Tímarit lögfræðinga - 01.11.1985, Qupperneq 50

þeir að vera í ákveðnum tengslum við eitthvert aðildarríkjanna, t.d.
ríkisborg'arar þess eða þá að flutningur eða hljóðritun hafi farið fram
innan yfirráðasvæðis þess. Þá verða útvarpsstöðvar að vera staðsettar
innan yfirráðasvæðisins, sbr. 5. gr. sáttmálans.
Rómarsáttmálinn kveður á um ákveðna lágmarksvernd sem hverju
aðildarríkjanna er skylt að veita í samskiptum sínum við önnur aðild-
arríki.
Lágmarksvernd listflytjenda nær til eintakagerðar, eftirgerðar og
birtingar listflutnings og veitir þeim rétt til að koma í veg fyrir ákveð-
in not af listflutningnum án þeirra samþykkis. Þessi not eru einkum út-
vörpun og dreifing til almennirigs á lifandi listflutningi, upptaka á lif-
andi listflutningi og eftirgerð hans án þeirra samþykkis eða ef eftir-
gerðin var ætluð til annarra nota en þeir gáfu samþykki sitt til í upp-
hafi, sbr. 7. gr.
Hljóðritaframleiðendur hafa rétt til þess að heimila eða hindra beina
eða óbeina eftirgerð á hljóðritunum sínum, sbr. 8. gr.
Ef vernd hljóðritaframleiðenda eða listflytjenda eða beggja þessara
aðila er háð formskilyrðum í landslögum aðildarríkis, að því er tekur
til hljóðrita, er talið að þeim formskilyrðum sé fullnægt ef öll eintök
útgefinna hljóðrita, sem á boðstólum eru, eða umslög þeirra bera
sem tilgreiningu táknið ® ásamt ártali fyrstu útgáfu, „enda sé tilgrein-
ingu þessari komið fyrir á þann hátt að það gefi nægjanlega til kynna
áskilnað um vernd“, sbr. 11. gr. sáttmálans.
í sáttmálanum eru engin ákvæði um vernd til handa listflytjendum
að því er tekur til huglægra réttinda, þ.e. sæmdarréttar.
Útvarpsstofnanir hafa rétt til að heimila eða hindra endurvarp út-
varps, upptöku á útvarpi og eftirgerð þess undir ákveðnum kringum-
stæðum og dreifingu til almennings á sjónvarpi þeirra ef hún fer fram
á þeim stöðum sem almenningur á aðgang að gegn greiðslu aðg'angs-
eyris.
Verndartími samkvæmt sáttmálanum skal vera 20 ár hið skemmsta
en hverju aðildarríkjanna er þó heimilt að ákveða lengra verndartíma-
bil í landslögum sínum. Ef aðildarríki veitir vernd í lengri tíma en 20
ár getur það með yfirlýsingu, sbr. 16. gr. 1. tl. a, komið í veg fyrir að
það þurfi að veita þegnum annarra aðildarríkja vernd í lengri tíma en
þegnar þess njóta í þeim ríkjum.
Verndartímabil hljóðritaframleiðenda og listflytjenda telst frá upp-
töku en ekki útgáfu hljóðritsins, en ef um listflutning er að ræða, sem
ekki er tekinn upp á hljóðrit, miðast verndartíminn við það hvenær
listflutningur fór fram. Verndartími útvarpssendinga miðast við það
188