Tímarit lögfræðinga - 01.11.1985, Page 46
að gerð þessa sáttmála voru þeirrar skoðunar að gagnkvæmir samning-
ar á þessu sviði væru ekki viðunandi ef allir, hvar sem er í heiminum,
ættu að hafa aðgang að hugverkum. Því þótti þeim nauðsynlegt að
koma alþjóðlegri skipan á þessi mál. Nú eru aðildarríkin orðin um 70
talsins.
Þau ríki sem staðfest hafa Bernarsáttmálann mynda Bernarsam-
bandið, en innan þess eru helstu leiðandi ríki heims, þ.á m. flest Evrópu-
ríkin. Bandaríkin og Sovétríkin eru ekki í Bernarsambandinu.
Allt frá stofnun Bernarsambandsins hefur Bernarsáttmálinn verið
endurskoðaður átta sinnum, nú síðast í París árið 1971. Smám saman
hafa lágmarkskröfur um vernd hugverka verið auknar með tilliti til
nýrra tegunda hugverka og vaxandi skilnings á réttarstöðu höfunda.
Island gerðist aðili að Bernarsambandinu með heimild í lögum nr.
74 frá 5. júní 1947, sbr. auglýsingu nr. 10/1947. Staðfesting Islands á
sáttmálanum nær til þeirrar gerðar hans sem samþykkt var árið 1886
og síðast var endurskoðuð í Róm árið 1928. Gekk sáttmálinn í gildi
hér á landi 7. september árið 1947. Með lögum nr. 80 frá 31. maí 1972
var ríkisstjórninni heimilað að staðfesta Bernarsáttmálann í þeirri
gerð sem samþykkt var í París 24. júlí 1971. Staðfesting á heildartexta
Parísargerðar sáttmálans hefur ekki farið fram, en hinn 28. september
1984 gerðist Island aðili að hluta Parísargerðarinnar. (Aðildin tekur
ekki til 1.-21. greinar sáttmálans né viðaukans í þeirri gerð sem sam-
þykkt var í París 1971.) Væntanlega mun þess þó skammt að bíða að
Parísargerð Bernarsáttmálans öðlist lagagildi hér á landi í heild, annað-
hvort með staðfestingu heildarsáttmálans eða breytingum á höfunda-
lögunum til samræmis við kröfur hans.
Þórunn J. Hafstein lauk lagaprófi frá lagadeild
Háskóla íslands vorið 1982. Aö loknu lagaprófi
starfaði Þórunn fyrst sem fulltrúi yfirborgar-
fógeta í Reykjavik og siðan sem deildarstjóri
innheimtudeildar Gjaldheimtunnar í Reykjavík.
Árið 1983-1984 stundaði Þórunn framhaldsnám
m.a. í höfundarétti og fjölmiðlarétti við Uni-
versity of Pennsylvania í Bandaríkjunum og lauk
þaðan mastersgráðu (LLM) vorið 1984. Þórunn
starfar nú sem deildarstjóri í Menntamálaráðu-
neytinu. Grein sú, er hér birtist, er byggð á er-
indi sem flutt var á málþingi Lögfraeðingafélags
íslands 22. september 1984 í Fólksvangi á Kjal-
arnesi.
184