnuna enn frekar.
Ráðherrarnir létu í Ijós áhyggjur yfir þeirri fölsku mynd sem reynt er að
læða inn hjá almenningi að kannabis sé hættulaust. Þvert á móti hafa rann-
sóknir sýnt að kannabis er mjög skaðlegt.
Norrænu tengslanefndinni um fíkniefnavandamálið, sem ísland á ekki full-
trúa í, var m.a. falið
1) að hvetja til fræðslu um neikvæð áhrif flkniefnaneyzlu
2) að kynna niðurstöður rannsókna um skaðsemi fíkniefna, m.a. kannabis.
Norrænu áfengis- og lyfjarannsóknanefndinni, sem fulltrúar islands hafa
átt sæti í, var falið að auka rannsóknir á umfangi misnotkunar á vímugjöfum,
hvaða meðferð sjúklingum stendur til boða og hvernig samstarfi meðferðar-
stofnana er háttað.
Norðmenn og Svíar deildu nokkuð á Dani fyrir að herða ekki tökin varðandi
Christianíu í Danmörku, en að fengnum skýringum frá Dönum, ályktaði fund-
urinn ekki sérstaklega um hana.
(Fréttatilkynning frá dómsmálaráðherra 12. mars 1982.)
96