Tímarit lögfræðinga - 01.11.1985, Qupperneq 11

löndum þar sem höfundaréttur var á annað borð á dagskrá. f Frakklandi
stóð vagga höfundaréttarfélaganna svo sem réttarins sjálfs.
Þegar á árinu 1776 var stofnað þar í landi félag leikritahöfunda og
tónskálda, Société des Auteurs et Compositeurs Dramatiques og á sama
ári félag franskra rithöfunda, Société des Gens de Lettres. Hið volduga
franska STEF, Société des Auteurs et Compositeurs et Editeurs de
Musique (SACEM) eða „móðir“ SACEM, svo sem frönskum tón- og
textahöfundum er tamt að nefna félág sitt, var einnig stofnað í árdaga
höfundaréttarins eða þegar á árinu 1851.
Fyrsta alþjóðlega höfundafélagið, Association Littéraire et Artistique
Internationale (ALAI), sem enn starfar af fullum krafti og stofnað
var á árinu 1878, hafði og hefur innan sinna vébanda höfunda, vísinda-
menn og listamenn hvaðanæva að úr heiminum. Þetta félag átti hvað
mestan þátt í stofnun Bernarsambandsins á árinu 1886, og er það eitt
af fjölmörgum dæmum þess hversu ríka þýðingu skipulögð hagsmuna-
gæsla hefur fyrir framvindu höfundaréttarins. Þá þykir mér sjálfsagt
í þessu sambandi að minnast á annað alþjóðlegt félag á sviði höfunda-
réttar, sem mjög hefur látið til sín taka síðustu áratugina og byggt er
upp á svipaðan hátt og ALAI, en hér á ég við hið þróttmikla Inter-
nationale Gesellschaft fur Urheberrecht, og síðast en ekki síst ber að
nefna sjálft Alþjóðasamband höfunda, Confédération Internationale
des Sociétés d’Auteurs et de Compositeurs, CISAC, sem stofnað var á
árinu 1926. Alþjóðasambandið starfar í fimm deildum og þingar
réglulega á tveggja ára fresti. Deildir alþjóðasambandsins eru þessar:
Sigurður Reynir Pétursson lauk lagaprófi frá
Háskóla íslands árið 1946 og var skipaður full-
trúi í menntamáiaráðuneytinu sama ár. Hann
lagði stund á höfundarétt við University College
í London 1947-1948. Sigurður Reynir starfaði
hjá fræðslumálastjóra 1948-1954. Hann rak mál-
flutningsskrifstofu í Reykjavík 1949-1968, varð
hdl. 1949 og hrl. 1955. Hann hefur verið í stjórn
STEFs frá 1951 og lögfræðingur þess frá sama
tíma. Forstjóri STEFs hefur hann verið frá 1968,
framkvæmdastjóri og lögmaður Sambands flytj-
enda og hljómplötuframleiðenda frá stofnun
1973, lögmaður Félags íslenskra hljómlistar-
manna frá 1968 og Félags íslenskra leikara frá
1961. Sigurður Reynir sat í nefnd þeirri, sem
undirbjó höfundalögin frá 1972, og hefur setið
[ höfundaréttarnefnd frá stofnun hennar 1973.
149